Kyiv Khuapi Cu Russia Nih Vanlawng In An Kah, Nuclear Ralpi A Tho Sual Lai Ti UN Thinphang

Date:March 16, 2022

Kyiv Khuapi Cu Russia Nih Vanlawng In An Kah, Nuclear Ralpi A Tho Sual Lai Ti UN Thinphang

Ukraine ramchung Khiv khuapi cu Russia raltuknak vanlawng nih March 14 zaan ah kahdohnak fak a tuah, minung umnak inn tiangin an kah.

Kalay-Rihkhuadar Lei A Kalmi Motor Cu Ralhrang Nih Tangka An Hal Hna

Kyiv Khuapi Cu Russia Nih Vanlawng In An Kah, Nuclear Ralpi A Tho Sual Lai Ti UN Thinphang

Kawkareik {ကော့ကရိတ်} peng kahdohnak kong

February thla kahdohnak ah Ralhrang 41 an thi tiah CNDF nih thawng a thanh

Dawei ah KNU Officer hlun nih a hruaimi hna bu nih ralhrang an doh hna ralhrang tampi an thi

Kyiv khuapi chungun minung umnak inn nganpi cu raltuknak hmangin anvanlawng kah i minung 2 an nunnak a liam i, a dang 35 cu kan khamh manh hna tiah Ukraine nawlngeitu nih an chim.

Cu bantukin vanlawng in kahdohnak an tuah ruangah aa rawk mi inn lo hna cu Sviatoshynskyi pengkomh ah a ummi dot 9 sangmi le dot 16 sangmi inn 2, Podiskyi pengkomh ah a ummi dot 10 sangmi minung umnak, Darnytskyi pengkomh ah inn 1, Lukyanivska vawlei tang zong tlawmpal a rawk nain station cu nifatin tein a kal kho peng tiah nawlngeitu nih an chim.

Ukraine cungah Russia nih a tu bantukin kahdohnak a tuah ruangah nuclear ralpi hmanh a tho kho dirhmun a phanh caah thinphang taktak a si tiah UNO chief secreatary nih March 14 ah khan a chim.

Nuclear hriamnam ngeitu ram dihlak telh in Russia President Putin nih ralthawh a timhmi a si tiah a tu bantukin a chim i, tih a nung taktakmi nuclear ralpi cu a tu hi a takin a cang khomi dirhmun kan phan cang tiah a chim chih.

A tu ahcun Ukraine cu Russia i kahnak le dohnak ruangah Ukraine ralzaam mipi zat cu 2.8 millions bak an phan cang tiah UNO nih a thanh.

Ref: Voice of Myanmar

Laknak: 21The Chin Times

Be the first to comment

Leave a Reply

Your email address will not be published.


*