Mah bantuk thawngpang ruangah Chinmi kan zam dih sual lai thinphang ngai a si!

Malaysia cozah nih ralzaam card ka chuahpiak hna lai tiah a chim, Chinmi ralzaam 40,000 leng an um!
===========
Malaysia cozah nih an mah he an i pehtlaihnak Agency sin in ram chungah a ummi ralzaam pawl theihpinak card chuahpiak ding in a timhtuah lio a si tiah Malaysia Minister of Home Affair Hamzah Zainuddin nih April 30 ah a chim.

Malaysia nawlngeitu pawl nih zeibantuk ralzaam poah ramchung an um khawh le khawh lo cu biakhiahnak nawl a ngei lai i cozah Agency tawlrelnak in ralzaam card pawl chuahpiak an si lai tiah a rak chim. “Kan ram chungah ID card a tuahmi a dang Agency pawl zong an um” tiah Putrajaya ah tuahmi Press Conference ah a chim.

Malaysia cozah nih a ram chung a ummi ralzaam pawl theihpinak card chuah a timhmi he pehtlai in “ Malaysia cozah nih ralzaam cohlan ding in min a thu lo. Asinain a ram chungah a ummi ralzaam pawl cazin kha theih a duh. Cun, ralzam pawl pakhat cio an kong zong theih a duh caah UN a halnak a sau tuk cang.

UN nih cu bantuk cazin pawl pek khawhnak nawl kan ngei lo tiah a chim. Cozah nih ralzaam pawl ka chanh hna lai a timi hi ralzaam cazin le thil sning theih a duh caah a si lai” tiah UN card a ngeimi Chinmi pakhat nih a chim. “A tubantuk in Malaysia cozah nih ralzaam card a chuahpiakmi hna cungah kan thin a phanmi pakhat a um.

Malaysia cozah nih ralzaam le dornak nawl a halmi tiah a ṭhen hna cun UN card a ngei rih lomi caah thinphang a si. Cucaah, 2019 in Malaysia ram ah dornak nawl a halmi hna a rannak in ID card tuahpiak ding in kan hal lio a si” tiah a chim.

Malaysia ram ah Chinmi ralzaam 40,000 deng an um i 20,000 hrawng nih UN card an ngeih i a tangmi cu dornak card lawng a ngei rih mi an si caah UN nih phungning tein theihpinak a ngei lo tiah theih a si.

Papun peng kahdohnak ah KNU battalion 5 Commander a nunnak a liam. Karen ram, Papun district chungah SAC le KNLA karlak kahdohnak ah KNU battalion 5 Commander Colonel Nay Toe Saw Htoo Ka Shaw a nunnak a liam.

Papun ah hram a bunhmi SAC ralkap battalion 434 commander telh in thazang 20 hrawng a simi Kyaukhngiat sakhaan cu Karen National Liberation Army (KNLA) thazang 100 hrawng le (BPLA) Burma People’s Liberation Army (BPLA) phukomh hna nih an kah lio hna ah a nunnak a liam hi a si.

Kahdohnak hi sml 5 hrawng a rau i Colonel Saw Htoo Shaw cu khur cawhmi pawl a zohfel lioah kah a ton hi a si tiah KNU ransang a tlaimi pakhat nih a chim. “Sakhaan hi ralkap 20 hrawng an um. Kan mah lei thazang 100 hrawng in kan luhhnawh hna. Zinglei 7:00am in chun 12:30pm tiang kahdohnak a rauh caah SAC ralkap pawl nih an celh ti lo. Hnu an kirtak.

Kahdohnak a dih lai te ah khur cawhmi chung a lut i khur chung in pakhat a tangmi nih a or ah a kah i a thih colh hi a si” tiah a chim. BPLA zong nih Kyaukhngiat sakhaan kahdohnak ah KNLA he i bawm in sakhaan kan lak khawh. Kahdohnak ah KNLA chungtel pakhat a nunnak a liam tiah a thanh ve.

BPLA hruaitu pakhat a simi biazai ṭialtthiam Mg Saung Khah nih Colonel Saw Htoo Shaw cu BPLA hi a fekmi le a ṭhawngmi ralkap siseh tiah a kan duhpiak. A nunnak a liammi hi dothlennak caah a fak tukmi le cham ṭhan awk a ṭha ti lomi sunghnak nganpi a si tiah a mah pumpak facebook cahmai ah a tar.

SAC ralkap ruak 7 hmuh le hriam cheukhat chuh khawh a si tiah PDF Kalay nih a thanh. Kalay peng Sii khua pawngkam ah PDF-Kalay nih April 27 ah hmunhma zoh felnak an ngei i kahdohnak pawl ruangah a thimi SAC ralkap ruak 7, MA zuun 1, MA kuan bawm 8, 5.56 kuan 500, Inaga bom, 60 MM bom 2, Phone 3 le icon 3 kan fim khawh tiah PDF-Kalay nih a thanh.

SAC ralkap pawl cu April 28 thok in Kalay peng Chaklei Sii khua in nichuah lei Sii khua lei ah hriamngan in kah thlorh an kah leng ah Aungminkalar khua le Aungthaya khua lei ah SAC ralkap nih hriam ngan kahthlorhnak he kahdohnak an tuah tiah a langhter. Credit: The Chinland Post

Be the first to comment

Leave a Reply

Your email address will not be published.


*