Khualtiawn Visa (Tourist) in Australia Luh Khawh Si Cang Lai

Khualtiawn Visa (Tourist) in Australia Luh Khawh Si Cang Lai (By Salai C. Twintwin): Kumpi kum hnih luklak pulrai ruangah ramri innka a rak khar mi cu 21 February 2022 in on than a si cang lai. Australia ah hin buaktlak in minung 9 million peng hi khualtlawng VISA in kum fatin an lut ti si. Hiti a si caah an tangka hmuhnak hrampi pakhat a si ti khawh a si.

2018-2019 chung lawng ah 60 billion an hmuh. Sinain pulral ruangah kum hnih tluk ram chung minung humhak duh ah an phih chung i atu an van on than hì a si. Australia nih VISA phun 100 lengkai a ngeih, cu lak ah a tlangpi in Laimi kan luhnak cu Refugee and Humanitarian Visa a si mi 200, 201, 202, 203 le 204 an si.

Adang Temporary VISA tete telh in khualtlawng VISA zong hin tampi kan lut. Kan hnu kum December 16, 2021 ah khan mipem, ralzam le siangngakchia (student) visa hna caah a rak on cang. Amahbelte, ramchung luh khawh nakding ah tuah hrimhrim ding tiah zulhphung a ser mi a um, cucu Covid sil voihnih ai chun cang mi an si lai a ti.

Sinain damlo ruangah covid sii a chun kho lo mi na si ahcun, siibawite catialpiak mi ken a hau lai. Covid sii na ziak lo zong a si lo nain na chunh lo a si ahcun, Travel Exemption na sok a hau lai i, cu hnu ah CPR test na tuah a herh lai siloah nangmahte in Covid na test mi ‘Negative” na sinak langhter (piah) a herh lai.

Cun Covid aa chun lo mi caah zarh hnih chung “Hotel Quarantine” uma hau fawn lai (Daily Mail nih cun manlo (free) a si lai, a ti). Theih ding mi cu, Australla ram chung pengkulih pakhat le pakhat hi pulrai zulhphung ai khah lo caah, khualtlawng VISA in rat aa tim mi na si ahcun na kalnak ding pengkulh cozah zulhphung felfaite in na hlat hmasa ah a tha lai. Credit: Salai C. Twintwin

Credit: Chinland news

Be the first to comment

Leave a Reply

Your email address will not be published.


*