Laitlang mirum pawl cu an mualpho cang ko hih!

Laitlang mirum pawl cu an mualpho cang ko hih!
=========
Dohthlennak caah Facebook in thazaang a chuah ngaimi Yangon um Laimi upa pawl ‘an fale sianginn an kaiter hna maw’ timi khi ka hlat len ve. Ka theih tawk ah nikum thawk in fale sianginn a kaiter lomi an um ti lo.

Tam deuh cu cozah sianginn ah an kaiter ve ko hna, phaisa ngei deuh belte nih cun man fakmi private sianginn ah an kaiter hna. Nain private sianginn cu ralkap cozah nih license a pekmi an si, ralkap cozah sin ah tax a pe vemi an si. Cozah sianginn he an i dang lo.

Laitlang phaisa ngei deuh tampi zong Hakha sianginn hon a si lo caah an fale Maymyo, Mandalay, Naypyidaw le Yangon tbk ah sianginn an kaiter cio ve hna. June thla sianginn kai ding caah tuhi an fale tampi an thlah cio cang hna.
Kei cu ka mawhchiat ngam hna lo.

Hmaithla June thawk cun kan naule vialte sianginn kai kho dih cang hna seh ti khi ka duh bikmi a si ve. Nain, online ah midang fale sianginn kai lo ding hei forh i a thli tein mah fale belte sianginn a kaiter than mi upa cheukhat khi cu huat nan tlai ngai.

Sianginn kai nak ah zeimaw an ton si le aho hmanh ii mawhchiat ve lo ding asi ko cu. Bom puqk ee meithal kah nak a chuak ee zeimaw kan sual ee kan mah ten kan um ko mi ee tiah phun zai ve hna hlah seh ti ko. Hman ko kan nau le pawl zog nih sianginn sau tuk kai ter hna lo dig khi cu an ruah tak cun an duh ve hlei la lo.

Hriamnam rumro in cun an mah a Cozah hmanh nih Kachin, Karen hmanh a tei ttung hna lo Duh lo mi Cozah an si ruang ah Asian nih hnu a chit UN nih hnu a chit Vawlei cung ram tampi nih hnu an chit cang mi Cozah hi a dir peng kho te hnga maw.

Na um nak yangon khua cu a duh ah va dai seh a duh ning poh in va um ko hme seh. Chinmi phun nih luat nak kan hmuh kha a za kolo maw a si khawh ah cun ram pakhat ah vawlei pi nih cohlan mi ram si hna khi na duh lo maw kawl kut tang um cu nai timh peng ko na paw ca le na ek ca lawng cu maw na ruah peng ko la hawi dang cu an ei sa an dolh cang mi rawl dawh an luak than le CNA CDF caah an pek hi. That nak na tuah khawh lo ah cun chiat nak tuah i tim hlah nangmah um te khan um.

Than Shwe uknak cu nan rak celh ti cio lo caah Delhi le Malay ah nan rak zam cio, CNA ralkap tampi telh in. Kum a vun rau deuh i ramtha nan phan, tampi nih ‘Than Shwe ruang ah mah zat zat Laimi ramtha kan phak hi Pathian khuakhan a si’ tiah lawmhnak nan chim pah tawn.

Atu ah CNF kan zoh ah cun a hlan i a rak zam cangmi ramtha phan kan pale deuh khi CNF lutlai an si dih ko. An zam nak hmun in ram an rak dawt khawh thiamthiam ko – Pu Zing Cung le Dr. L H Sakhong telh in. Atu ah CDF an hun thawng ngai i a hnu lei in fek tein a dirhkamhtu cu Than Shwe chan i kan ram a rak zam takmi ramtha phan Laimi thiamthiam nan si fawn. Nanmah um hlah uhlaw CDF khi thlakhat hmanh an nung kho lai ka zum lo.

Atu ah, MAH uknak celh lo ruang ah kan ram a zamtakmi zong hi mawhchiat tuk awk an si lem lo. Hmailei ramtha an phak ahcun CDF president zong an tuan ve te khawhmi a si, nawl ngei takmi supporting committee hotu or Vaurawng hotu or CBCUSA president zong an si ve kho. Nek ngam ding an si lo khi.

Kei belte cu ka chungkhat Malay kal duhmi an tam tuk i bawmh an ka hal lengmang tikah minung pakhat ah ting 30 leng puaisa pawl pek a si fawn i ka phaisa a dih deng cang — tadawng-sa ah kai chuah cang men lai. Zam poah ah khin kan ram zam tak cu a si ve lem lo i, ruah lo piin an phaknak ram zong in CDF president zong an rak tuan khawh vemi a si ve ko. Credit: Salai Lungthli Tum

Be the first to comment

Leave a Reply

Your email address will not be published.


*