KIO Cungah Min Aung Hlaing tuahsernak cu a unau pa nawl aa cawn!

KIO Cungah Min Aung Hlaing tuahsernak cu a unau pa nawl aa cawn!
===========
KIO cungah MAH tuahsernak cu a unau Pa, Putin nih Ukraine a tuahto ning nawl aa cawn rua ti awk in a um. Ground/ Vawlei cun thazaang a ngei ti lo caah, a bu in an umnak paoh ah Bomb in mual hman aa bawh cang tinak a si. Tulio Uk ram a uktu Conservative Party cu anmah le anmah karlak ah ihmuh thiam lonak a sang ngai i, Kum 1 chung ah Prime Minister 3 an ithleng.

Vawleipi a rak uk baltu, Kingdom cu, mipem India 🇮🇳 Pa rorelnak ah an tla. Rishi Sunak hi mirum a si i, King Charles nakin a rum deuh an ti. A rumnak belte hi a Nupi, Akshata Narayan Murty sinin a si, ti a si. Labour Party hruaitu, Keir Starmer nihin ah tlawmpal a rial i, Truss bantuk cun a rial kho ti lo i, Conservative MP pawl an mirh a ttha ngai ti tiang kan theih rih. Zeidah a lawh te hnga.

Saudi Arabia 🇸🇦 nih an ukmi/ influence ngaimi OPEC nih Oil chuah tlawmter ding biachahnak an tuah. November in an thawk lai. JOE bidden nih a va tlawn hna i, oil tam deuh chuah a Nawlmi hna cu, tam deuh chuah chim lo, tlawmter chinchin dingin bia an khiah deih tikah, US nih Russia lei tang in a ruah hna caah, US an thin a lin ngaingai. An ipehtlaihnak fakpi in a hnawrsuan.

China 🇨🇳 Communist Party congress, a donghnak ceremony lio ah, hmaitlar a tthumi lak, China 🇨🇳 president hlun, Hu Jintao cu, ruahlopi in an chuahter i, a ruang hngalh a si lo. China 🇨🇳 state media nihcun, ngandamnak lei ruang ah a tthutnak tthial a si tiah an chim. Term 3nak a pehtu Xi Jingping nihcun, Taiwan 🇹🇼 he ifawnhnak ah by force/ ralkap thazaang kan hman lai lo tiah a chim. President Xi nih a hmalaknak cu, China 🇨🇳 Foreign policy a si tikah, a ra dingmi 5 years chung ahhin biatak tein, US an zuamcawh lai tinak a si.

US Cozah nih ELON Musk cu, Ukraine 🇺🇦 pawl Internet a bawmhmi hna bantuk in Iran zong bawmh ve dingin an chawnh ti a si. US mirum pawl hi an rum tuk cang i, Kawlram bantuk, ram pakhat nakin, an rum deuh cang tikah, Kan Vawlei hi ttihnung lei a si tiah comment tete hna rel ding a um len.

KIO nih an tonmi kong ah tlawmpal te kir usihlaw, MAH nih an cungah a tuahmi cu lung a fak ko. A bik in anmah hi training provider an si tikah, MAH nih a ral khun hna timi a fiang ngai. Nain khat lei in ruah a herhmi cu ral lio ah open celebration tuah cu, khuaruah a tam ko.

Kawlram ah a bik in tlangpar mi, Chin telh in, founder sinak, anniversary le jubilee timi kan uar tukmi hi thangcholo, popularity uarnak pakhat a si. Dothlennak kan tuahmi ah teinak kan hmuh hlan ahcun, hnahchawl phah ding a si rih lo. Zeitindah sa kan kah khawh lai i, Zeitindah sa kan bawh lai tbk lawng tuak rih ding a si hnga tbk lei hi kei ka ruah ning a si. Credit; Zasang Cinzah

KIA, PDF Le SAC Ralkap Kar Kahdohnak A Chuak, SAC Lei Hriamngan Kahnak Ruang Ah Tualchungmi Nu Pakhat A Nunnak Liam. Kachin ramkulh, Banmaw peng ah SAC ralkap hna nih an thlahmi hriamngan hliamhnak ruang ah tualchung mi nu pakhat a nunnak liam tiah tualchung mi nih an chim.

