Khamh A Tlau Kho A Timi Hna Nih Khamh A Tlau Kho An Tinak A Ruang Cu

Khamh a tlau kho a timi hna nih Khamh a tlau kho an tinak a ruang cu

1. Pathian dinnak (God’s Righteousness) le minung dinnak (human righteousness) kha an cawh lengmang ruang ah a si.

2.Khamh hmuh hlan sualnak man le khamh hmuh hnu sualnak man an cawh peng ruangah a si.

3.ZAWNG LAKAH NGAU KANG ruahnak an ngeih peng ruangah a si.

3.Mah le mah kha thih tiang ralring in sualnak pelte tak hmanh tuah bak lo in DINGTHLU LAIREL ka si kho peng lai ti lungput an ngeih ruangah a si. BUT

Pa ci tel loin hrinmi Jesuh dah ti lo cun Pa ci in hrinmi taksami poh hi ai ai ai, thih tiang chim lo,nikhat chungte hmanh ah sualnak a hrial kho lo Adam tufa le sual company fa kan sinak kan zia a chuak lengmang ti i fian zinpan paha hau cu.

By: Peter Thang Tum

Relchap: Khamh Fiannak

Khamh Fiannak

Johan 3:16b

Khamhfiannak asilole Pianthar asilole Hrinthan timi kong ah hin kan buai kho ngai ngai rih mi hi voi tam pi cu ka lung a tha lo tak tak. A ruang cu minung nih mithmuh le theih hngalh mi in tuaktan khawh a si mi a lo nain Pathian lawng lawng nih kan sining tak tak cu a kan theih khawh mi le a kan cohlan mi a si caah a si. Minung hmuh ning le tahnak le ruahnak in kan tuak chung paoh cu kan ii al peng ko lai.

Pathian nih cun, “cu caah amah a zum mi paoh cu thi lai lo, zungzal nunnak an ngei lai. (Johan 3:16b)” tiah fiang te in a chim mi cung ah na rian ka rian cu “zumh” kha a si ko. Cu zumhnak ti mi cu theology (Pathian bia cawnnak ) sang pi pi zong a hau lem lo. Thukpi zong in ruah a hau lo ii Pathian kha khamhtu a si tiah na thinlung dihlak, na ruahnak dihlak, na sining dih lak te in zumh kha a hei si ko. A tu vawlei cung kan tlawn len lio caan ah cun zumhnak a deu le deu lo ti mi hi cu kan thei kho dih tak tak lai lo nain camipuai kan phi ban tuk in result (aphi) a chuah caan cu a um te ko lai. Cu cu Jesuh nih Tuu le Meheh tiah a kan then caan cu a si lai. Tahchunhnak in kan lak a si ah cun camipuai na phi kho tuk ko ii result ah na sungh ah cun na lung a tling lai lo ii na saya/sayamah sin ah ka phit mi catlap rak ka hmuh sak tuah ti in hal in na dir ngam lai kei zong ka dir ngam lai. Zei ruang ah ti ah cun na camipuai phit mi kha na fiang tuk caah ka sung kho hrim hrim lai lo ti kha na theih tak tak caah na phit mi catlap hal ngam tiang in na dir ngam ii na hal ngam cu a si.

Ni hin ni ah nang le kei nih khamh fian ti mi hi a zei ti paoh in hmu ko uh sih, chim len ko uh sih, a biapi bik mi cu Jesuh sin ah zumh tak tak in dir ngam in “Bawipa, na ka khamh caah ka lawm, ka thlarau nih nangmah cu an teh, an hngalh, an dawt, an theih an hmuh ti in Jesuh tawnngam tiang in zumhnak na ngeih a si ah cun kei mah hmuh ning le ruahkhawh tawh in cun” a tu kan chim lengmang mi hrinthan, khamhfian le pianthar ti mi na si hrim hrim cang tiah Jesuh nih an cohlan tiah chim ka duh.

Cun khamh tlau le tlau lo ti mi kong ah hin tlau a ti mi an tam tuk ban tuk in a tlau lo a ti mi zong an tam pi ve. Khamh aa fiang tak tak cang mi nu/pa caah cun khamh tlau le tlau lo hi a ruah zong a ruat zuam lai lo. Camipuai tha te in aphi kho mi caah cun result chuah ding hi a tih hrim hrim lai lo. A ruang cu a phit khawh mi kha lih a si lo ii a biatak tak tak caah a si. A phi kho pah phi kho pah lo mi caah cun result chuah lai kha an tih pah rih a ruang cu phi kho sat sai lo in ka phi kho tiah lih an rak chim caah a si. Nihin zumtu na si ka si nak ah result chuah ding asilole Jesuh tawn ding a ngamh lo mi le a thin a phang rih mi kan si sual maw? Na si ka si sual ah cun Jesuh hmai ah mi lihchim kan si ko lai hih.

Be the first to comment

Leave a Reply

Your email address will not be published.


*