Lungler ah SAC ralhrang sibawi 2 an thi tiah Min Aung Hlaing nih chim!

Lungler ah SAC ralhrang sibawi 2 an thi tiah Min Aung Hlaing nih chim!
=================
Thantlang peng, Lungler khua ah sibawi rian a tuanmi SAC ralhrang Captain pahnih an nunnak a liam, tiah SAC ralhrang bawizik Min Aung Hlaing nih January 13 ah a chim.

Nizaan Janaury 13 ah khan Myanmar ramchung lamhlat hmunhma pawl ah ngandamnak lei rian a tuanmi SAC ralhrang sibawi pawl upat peknak puai cu Naypyidaw ah an tuah i, Min Aung Hlaing nih atu bantuk in a chim hi a si.

Myanmar ramchung tlawnkalnak a harnak hmunhma pawl ah SAC sibawi 46 cu 2020 ah a voi 3nk an rak thlah hna i, cu chung ah cun Lungler ah rian a tuanmi sibawi Captain rank pahnih hi an thi tiah a chim.

2016 thawk khan SAC ralhrang nih kum 2 voi khat in Chin, Sagaing le Naga ah ralkap sibawi pawl thlah hram a rak thawk hna.

Lungler ah a thimi pahnih hi 2020 ah an rak thlahmi hna an si i, 2022 ah an riantuan caan a dih ding a si, tiah RFA nih a tial. Aluancia September 11, 2021 ah khan Lungler sakhaan cu CNA le CDF nih an rak lak. Crd-The Chin Journal

SAC Jet Fighter India ram chungah a zuang i bomb voi 2 a thlaknak kong he pehtlai in Mizoram Community ngan 5 nih India Minister of the Interior sinah ca an kuat lai, tiah theih a si.

Central Young Mizo Association (CYMA), Mizo Upa Pawl(MUP), Mizo Hmeichhia Insuihkhawm Pawl(MHIP), Mizo Zirlai Pawl(MZP) le Mizo Student Union (MSU) hruaitu hna cu January 13 ah CYMA zung ah tonpumhnak meeting kan ngei i India cozah sinah cakuat dingin biakhiahnak kan tuah, tiah, tiah cathanh an chuah.

“SAC Jet Fighter nih India ram chungah bomb voi 2 tiang a thlakmi hi India ram humhimnak a horsuan pinah India ram chung a ummi a kan hrocer bantuk a si caah kan cohlang hrimhrim lo,” tiah an langhter.

India ram humhimnak le a limhang a zor lonak ding kilvennak dingah Mizoram bu ngan ngai a simi bu 5 nih India Minister of the Interior sinah hmalak dingah ca kuat an i tim hi a si, tiah theih a si.

SAC nih Jet Fighter in a luacia January 10 le 11 ah nihnih chung pehtlai in Camp Victoria cu bomb in an thlak caah bomb lung 2 zong Mizoram ramkulh Farkawn khua hmunram ah a tla, tiah theih a si.

India lei in Vanlawng in an kan kah. 500lb – 1000lb a rit mi Bomb Mangtara cu India ram ah a tla i a puak. Motor pakhat a hrawk.

Geneva Convention ning in Miram ah vanlawng zuang ter khawh asi lo Mi ram ah kuan fangkhat tlak ter ahcun Ram hnih raldohnak asi ko. India ram ah Bomb an tla. India cu Democracy Ram an si. Democracy ah USA changtu an si.

Democracy phung a zulh lai kan zumh ko. Democracy lei ah aum lai kan zumh fawn. Kawl Uico nih Camp Victoria kahnak kong ah India a holh lo ahcun, India cozah hnatlak nakin an ram an hman ter mi asi lai, India cozah hngalh pi nak in an ram ah bomb thlak asi ve lai.

India nih Kawlram in Gas le Mei an lak. Aizawl le Dehli, India ramkip ah an hman mi Gas le Electric mei khi kawlram lei in pek mi aa tel ve. ASEAN Lampi caah Paletwa lei in lam an cawk cuahmah, Bawinu va hlei zong an donh cuahmah. Kawlram lei in pek mi Gas le Mei hi chat / Chah ahcun India a mui lai, Rawlchumh nak an ngei ti lai lo. India sipuazi an tla dih te lai, Tuluk nih an tei tuk te hna lai.

Modi cozah nih Gas le Mei cu an in pek ko hna lai nain a man a fak tuk canglai. Kawlram cu kan sifak caah MAH nih man fawi tein an zuar mi hna Gas le Mei asi. Cu zuar man cu MAH le a fa le rumnak asi. Mipi caah an hman lo. India nih nan pek mi phaisa in Vanlawng tampi an cawknak le mipi thahnak hriamnam relcawk lo an cawk ti hi Mizo kan Unau tal nih nan kan hngalh pi hrimhrim a herh.

India nih Ralhrang MAH a bawmh ahcun CHINMI nih kan phuhlam nak tuah a herh ve lai. India a holh lo, a holh ko hmanh ah MAH lei ah a ṭan ko rih ahcun, Paletwa ram ah India Gas pipeline cu hrawk dih asi ve lai. CDF Dai & Paletwa nih ṭuanvo lak seh tiah CHIN mipi nih kan aupi cio ah a tha lai.

Hi India gas pipeline hi Chin nih an hrawk khawh ti a hngalh ko buin, Modi nih MAH a ṭanh zungzal. Gasoline pipe kan hrawk lo ahcun India nih Mipi an kan ṭanh bal lai lo. Voikhat kan hrawk lai i, an kan nawl i mipi an kan ṭanh ahcun remh nak nawl kan pek lai. MAH a bawmh peng ahcun Gasoline thih bak ve seh.