October 26, chunhnu suimilam 1:00 hrawng ah Banmaw he meng 5 tluk aa hlatnak Mankhun khua pawng ah SAC ralkap le KIA, PDF phufonh kar kahdohnak a chuak tiah theih a si.

Kahdohnak ah Banmaw in meng 2 tluk aa hlatnak SAC ralkap sakhan le meng 3 tluk aa hlatnak battalion umnak in hriamngan kah an bawmh hna caah, meng 5 hmun ah ummi Mankhun khuami nu pakhat cu hriamngan hliamhnak in a nunnak a liam tiah khuami pakhat nih a chim.

Gyainsaitkyi Peng SAC Ralkap Sakhan Pakhat KNLA Phufonh Nih An Lak, Ralkap 17 Nih An Hriam An Chiah. Kayin ramkulh, Gyainsaitkyi peng Kyaitdune(ကျိုက်ဒုံ) peng SAC ralkap khah-mah-yiah 339 hrambunh sakhan pakhat cu October 26, zinglei ah KNLA phufonh nih kahdoh ah tuah hnuah an lak khawh tiah KNLA brigade 6 in tat-hmu-kyi pakhat nih a chim.

SAC ralkap hna tat-mah pakhat si mi no.13 Operations Command Headquaters kuttang um khah-mah-yiah 339 hrambunh Kuilungtai(ကွီးလုံးတိုင်) sakhan cu kahdoh in an lak khawh, SAC ralkap 17 nih an hriam an chiah i, meithal 43 le hriamnam thil tampi zong an lak khawh tiah theih a si.

SAC ralkap sakhan laknak ah SAC lei nih hriamngan le helicopter hmang in bawmhnak an pek leng ah van lei kahdohnak zong an tuah nain SAC ralkap sakhan cu hlawh tlinnak he kan lakkhawh tiah KNLA nih an chim.

Rallam Sialtu SAC Ralkap Dohnak A Tuahtu PDF Chungtel Pakhat A Nunnak Liam. Sagaing ramthgen, Myinmu peng ni chuahkei ah kee in rallam sialtu SAC ralkap minung thazaang 150 leng cu bomb puahhnawh ding in a bawhtu MNRF phu cu kah an ton caah kum 19 simo PDF chungtel tlangval tat-suh-hmu a nunnak a liam tiah theih a si.

A luancia October 24, zinglei ah Moe Nyo Revolution Force (M.N.R.F) phu in tat-suh-hmu le ralkap 4 cu bomb hmanhnak an tuah hnu in SAC ralkap an bawh hna lio ah SAC ralkap nih an kulh hna, cu lioah tat-suh-hmu nih a ralkap PDF ralkap 4 cu a zaam ter hna i an zaamnak lam venpiak dingin kut ser meithal he SAC ralkap dohnak a tuahtu kum 19 tat-suh-hmu cu kah a ton caah a nunnak a liam tiah MNRF phu in tuanvo ngeitu Ko Taezah nih a chim.

A nunnak liammi kum 19 tlangval PDF tat-suh-hmu cu tanghra camipuai ah distintion 2 in teinak a hmutu a si i, October 24 zinglei ah SAC ralkap nih an kah caah a nunnak a liam, October 25 ah a ruak vuinak an tuah tiah theih a si.

“Kanmah nih hin hriam tha deuh ngeikho uh sih law, a nunnak hi a liam hngalo, kan ralkap tat-suh-hmu nih kutser meithal he a ralkap vennak tuah in a nunnak a pek” tiah MNRF phu in tuanvo ngeitu Ko Taezah nih a chim.

Loikaw Ah Hriamngan Hliamhnak In Ngakchia Pakhat A Nunak Liam, 7 Hliamh An Tuar. Karenni ramkulh Loikaw peng Warikawkhu( ဝါရီကော်ခူ) khuachung ah SAC ralkap hriamngan kahmi a tlak caah ngakchia pakhat a nunnak liam i minung 7 nih hliamhma an tuar tiah tualchung mi nih an chim.

SAC ralkap hna nih Warikawkhu( ဝါရီကော်ခူ) khuachung ah October 26, zinglei suimilam 4:00 le chun suimilam 12:00 ah hriamngan an kah hi a si. SAC ralkap hriamngan kahnak ruang ah ngakchia pakhat a nunnak a liam i, ngakchia telh in minung 7 nih hliamhma an tuar tiah Karenni nuhrin covo lei riantuantu phu nih an langhter.

