Khrihfa chungkhar ah Laimi nu le pa tampi nih fale cawnpiaknak kongah

Khrihfa chungkhar ah Laimi nu le pa tampi nih fale cawnpiaknak kongah
=========
Khrihfa chungkhar ah Laimi nu le pa (parents) tampi nih fale cawnpiaknak kongah an i palh tawnmi: Fale kha, heh tiah bia in va cawnpiak, Bible ca va relter, biakinn va kal ter, Church school va kai ter, tibantuk pawl hi asi. Mah pawl hi, a ttha tukmi le a herhmi asi ko. Nain, mah pawl lawng hi a za hrimhrim lo.

Fale cawnpiaknak caah hmual a ngei bikmi le nan fale zong ttha hna seh ti nan duh ahcun: nan innchungkhar (family) ah, zeitindah na nupi/pasal he nan i chawnhbiak/pehtlaih (treatment) ningcang ahkhan ai hngat. Na nupi/pasal kha, hmurka ttha in na chawnbia maw; khat le khat i upatnak (respect) nan ngei maw; theihthiamnak (understanding) nun nan ngei maw?

Nan innchungkhar ah, mah pawl hi nan chambau ahcun nan fale kha, heh tiah bia tthattha nan va cawnpiakmi hna; Bible ca nan reltermi hna; Biakinn/Church school nan va kai termi hna nih khan, an nunziaza/lungput zei pipa a remh kho lo.

Chungkhar ah zeitindah na nupi/pasal na chawnhbiak/pehtlaih (treatment) ning asi timi kha, ttha tein vai check, vai zoh law — mah nihkhan nan fale kha, hmailei (future) ah zeitindah an tthan lai timi cu, lai a rel bik ko.

Nun in chimh lomi cu kan bia an ngai duh hleilo. Rawl ei lio ah holh hlah umu kati hna ii “Nunu papa he nan ei ah bia nan i ruah peng veko khata” a kan ti. Mahhnucu ka ti ngam ti hnalo Chungkhar ah, bia nak in, nunziaza in fale cawnpiak nak tluk in, fale caah a ttha deuhmi cawnpiaknak ttha a um ti lo. Credit: Van N Elizabeth

A hmaan tuk hringhran ee, A ttha tuk. Kan i lawm tuk muh, Ruahnak ttha tuk asi. A ka Hringtu Kanu nih hin, Thantlang kan um lio, kan hngakchiat lio ah a Kan ti lengmang ve micu Chungkhar hi Uknak fate pakhat asi ve ati. Chungkhar in kan i UK ning hi Bawipa duh ningin kan kal ahau ati ve i a Caan arem zong, rem lo zongah Chungkhar pumhnak hi zerhkhat voikhat cu a kan tuahpi peng ve.

Hngakchiat lio kanti cu kan unau rual hin kan huam caan, huam lo caan , lungthawh caan, thawh lo caan in kanum ve, Atu kan van cuza ve cang i, kan nunnak lam thluan ah a Ka Bawm Bik tu le thazaang thar a ka pe lengmang tu cu a ka Hringtu Kanu Bia cemcem hi asi ko. Pathian Bia hi, Hringtu nulepa nih Dawtnak taktak in Duhpiak nak taktak in a kan chimh cawnpiak mi atlawm te ko, nain, kan lungthin chungah a Nung cemko fale kan caah cun.

Innchung thianhhlimh hna hi Kanu nih atuah mi ningin katuah ko atu tiang hi mu, Kanpa nih bawbi tteih hi na thiam tuk ee. khoika ah na cawn a ka ti i, Ka Tta Tta Van Bawi sinin kati, Ka Tta bawngbi ka tteih tawn ah a rin khi pahnih a chuak tawnle, Ka Tta nih hiti hin na tteih lai ati i cunak cun ka thiam thai ve cuh.

Chungkhar in nun cawn le Bia chim holh rel hi a biapi bik ko. Hringtu nulepa nih a ci kan tuh i kan zohkhenh ahau ko, Khrihfa Bu Chungkhar Sunday School nih ti anrak toih pah ve i cuticun athei ttha a hninghno mi, Pathian duhning le mipi duh ningin a lamkip in tthan hi a ttha bik ko. Chungkhar in zeipaoh hi i awt hmasa ahau ko ee.

Theihtlei: Thilfir, Chinmi nih kan buar ngai mi upadi pakhat cu thilfir (theft) a si. Indiana State upadi ning in cun: A voi khat nak thil na fir ah cun “Class A Misdemeanor” a si i kum 1 tiang thong thlak khawh na si. Cun, tangka zong $5,000 tiang liam ter khawh na si.

A voi hnih nak thil na fiar a si ah cun “Level 6 Felony” a si i thla 6 in kum 2 le cheu tiang thong thlak khawh na si. Cun, tangka zong $10,000 tiang liam ter khawh na si. A voi khat nak thil na fiar a si zong ah, na fiar mi thil kha mawtaw silole meithal a si ah cun “Level 6 Felony” a si. Cun, na fiar mi thilman $750+ a si ah cun “Level 6 Felony” a si.

Thil na fiar mi a man $50,000+ a si ah cun “Level 5 Felony” a si i kum 1 in kum 6 tiang thong thlak khawh na si. Cun, tangka zong $10,000 tiang liam ter khawh na si. A cung lei dantat nak pawl cu um rih ko seh, kan background ah mifir tiah an ttial hnu ah cun, rian ngah lo a fawi te. Cun, citizen kan sok tik zong ah a buai ngai kho men.

Mifir tam deuh ka ton mi hna hi sii (drug) a hmang mi an si. Chin mino ah sii a hmang mi an tam ngai. Sii lei upadi ka rak ttial te lai. PS: Theihtlei ka ttial mi pawl hi legal advise an si hrim hrim lo. Credit: Harmon Lian

Be the first to comment

Leave a Reply

Your email address will not be published.


*