YMA YLA MPT le Mizo mipi nih duh lonak langhter nak zong kan tuah piak ve uh. Hakha ah Dawr an khar dih i Silence Strike an tuah batukin Mizo mipi nih tuah khawh asi ve ko. Nannih Zo hnathlak nan i ti nain CHIN Hnathlak nan si.

Camp Victoria kahnak kong ah Modi cozah nih MAH lei ah aum, a kaa a cip, YMA MPT YLA le Mizoram mipi nih nan kaa nan cip ve ko ahcun, Kan fanau liam cia mi hna phuhlam nak ah India Gasoline pipe cu kan hrawk a herh ko lai, Rak kan theihthiam hram uh.

Kanram tizu le a hliti khim tein a eidin mi India cozah nih mipi an kan ṭanh lo cu lung a fak hrinhran. India nih nan ral Tuluk tei awk ah Sipuazi lampi cu CHINRAM Paletwa in Thailand ah a kal ti hi hngalh cang hna usih.

Hi lampi in Superpower le Sipuazi ah India nih Tuluk hi a tei khawh lai, a tei lo hmanh ah a phan khawh lai tihi Vawleipi mit ah a cuang mi cu asi. January 10 cu CHIN mi nih kan philh khawh lo ding mi NI asi lan cang (Col. Solomon Thang Din bia).

MAH Nih A Pennak Hmun Zungzal Awk Ah Aa Ngeih Mi Simankin Pathum (Part 4) , Chansau Ukpennak Lamthluan Dothnihnak (a) , PR thimhnak Mumal le Dundan cu Tlangcungmi nih an zumh I, 2023 thimhnak ah an lut ahcun, Tamada ka si lai ti hi MAH saduhthah cu asi bik. Sihmansehlaw,

PR mumal lawngin Tlangcungmi an lung si lo ti kha MAH nih a hngalh caah, Ramkhel lamthluan pakhat le phundang deuh in an kan lemsoi ṭhan. PR mumal in cun Tlangcungmi duh mi, Kum 75 leng Ramkhelh hnawh mi le Hriamtlaih hnawh mi Federal asi khawh lai lo tiah Tlangcungmi nih kan ti caah asi.

PR mumal cu 2008 phunghrampi tang ah tuahmi asi caah Federal asi khawh lo. Federal nan ti hmanh ah adeu asi lai. Tlangcungmi duhmi Federal phun asi lo tiah Tlangcungmi nih authawng cu MAH hnakhaw ah a lut ve.

2008 phunghrampi aum chung cu Mah tein Khuakhan Lairelnak le Tlukruannak a chuah pi mi Federal (Za Uk Pennak) asi khawh lo, Cucaah 2008 phung Hrampi cu Cihmih / thah a herh tiah Tlangcungmi authawng cu asi. Tlangcungmi Hruaitu hna nih an ti ve mi cu 2008 phunghrampi remh Asiloah a thar in ṭial ti kha asi.

NCA kum 7th Tlinnak Puai ah MAH nih 2008 phunghrampi remh a herh nak cu sau ial tein a chimh. Phunghrampi remh nak kong hi saupi a chimh ballomi MAH asi. DASSK a hnahchuah caah le uknak chut an kan duh caah, Maymyo Military Academy ah Phunghrampi remh awk asi tiah tawi tein a rak ti bal.

Cucu remh a duh caah siloin NLD le DASSK sin in uknak chut a duh caah asi. 2008 Phunghrampi remhnak kong ah MAH nih a chimh mi cu: Tlangcungmi nih nan hal mi le nan duhmi chung in, asi awk le tuah awk a herh mi hna hlawhtlinnak caah, cheukhat Upadi cu kan remh hrimhrim a herh a ti. Kan remh aw Upadi hna cu Tlangcungmi hal mi le duhmi ansi awk asi tiah a ti.

A duh nak cu Pohma 261 (Pine Vuancichuk – PM – Prime Minister Mah tein thim khawh nak) cu NLD le DASSK nih remh piak an duh hna lo, Keimah MAH nih kan remh piak hna lai caah, 2023 thimhnak ah lut ve uh tiah an kan lemsoi nak asi. Pohma 261 remh kha Federal a ruah mi MAH le Rallokap an si rua, apoi ngaingai.

Tlangcungmi Palai an tambik nak hi Amyotha Hlutdaw asi. Tlangcung Palai hna nih Amyotha Hlutdaw ah an chuahpi nih Bia cu Pyithuh Hlutdaw nih an duh lo ahcun, a rawk tawn. A chan cu Amyotha Hlutdaw cu Ramkulh le Ram ṭhen nih 12 cio in thlah mi Palai an si.

Rallokap 25% an um ve. Pyithuh Hlutdaw cu Pengkulh in thlah mi Palai an si caah, Kawl miphun an tam deuh. Tlangcungmi Mi Palai hi Pyithuh Hlutdaw ah an tlawm ngaingai. Aruang cu Tlangcung mi cu Pengkulh tlawm te lawng kan ngeih caah asi. Amyotha le Pyithuh Hlutdaw fonh in Pyidaungsu Hlutdaw ti asi.

Fainternak: Part 1- Part10 asilai. Rel rak i zuam ve. Part 10 a dih in Email in PDF in kuat khawh na si. Ka sian ko Man lo tein. Crd-Joseph R. Thang

Be the first to comment

Leave a Reply

Your email address will not be published.


*