Khin Nyunt Chan SPY hna Hmang in CDF PDF Hriamnam Bawmhnak Lam Phih an i timh cang!

Khin Nyunt Chan SPY hna Hmang in CDF PDF Hriamnam Bawmhnak Lam Phih an i timh cang!
=======
Ralhrang nih NUG tang Ralkap hi 40000 – 50000 an si lai tiah thanhca an chuah. NUG nih Hriamnam a pek khawh hna lo kha Ralhrang nih an theih ve.

Cu caah PDF CDF hriamnam bawmh khawh lo ding in khuakhan nak le planning an ngeih cang. Thai ramri ah cun Khin Nyunt Chan SPY hna kha a hmang hna. India zong ah Pu Khin minung rual kha a hmang hna. India nih Hriamnam tlaih an i thawk cang men lai.

Hriamnam bawmh khawh an si lo ah cun, CDF PDF an lung dong lai. Phu khat le khat ah i theihthiam lo lai,i remh lonak fakpi in aum lai. I pumkhat khawh lo nak aum lai caah, kan mah tuk hau loin, CDF PDF an rawk dih te lai. Asilo ah cun anmah le mah kan doh ter hna lai.

ZRA le MDF cu kan hmangrua ralkap an si te lai tiah, Ralhrang lei in biathli ka theih mi asi. Hriamnam kong ah CNF/CNA upa cheukhat le CDF upa chuekhat zong India cozah nih wanted in an kawl cuahmah lio hna asi. Cucaah NUG CDF PDF nih hlan nakin kan i ralrin deuh a herh.

NUG Federal Charter hi Cakei Asi ko. Mi umnak ah cun an kan seh lailo nain, mi an um ti lo hnu, an paw atam tuk hnu, an ha thi athak hnu ahcun an kan seh ko lai. Thih lak in kan hngawng bak ah an kan seh ding mi NUG Federal Charter asi. Kan thanh chung mi asi, Meeting ah chuahpi ding an ti ko nain, vote an thlak te lai i, Kawlte vote nih atei te lai caah hiti ning in akal lai ti hi 99% cu afiang ko.

Tlukruannak le kan covo vialte timi Lungpi cung ah sak mi Mah tein khuakhan Lairelnak Innkil lung le foundation ah sak mi Innpi kha Federal kan ti duh mi cu asi. Kawlram cu pyiduangsu an ti ko nain, one pyidaung lawng asi zungzal. NLD zong one pyidaung in an kal. CRPH le NUG zong nih one pyidaung an kal tak khawh bak lo.

Panglong ah state an rak fek ter lo. A hnu ah kan tuah lai an ti riangmang i, kawlte state (7) an i lak bak ko. Federal cu asi ko lai ee. Nain tlukruan nak aum lo. Kawlte fang 7 an co ah kan nih fang khat lawng kan co lai. Tlukruannak aum lo ahcun Mah Tein khuakhan Lairel nak hi ahlawh tlin lo in Federal a deu asi tawn ve. A fek lai lo.

Kawl Fangkhat Chin Fangkhat timi hi phaisa suingun lungvar i phawt lawng asi lo. Political Socioeconomic, Health, Education, Employment, benefits, rights, tbk biaknak tiang in ahuap mi asi hi philh awk asilo. Zeizongza ah i tlukruan dih kha asi. Vanlal no bang a tah na Kalvary ah an dang cuang lo ee timi nun kha asi. NUG le CRPH hlutdawh ah ceihding mi agenda asi tiah mipi hlen ding asilo. Dehcawh ding zong asi fawn lo.

Mikei hi milak ah an um ahcun, an ho le an mei an thuh. Mi seh an duh tikcan lawng ah an ho an chuah, an tawme an reng i, mi hngawng cu cat lakin an seh tawn ko hen cu. Chin Dr Te pahnih hi kawlte hnam an ngeih cang khawh men. Hnam nih a kaih cang kohna rua. Mikei sin ah aum mi an si caah minung siti lo hlah in maw an um cang. Khuaruah har. Tuanbia tazakhan an si cang lai, an mah Dr te bia ning in cun. Credit: Joseph R. Thang

Be the first to comment

Leave a Reply

Your email address will not be published.


*