KNU Nih Ralhrang An Thah Mi Hna Minung Zat An Langh Ter KNU Zawng..

KNU nawlngeinak chungah tu kum January thla chungin i kahnak voih 435 a chuak cang i, Military Council lei minung 399 an thi cang, mi 313 nih fakpi in hmah an hmuh tiin KNU nih February ni 8 ah thawngthanhnak an tuah. January thla chungin Military Council le BGF he an i kah nak ah khan KNU lei minung 7 an thi i, minung 24 nih hmah an hmuh ve tiin KNU nih thawngthanhnak an tuah.

Credit: Chinland news

Relchap: moses a thih hnu ah Bawipa nih Joshua cu a chawnh i ka sal Moses a thi cang; cucaah nangmah le hi mi vialte hna hi tho u law Jordan tiva hi tan in Israel mi hna ka pek laimi ram chungah cun lut tuah u. Na nunchung vialte na hmai i a dir kho mi a ho hmanh an um lai lo, Moses sin i ka um bantukin nangmah sin zongah ka um ve lai. Ṭhawng ngai le ralṭha ngaiin um tuah, Kan deuh lai lo i kan hlaw fawn lai lo. Nan keza nih a lamh laimi hmun paoh cu Moses sinah bia ka rak kam bang khan nanmah kan pek cang hna tiah a ti. Cun phungbia cauk nih hin na kaa kha chuahtak hlah sehlaw a chungah aa ṭialmi vialte ningin tuah awkah ralring tein na um nakhnga, chunzan in mah cucu na ruat lai; zeitintiah khi tikah na lam kha na tluanter lai i khi tikah khua awng na tong lai. Keimah nih nawl kan pek a si lo mei? Ṭhawng ngai le ralṭha ngaiin um ko; na thinphang hlah, na lung zong dong hlah; zeicahtiah Bawipa na Pathian cu khuazeika na kalnak hmanh ah na sinah a um ko,” tiah a ti. Amen!

Bawipa nih Joshua a fial bangin riahhmum chungah khan upa pawl cu an i chawk i Jordan tan ding le Kanaan ram luh dingin  Israel mi cu nithum kal ding in an timh tuahter hna. Israel mi nih cun an i thawh i Moses bia kan ngeih bantukin  nangmah bia zong kan ngeih ve lai tiah an ti; A ṭhawn bel ṭhawng law, ralṭha ngaiin um ko. Bawipa na Pathian cu Moses sinah a rak um bang khan na sinah um ve ko seh tiah an ti! Cu tikah Joshua nih Jeriko ram ngiatu minung pahnih a thlah hna i Jeriko an phanh tikah tlunnak inn cu an ngei lo i hlawhhlangnu Rahab inn ah an va tlung. Jeriko siangpahrang nih ram ngiatu an ra ti kha a theih tikah Rahab inn ah cun ralkap a hei thlah hna i na khualtlung ram ngiatu hna kha rak chuahpi hna tiah an ti.  Sihmanhsehlaw minu nih cun “Biatak a si, ka sinah mi cu an ra ko, sihmanhsehlaw khuazei in an rat cu ka hngal lo; cun kutka khar a si deng caah mi hna cu an chuak i khuazei ah dah an kal ka hngal lo; khulrang in dawi tuah hna u, nan phak ko hna lai,” tiah a ti hna. Rahab nih cun Israel mi cu Pathian tthawnnak he an ra i Jeriko hi an hrawh hrimhrim lai ti kha atheih caah a nunnak himnak kawl in ralkap pawl cu a rak hlen hna. A taktak le ngaingai tiah cun Bawipa bia bangin Israel mi hna ruangah hin a thir in an rak thir dih cang i an rak tih tuk cang hna Anmah ruangah si loin a nungmi Pathian tthawnnak ruang tuah asi. Amen!

Be the first to comment

Leave a Reply

Your email address will not be published.


*