Lamtuk in vun rat, Tinam khua luh lai ah tuhi an i kah lio pi si.

Lamtuk in vun rat, Tinam khua luh lai ah tuhi an i kah lio pi si.
===========
Lamtuk in vun rat, Tinam khua luh lai ah tuhi an i kah lio pi si. Bawipa nih kan ralkap teinak pe ko hna seh, Thlacam cio usih. Bawipa kan Pathian nung kan mipi kilvengtu kan pasaltha humhim hram hna law.

Chin mipi ralkap vialte Pathian nih nundamnak in pe hna sehlaw, teinak in pe ko hna seh! Sitak ee aw! Kan Pasaltha tha hna teinak hmuh hram ko ulaw. Maw Pathian, Laimi in zang fah, in kil him ko aw.

Lamtuk ah ralhrang an um ko rih tiah ka post mi ahkhan,Ralhrang zeimaw zat kha Lamtuk ah an um ve rih tu si, ralhrang a tthen kha Tinam lei ah an kal i tuhi kan ralkap he an i kah lio si. Thlacamnak in kan ralkap bawm cio hna usih.

Maw ka nau le hna bawipa nih a thla zar in in hu phen in in veng ko hna seh law bawipa um tang uh kan tei kan tei hrimhrim lai. Ralhrang um kal nak hi drone In zuldawi hna law na dawh!! Hi thluk thawngpang rang taktak in na kan thanh, theih ter khawh lengmang caah kan i lawm.

Kan i lawm ee thawngpang na kan thanh khawh lengmang i Bawipa nih kan miphun kan umpi ko seh. Ka thinlung hi American zong ah um ti lo ka pum lawng um ko hih, Ka Ram ah ka lung um zain in tuar nak nih aa chei ti lo ee. Credit: Salai William HC

Atu hi lamthluanchuak aa kap kho peng dirhmun an si caah CNA le CDFs caah thlaza rak campiak ve hna ulaw! Gangaw in Hakha lei panh in a kalmi ralhrang, bator minung (lei holh in pamh awk nih a tlinh lo) hna cu Lamtuk an pha. Lamtuk khuachung ah nizaan le nihin CNA le CDF nih an kah hna nak ah a tlawm bik minung 20 le a tam bik 30 an thi lai tiah zumh a si.

A mak taktak mi, uar a um taktak mi CNA le CDF lei in a thimi aa hliam mi an um lo. Bator minung hna a thimi hi Lamtuk khuachung ah an khangh hna a si lai tiah an zumh. Muih tiang kha khuachung in mei alh a lang. Nihin lawng ah voi hnih an i kap. Him hram hna seh a mak takmi CNA le CDF.

Gangaw in Kawl ralhrang 400 hrawng Halkha khualipi lei ah a ra cuahmahmi cu Lamtuk khua an phan ti theih a si. Chin National Army (CNA) le CDF-Hakha hna nih minung 15 renglo pi Kawl ralhrang hi an kah thah cang hna. Atu hi lamthluanchuak aa kap kho peng dirhmun an si caah CNA le CDFs caah thlaza rak campiak ve hna ulaw.

A tu chan ahcun, thawngtha asi kan ti ko lai. Bawipa nih himnak le teinak pe ko hna seh! thlacam piaktu zong tampi nan nei hna. Bawipa nih humzual ko hna seh law. Ral tei ko hna seh.

Hakha Peng Kahdohnak Ah SAC Ralkap 30 An Thi! Magwe ramṭhen Gangaw peng in a rak kai mi SAC ralkap hna le Chin ramkulh tualchung hriamtlai phu karlak ah kahdohnak a chuak. Cu kahdohnak ah cun SAC ralkap 30 an thi i, hliam tuar zong an tam, tiah CNA sin in theih a si. April 23, zanlei suimilam 4:30 ah Lungcawi le Lamtuk khua kar ah kahdohnak a chuak i, kaphnih kar kahdohnak cu suimilam 1 tluk a rau, tiah an chim.

