KUM SAWMNGANAK PUAI I (Golden Jubilee 1972- 2022) HLAPHUAH I ZUAMNAK RESULT PHUANNAK CAAN

Lai Autonomous District Council

KUM SAWMNGANAK PUAI I (Golden Jubilee 1972- 2022) HLAPHUAH I ZUAMNAK RESULT PHUANNAK CAAN

Lawngtlai: 10 Vaute 2022 (Cawnnili) suimilam 1:00PM ah Lai Autonomous District Council Kum Sawmngannak Puai ( Golden Jubilee 1972-2022) Hlaphuah Zuamnak Result Phuannak Caan cu LADC Hall ah tuah a si.

Hi hlaphuah zuamnak result phuannak ah Pu T. Changnghingluaia, Art & Culture Officer, LADC nih caan a tlaih i, amah nih thlacamnak a ngeih hnuah caan thawk a si.

Lai Autonomous District Council Official hla cu Pu L.Z. Ringlawt (Sangau) phuahmi thim a si. Golden Jubilee hla cu Pu C.Z. Thanliana (Lawngtlai Council Veng) phuahmi thim a si.

Kum sawmnga tlinnak cu a ra lai mi 29 Vaute 2022 ah a phan cang lai. LADC hla le Golden Jubilee hla phuahtu thimmi hna Result cu Pu B.N. Thangpuia, EM i/c A&C & Chairman, Golden Jubilee Celebration Committe nih a phuan hnuah Roca le tangka a pek hna.

Hlaphuahtu dang hna zong sunlawihnak roca le tangka cu Executive Secretary, LADC, Pu H. Lalramenga nih a pek hna hnuah biatawi chimhnak a peh.

Cun, Pu LH. Ramdingliana (aka Salai R. Lahnim) nih lunglawmhnak bia a chim, CEM Pu V.Zirsang cungah a lunglawmhnak le Pu B.N. Thangpuia, EM i/c A&C cungah lunglawmhnak a chim i, Art & Culture a biapitning, MDC pawl nih biatak te’n hmaithlak piak ding le Art & Culture riantuannak hi techin fapar hna nih thutnak tha ah an run hman khawhnak hnga ding le hlaphuahtu hna cungah lawmhnak bia a chim fawn. Bia le hla nih miphun a sersiam caah, catialtu hna le hlaphuahtu hna an konglam hi a cozah lei nih biatak te’n an ruah awk ngai a si tiah a chim hnu ah caan dihter a si.

Credit: 21The Chin Times

 

Be the first to comment

Leave a Reply

Your email address will not be published.


*