Malaysia ah kan dawtmi Sang Lei nih Mual A Kan Liamtak ee.

Malaysia ah kan dawtmi Sang Lei nih Mual A Kan Liamtak ee. (Kum-41)
===========
Minung nih theih kan duhlomi le kan hrial khawhlomi thihnak cu kan dawtmi Sang Lei nih tuni ah a ton caah khuami dihlak kan ngaih a chia ngaingai. Sang Lei cu Kyarinn khuami Pu Thang Hu (tleicia) le Pi Ngun Pen hna i an fapa a si. A nih hi mi nunnem le mi thinlungtha a si i hawi le kom nih tlaihchanmi a si.

(24/05/2022) tuni Subang Jaya lei an riantuannak ah Inndot 3 cung in dot 1 nak ah atla sual i a Boss pa nih a rannak in Subang Medical Siizung ah a tlik pi. Ake/Alu le ahnakruh in a chunglei fak ngai in a khon caah Dr te nih an zoh cu ahliamhma a fak ngai i athawchuah ahar tuk an ti.

Dr te nih a nunnak an khamh manh lo caah atubantuk in ruahlo tuk in a kan liamtak hi asi.(Accident a ton hi zanlei 3:30pm a si. Atlak ka ahcun a holh kho i a lungfim rih nain ahliam fah caah nazi 5:00pm hrawngah a liam). Malaysia Kyarinn khuami dihlak nih kan ngaihchiatnak kan langhter. Thawngpang a theimi vialte nih nan ngaihchiatpinak kan hmuh hna. A ruak zong a unau he tuzan ah zoh a si cang.

Aruak cu tuzan ah Serdang Hospital ah Police nih an kalpi cang. Serdang ah Dr nih an check hnu ah a ruak vuinak kong thawngthanhnak kan ngei than te lai.nSang Lei nih tantakmi a nu le a pipu Unau rualchan chungkhar/ramchung ramleng ummi nan ngaihchiatnak kan in hrawmpi ve hna. Bawipa nih intuar khawhnak taksa thinlung thazang in pe ko hna seh. Kan in sianglo tuk ee.

Ka nau (kan ngakciat tein kan i kommi ka hawi), na kut a kiak lio ah siizung kan kalpi, kan sik, kan chimhrinh. Hlan ah cun sik le cawmpiak peng na rak si ko. Nain Pathian nih na lung an thlen cang. Na lung na thlen hnu cun na rak kan leng, ei din na rak kan thenh.

Kri le ka chunglhar na kan tlaihchannak hi na hmurka in na chim thiam lo nain na tuahsernak in na langhter peng. Atu ah kan lunglennak le kan lungkuainak ah a cang dih mu. Na lung naa thlen hnu kan in zoh thla lio te ah ruah lo piin na kan kaltak mu. Pa Pathian ttang Vanram ah kan i tong than lai mu. Mangtha ko ka kawi!

Ka sian lo kata, na liam tuan tuk e. Zaan mang bang i hlauh hnu in a dih mi cu si seh law i hlauh zawk ka duh ee. Nangmah te lawng in na tuarmi na celh ti lo maw kata?? Chawnh ta zg um lo in cun na kan kal tak ne. Vancung ram tu ah kan ni tawn than te lai mu. Dam tein mang ttha, na lung sia herh hlah mu.

Pathian Khuakhan Nak hi,Acaan ahcun zumhzong ahar ngai te Te Sang Lei. Nachuah Pi Na Unau le Nachungkhat hna nih Zohcim lo Ta le Fa tiin anni Ti cuahmah lio pi ah Naliam Thawng Theih cu,Nadawt mi le Na Hawikawm hna asi mi KYARINN Mipi zongnih Ar Ko in kan um i,kankhuaruah ahar ngai te Te Sang Lei.

Nan ngeih chia nak kan in hrawm pi ve hna bawipa tu nih tan tak mi chungkhar hnem ko hna seh. Asi hrim ko ee tantakmi Chungkhar cingla rualchan vialte nan ngaihchiat nak Pathian tu nih inkhawh nak inpe ko hna sehlaw.

Be the first to comment

Leave a Reply

Your email address will not be published.


*