Lainu cakuat! Pa le ngai i fa le hi ti hei tuah cu i Pathian bia hei chim rih!

Lainu cakuat! Pa le ngai i fa le hi ti hei tuah cu i Pathian bia hei chim rih!
======
Ka u, kei ka tonmi hi ka chim ngam bal lo. Na ca ṭialmi ah keimah bantuk pale ciacia nih nupi ah i serh hi cu ka hmu bal tuk lo. Nain pa ei le cun pa dang nih tlaihhrem ti bantuk a tongmi tete an um pah ve ka hmuh i kei zong nih ka sining hi kan chimh ngam ve. Kei cu ca kan kuat pah zong ah hin ka ṭap thluahmah ko ee ka u.

Ka pa nih hin kum (12) tluk ka si ah hin ka ih nak khan ah zan fatin a ka rat hnawh i a ka sualpi peng. Ka pa hi ka huat tuk ah hin thi seh ti lawng ka duh ko. Ka nu nih a thei lo. Zing ka thawh ah hin ka hmaichia peng, ka pa bia hi ka el peng i ka nu nih fanu tuah sual na si, na pa na upat lo tiah a ka sik peng. Ka nu a hngilh karah a ka rat hnawh lengmang. Ka nu a mitkuh a thut tuk mi hi ka thin a hung tuk tawn.

Voi tampi hi ka nunnak i lak ka tim tawn nain ka rak hrin ṭhan caah hin ka pum ka pa nih a ka tuaitam ruang i nun man ngei lo ka si hlei chap ah ka thlarau sungh ding hi cu ka siang lo tuk i a si ko. Ka pa cu pastor a si. Thawng ṭha a chim ah hin David zong nupi tampi a ngei ko timi a chim lengmang. Ka huat tuk.

Voi khat cu mu ka u, ka pa nih a ci ka chungah a thlak i nau ka pawi. Ka pa fa hrin ding cu ka duh bak lo caah ka ni kha ka chimh. Ka ni nih cun phuang hlah, na pa cu Pathian rianṭuan a si i a thang a chia sual lai a ka ti. Kha lio i ka nun si a vangh kha cu ka rak hrut hnik ko. Nau cu keimah nawl in ka hrawh.

Tlangvaal ka ngeih ah hin a thin a hung, va ka ngei i a thin a hung. Ka pa ihpi kha luat nak ding ca deuh ah va ka ngei. Nain ka va he daw tein kan um ko. Ka pa cu a tu tiang zong ka huat peng ko. Ka nu tu khi ka zang a fak tuk ee, ka pa si ning hi a thei bak lo. Amah lungtling tein ka postmi a si.

Pathian riantuan ti c lo in a mah caah Pathian min i put ter in rian a tuan sawh mi a si. A fanu ka ngaihchiat pi tuk…Fanu a ngei mi nule kan fim i kan fale bia tampi kan ruah hna a hau timi a ka fian ter. Pa ei nih sualpi mi cu fihnung tuk ko nain pa ei an si caah ruah thiam khawh deuh a si hringtu pa nih hrin mi fa sual pi a si ah cun , ngeihthiam lo chin chin ding a herh ning poh in a tuh mi zun ter ding. Hrin mi fa cungah a tuah ngam mi cu hrin mi fa zong nih ka pa tiah zawn ruah ahau lo.

Mah hrin cia mi fa a ih pi mi pa hi cu zei ban tuk rian tuan an si zong ah upat awk hrim an tlak lo a ni cu tah mi molh ma a si hnga tu le fa le nih an in tuar mi a chimh ko mi i phuang hlah ti cu a zu zu tan piak law law ding si. Kan nau nu te ka zangfak ning hi cu mu kan nih laimi hi thangchiat le mualpho le ningzah hi ziah hme a herh lo tiang kan tih hnga ka ti ka thin a lin tuk mah fanu bak sualpi ko mi minung cu khuachia Pastor si lai.

Adiriam nak ko ah mah le fa hna cu a siang ko, mi si hna seh law amah nih dirkam ii a huphan tu ding ko nih lat ta lam minung pastor. Cuti cunma na intuar ti a ingtu ca zawnruah nak in khuakhan piak um lo, phuang hlah, a thangchia lai timi sualtuah tuzawn ruat pawl ruangah, hi bantuk mithalo pawl an lawr khawh nak bik hi si tawn! Mah hrin cia mi fa le hmanh a sual pi ngam mi pa cu a zaang ten ding an si ko mi nung ruah nak a ngei lo mi sa ram lung thin a ngei mi an si ka ရိုင်း tuk sual ah cu ka ngai thiam u mu(kan tuar pi ve tuk hna mu)

A nu a hrut tuk i si ko. Pastor poh hi mitha an si dih hlei loh. Mah fanu nih a tuar ning hmanh hal lo, theihthiam piak khawh lo mi cu a palh tuk. A fanu nih a nu a zangfah kho rih khi, a nu cu a cei ko la teh. Nan biaruah mi ka rel ah ka thin a hung tuk eh. Lai nu theutheu kan ralhrut hi hrut cikhat kan rak si ko.A ni zong kha mi thalo a si ka ti ko.

Pa le ngai i fa le hi ti hei tuah cu i Pathian bia hei chim rih! Kei kapa vial nungak ka si hnu ah ka ihnak khan ah a herh tuk lo ah a luh ka thei bal lo ka ih khun cungah a thut zong ka thei lo a phei cung i kai pom hmanh ah a ka kuh ka thei bal lo a nunnak pek tiang in kapa nih hin a ka dawt ti dah lo cu. A nau le nu hna an um cun a tuah rih ko hna lai cu, phuan lo cun a lor chin lai. An member nuhmei ca zong ah tihnung in.

A fanu a nun buin a thinlung a thah cuta. Cutluk ka zaangfah cu. A pa Pastor si rih chinchap. Fanu le a ih pi ngam micu Pastor si ding ah aa tlak lo. Pathian hi a rak tha tuk hringhran. Mah ban tuk Pa zong cu a ngeihthiam ko lai mu. Mah bantuk minung cu a hrinthan ko zongah Hell ah kal seh law tha hnga.

Hi ruang hin ral ṭha tein duh lomi langhter ngamding hi kan i cawnpiak bak a hau. Laimi cu toidor nun» ti le ngaihthiam nun» timi khi kan i cawnpiak tuk i a ṭha ngai ko nain a rak ṭha zungzal lo. Kanmah nih cun kan ngaihthiam men hna lai nain anmah nih le zei an rel fawn lo i an diriamhnak ca men ah an kan hman tikah temtuar thlorh in kan temtuar.

Cun hibantuk thil ṭha lo a tuahmi hna hi kan phuan hna lo tik le anmah nih le an i ṭhinh fawn lo tikah sualnak a karh chin i mi nun zong a hrawh. Cucaah kanmah kan himnak ding ca le thil sual tuah a zornak ding ca ah ral ṭha tein kan chim ngam a herh. Chungkhar zong nih tlaihhrem a hmangmi nakin tlaihhremmi minung zawn tu kan ruah a herh. Hi kong hi tampi i cawnpiak kan hau. Credit: Lainu Dawtu Aa Bor

Be the first to comment

Leave a Reply

Your email address will not be published.


*