Khrihfa nih ral kan tuk ding a si maw?

Khrihfa nih ral kan tuk ding a si maw?
=======
Tu lio kan ram cu, “an mah ma thi hmaisa lai kan mah” timi dirhmun i kan um caah hriamtlaih in ral tuk dih cio a si. Miphun ralkap pakhat tal chungkhar ah maw, rualchan a ngei lomi kan um hna lo.

Ral tuknak kongah atu lio kan Laimi Bible thiamsang hna lak ah a toawm bik ruahning phun hnih cu a um cang. Cu ruahning phun hnih cu a tawinak tein a tanglei ahhin ka hun langhter duak lai. Hi hna hi keimah pumpak ruahning an si lo, tihi nan ka theih piak ka duh.

1. Kan nih Khrihfa cu raltu ve ding kan si lo; Hihi tu lio Lai Pastors/evangelists tampi ruahnak a si. Vawlei uknak le uktu hna cung nawl ngeitu cu, “Pathian a si” tiah Bible nih fiang tein a chim ko caah kanmah nihcun uknak ttha cu duh hmanh usihlaw, Pathian nih kan herhmi “uktu ttha lo” tu a kan pekmi a si.

Pathian nih nawl a pek hna lo ahcun, Kawl ralkap zong nih uknak zong an la kho hnga lo. Cucaah Pathian nih oan uktu dingah nawl a pekmi hna an si caah, kan nih Khrihfa ca ahcun uknak latu hna va doh cu “Pathian khuakhaan le lairelnak lungtling pi lo” a si, tiah an ti.

Hi bantuk ruahning a ngeimi hna hi, “ziah kan ram, kan miphun le kan nuhrin covo cu kan ven lai lo”? tiah kan hal tikah a kan lehmi cu ” Khrihfa cu vawlei ah ram kan ngei lo, vawlei mi kan si lo, vawlei ah mi thah hnawh tiang in ven dingmi thil zeihmanh kan ngei lo. Kan nih kan ro cu van ah a um, kan ram zong van ah a s”, tiah an ti. Bible cherhchan bak in an dirpimi ruahning a si ve hih.

2. Khrihfa kan si zongahhkan ci hmih a kan timtu ral cu kan tuk ve hna awk a si ko. Hihi kan Laimi Bible thiamsang cheukhat lungput le ruahning a si ve. Lamkaltu cauk chungah, Pathian kan chuahnak khua, ram, miphun le kan umnak hmun vialte zong hi a rak ruahkhah dih cikcek ciami a si, a ti caah atu kan umnak ram le miphun hi Pathian nih kanmah ven, zohkhenh le sersiam dingah a kan pekmi an si. Israel miphun cungah Pathian rianttuannak zong nih cucu fiang tein a langhter ko.

Pathian nih a kan pekmi kan ram le kan miphun venhim nak ding ca ahcun kan ral cu kan tuk ve hna hrimhrim ding a si ko. Pathian pekmi kan ram le miphun kan ral hna kut in kan ven lo i an duhning poh in kan hrawhter hba ahcun, Pathian thilpek zei ah a rel lomi pei kan si lai cu, tiah an ti ve.

Bible cherhchan bak in an dirpimi ruahning a si ve hih. A si ahcun nang zeitindah na ruah ve? A tanglei comment ahhin nangmah pumpak ruahning hun langhter ve hnik.

Biakinn hi Khrihfabu nih Pathian biak le thangthatnak caah kan sakmi inn a si! Biakinn hi Khrihfabu nih Pathian biak le thangthatnak caah kan sakmi inn a si. Khrihfabu a silo. Khrihfami a buin itonpumhnak hmun a si. Khua kan timi hi inn le lo khi an silo. A chung ummi minung vialte khi kan si.

Khrihfa mi hohmanh um hlah usilaw Biakinn cu inn nganpi sawhsawh khi si ko lai. Khrihfa mi hna bel cu Biakinn a um lo zongah thing tang le lungkua zongah Khrihfa kan si ko lai.

Khuachung inn vialte a kangh dih zongah khua sinak le a min cu a tlau hlei lo. Thantlang khi zoh ko uh. Cucaah chim duhmi cu kan biakinn pawl an kang sual lai tiin khuacung kahdohnak kan kham ahcun nikhat khat ah biakinn lawng dir in Khrihfa sinak vialte a tlau te kho.

Cucu hi ralhrang pawl nih kum 70 leng chung an izuam hnawh pengmi cu a si. Khuachung ah inn zong um ko minung zong him ko i miphun dang holh hman le nunphung caholh vialte zong tlau dih khi tah kan duh lai maw?

Cucaah chim duhmi cu kan biakinn le innlo pawl maw kan ven lai kan Biaknak, Nunphung Caholh le kan ram vialte kan sining piin miphun dang nih dawpdolh dih dah kan ithim lai? (Ral lio a si caah ka ruahnak ah a hung chuakmi a si. Pros and Corn zong cu ruahchih ve thiamthiam ding) Comment ah question tuah khawh a si. Credit: Salai Ngun San Aung

Good News; Ralhrang Nih Ramleng Vanlawng Hna Myanmar Luhnak Nawl A Pek Cang! SAC nih ramdang vanlawng Myanmar luhnak nawl a khar Kum 2 reng lo a si hnu ah Myanmar le ramdang khualtlawng a phurtu vanlawng hna cu nihin April 17 ah Myanmar luhnak nawl SAC nih a on ṭhan cang, tiah theih a si.

Nihin ah ramdang vanlawng 5 Myanmar ah a ra ding an um i, cu chung ah Singapore le Myanmar khuatlawng phurtu Myanmar Airway International vanlawng pakhat zong a rak ṭum i, ramdang mi le Myanmar mi 124 a vun phurh hna, tiah SAC ministry of foreign affairs nih cathanh an chuah.

March 2020 in ramleng khuatlawng vanlawng le ramchung khualtlawng phurtu vanlawng hna cu rak phih a si i, SAC nih uknak an lak kum 1 a tlin hnu ah atu bantuk in a vun on ṭhan mi cu ramleng sin ah Myanmar ram cu a hlan kel bantuk tein a dai ko ti langhter a duh caah a si ti in NLD cozah chan ramchung khualtlawnnak lei committee chungtel pakhat nih a chim.

April 17, 2022 hnu cun Yangon in Bangkok, Malaysia, Singapore, S. Korea, India, Dubai ram hna zong caan khel in umkal khawh a si cang lai, tiah Yangon hrambunh air ticket zuarnak rianṭuantu pakhat nih a chim. Credit: The Chin Post

Be the first to comment

Leave a Reply

Your email address will not be published.


*