Wetlet Ah PDF Ralkap 2 Cu Bomb Nih A Puahhnawh Hna Caah An Nunnak A Liam. Sagaing ramṭhen, Wetlet peng ah PDF ralkap 2 cu bomb an sersiam lioah a puah caah an nunnak a liam, tiah theih a si. October 24 zing sml 11:30 ah rallam a sialmi SAC ralkap va doh ding in an kal lioah bomb ihliam sualnak in BLACK WOLF – ARMY phu in ralkap Saw Kyaw Zaw Shing le ralkap Ṭi Kaung cu an nunnak a liam, tiah theih a si.

Ralkap Ṭi Kaung cu bomb a puah hnu October 24 zing sml 11:30 ah a nunnak a liam i, Saw Kyaw Zaw Shing cu a hliamhma he zan sml 7:00 ah a nunnak a liam ve, tiah BLACK WOLF – ARMY nih an langhter.

Monywa-Ayartaw Lampi Ah SAC Ralkap Motor Bomb Puahhnawh An Tong I, Ralkap 3 An Thi. Sagaing ramá¹­hen, Monywa-Ayartaw motor lampi cungah SAC ralkap phurtu thir in khammi motor pakhat cu, PDF nih nizan October 25 zinglei ah bomb in an puahhnawh caah SAC ralkap 3 an thi, tiah theih a si.

Monywa in a chuakmi SAC ralkap motor cu Black Dragon Special Task Force nih bomb lung 6 in an puahhnawh caah ralkap 3 an thi, hliamhma pumi zong an um. Bomb puahhnawh nak tlamtling tein an lim hnu ah hnu an tolh kho, a thimi le aa hliammi um lo tiah theih a si.

Yangon – Mandalay Lampi Ah Motor Accident A Can Caah Minung 3 An Thi, Hliamtuar An Tam. October 26, zinglei suimilam 6:30 hrawng ah Yangon- Mandalay lampi mengtung 228 pawng ah khualtlawng mi motor aa leh caah motor chung cuang khualtlawng mi minung 3 an nunnak a liam, minung 14 nih hliamhma an tuar tiah theih a si.

Cu motor chung ah cun khualtlawng mi minung 17 an cuang i cu chung ah cun pa minung 3 an nunnak a liam. Minung 14 nih hliamhma an tuar, hliamhma tuarmi hna cu pa 10 le nu 4 an si tiah theih a si. Hliamhma tuarmi hna cu mi bawmchantu phu hna motor in Nay Pyi Daw ihkhun 1000 a umnak sizung ah kalpi an si i, an hliamhma kong ah thinphan ding a umlo tiah theih a si.

Indonesia Nichuah Lei Rili Ah Tilawng A Kang, A Nunnak Liammi 17 Tiang An Phan. Indonesia ram nichuah lei rili ah tilawng mei kanghnak a chuakmi ruang ah a thi mi hi minung 17 tiang an phan tiah cozah lei in á¹­uanvo ngeitu hna nih October 25 ah an chim tiah theih a si.

KM Express Cantika 77 tilawng cu East Nusa Tenggara ramkulh Timor a lonh ah October 24 ah tilawng cu mei kanghnak a chuak i, tilawng chung cuangmi hna cu lautuk in an um caah tichung ah cun an zuang hna tiah theih a si.

Protesters take part in a demonstration against the military coup in Yangon on February 6, 2021. (Photo by YE AUNG THU / AFP)

Cu tilawng cu Kupang in Alor, Kalabahi lei an kal ah mei kanghnak a chuah hi a si. Rili chung ah cun mi ruak kawlnak an tuah i, tilawng mei kanghnak a chuah ruang ah a thimi ruak 17 tiang hmuh an si cang tiah mi bawmhchanhnak a tuahtu phu in Putu Sundayana nih a chim.

Rili chung ah tilawng mei kanghnak a chuah ruang ah nun bu in an chanhchuh mi hna hi minung 312 an si tiah theih a si. Tilawng a kanghnak kong ah zei ruang ah a kangh theih fian a si rih lo. A luancia 2018 lio ah Sumatara tiva a thuhbiknak hmun ah tilawng pakhat a rak pil bal i, culio ah cun minung 150 leng an rak thi. Credit: The Chin Post

Be the first to comment

Leave a Reply

Your email address will not be published.


*