“Ke in a ra mi SAC ralkap hna cu SAC ralkap nih hramhram nawlngeihnak a lak hnu in Chin ramkulh ah minung thazaang tampi he an rat voihnihnak a si,” tiah CNA in chimphuannak nawlngeitu Salai Htet Ni nih Mizzima ah a chim. Cu kahdohnak ah cun CNA le CDF-Hakha phufonh an i bawm i, mizapi vengtu ralkap lei hliamtuar le a thi mi an um lo, tiah theih a si.

Tualchung hriamtlai phu hna le SAC ralkap kar caan tawi kahdohnak cu nitin ngawt in a chuak nain a ruang tampi ruangah thawngthanhnak kan tuah lo, tiah a chim. February thlachung ah minung thazaang 200 hrawng he Kalaymyo in Hakha lei rallam an sialnak ah CNA le tualchung hriamtlai phufonh nih voi tampi an kahdoh hna i, SAC ralkap 100 tluk cu an thi cang, tiah Salai Htat Ni nih cun a chim.

Rallam a sialtu SAC ralkap hna cu minung thazaang zatceo he lawng Hakha an phan i, Gangaw lei ah an kir ṭhan. Gangaw lam lei ah minung thazaang chap in Hakha lei ah an ra ṭhan, tiah theih a si. Falam in Hakha lei ah a voikhatnak thilri a phor mi SAC ralkap tank motor 2 le SAC ralkap 200 hrawng nih zulh mi motor 27 cu a luancia February 27 in March 7 tiang ah CNA le tualchung hriamtlai phufonh hna nih voi 15 an kah hna, meng 41 tluk aa hlat i suimilam 2 hrawng kalnak khuallam ah SAC ralkap motor ruun cu zarhkhat leng an rau, tiah theih a si.

Kawlin-Wantu Motor Lampi Bomb Puahnak Ah SAC Ralkap 23 An Thi: SAC ralkap minung thazaang 50 hrawng nih Sagaing ramṭhen, Kawlin-Wantu lei ah April 23 ah rallam an sial i tualchung hriamtlai phu hna nih bomb puahhnawh in an doh hna caah SAC ralkap 23 an thi i minung 14 nih hliamhma an tuar, tiah tualchung hriamtlai phufonh nih an thanh. SAC ralkap hna nih nihin April 24 zinglei in Kawlin-Wantu lamkam um mi khua cheukhat hna cu meikhangh in an hrawhpiak hna, tiah tualchung hriamtlai phu chungtel pakhat nih a chim.

“Wantu pengchung khuali hrawng cu SAC ralkap nih nihin April 24 zinglei ah an khanghpiak hna i, Wantu peng Theinlay khua in nu pakhat cu mei nih a kanghchih” tiah Kawlin Revolution -KR nih an thanh.

Kalaymyo Yeshin Kahdohnak Ah SAC Ralkap Ralbawi 3 Tel In Ralkap 20 An Thi: Sagaing ramṭhen Kalaymyo peng chaklei Yeshin (ရေရှင်) khuapawng ah April 22 i a cang mi kahdohnak chung ah SAC ralkap lei ralbawi 3 le pyusawthi hna tel in minung 20 hrawng an thi, tiah PDF Kalay nih April 23 ah an thanh. Myitta (မြစ်သာ) tiva nichuahlei um mi Yeshin (ရေရှင်) khua ah ralkap 250 he rallam hmunthum a sial mi SAC ralkap hna cu PDF-Kalay, CDF-KKG, RKDF le pah-kah-phah (ပကဖ) phufonh nih an kahdoh hna.

Cu kahdohnak chung ah cun tualchung hriamtlai phu in minung pakhat a nunnak a liam. SAC ralkap hriamngan kahnak in Yeshin (ရေရှင်) khua inn 9 an kang, tiah theih a si. April 23 kahdohnak a chuahnak hmunhma cu PDF-Kalay nih hmunhma thianhhliamhnak an tuah lio ah SAC ralkap hriamthil 5.56 kuan 224, AP 95 Ozi kuan(အူဇီ) 61, Ozi (အူဇီ) kuanbawm 2, bomb lung 3, MA kuanbawm 4, phone pakhat kan laak, tiah an langhter chih. (Mai Anna Par TCP Journalist). The Chin Post

Be the first to comment

Leave a Reply

Your email address will not be published.


*