Maradona le Argentina World Cup Chiatserhnak (Curse): Messi nih a pah/a tei kho cang hnga maw!

Maradona le Argentina World Cup Chiatserhnak (Curse): Messi nih a pah/a tei kho cang hnga maw!
==========
World Cup tuanbia ah Argentina ram hi, a tuhi a voi 6 nak final an phaak asi. Cu hlan ah World Cup champion voi 2 (1978, 1986) kum ah an rak laak bal. Hi lak ahhin chingchiah awktlaak ngai asimi cu 1986 World Cup hi asi. Hi lio ahhin Quarter Final ah England le Argentina an rak i tong. Maradona nih ball kha, a kut in goal chungah a rak khumh. Cucu referee nih a rak hmu lo ii, a lu in a goal mi asi tiah a ruah caah goal ah an pom.

Aruang cu, a tu bantukin technology a rak um rih lo; VAR (Video Assisted Referee), timi zong a rak um rih lo. England an rak sung; England ram le a ttanhtu (fan) pawl an lung a rak faak tuk. Cu kum (1986) ahcun Argentina nih Worl Cup champion zong an rak laak beh.

Cu ti a kut in a goal mi kongkau ahcun, Maradona nih, a hnu ah a chimmi cu: “the hand of God” (Pathian kut in) goal mi asi tiah a chim. Mah hnu thok cun Argentina nih World Cup ah champion an la kho ti lo. Vawlei football tuanbia ah, a thiambik ko tiah ruahmi Messi chan zongah champion an la kho rih lo.

Cu tikah, mi tampi thinlung ah a ummi/an sonhtarh pengmi pakhat cu: Maradona nih a dik loning in a rak goal mi kha: “the hand of God (Pathian kut)” asi, timi ruangah Argentina football team cungah World Cup celhzuamnak ah chiartserhnak (curse) a um rua, tiah an ruah phah.

Maradona cu November 25, 2020 ahkhan a thi. Atu cu, Maradona a thi cang ii, mi tampi nih an rak ruah/sonhtarhmi chiatserhnak zong kha a tlau cang ko lai, tiah an ruah. Cucu a dik tak te hnga maw? Messi nihhin cu ‘chiatserhnak (curse)’ cu a tei/a pah kho cang hnga maw? Tutan WC Final ahhin a vun i fiang te ding hi asi. Credit: Van N Elizabeth

“Messi(Meisei) Bawlung Chuihnaak Ah Ke Pa 4 Ngei Mi Asi. “Seh thilri hmanh ah hin ke pahnih a ngei mi Motor le ke pathum a ngei mi Motor naak in ke pali a ngei mi Motor hi cu an i lo hrimhrim lo. Ke 4 a ngei mi Motor hi cu laam naal zongah tluuksual a har deuh hrimhrim ti mi hi lih a si lo i, a dik mi a um cia mi te khi a si ko, cu Ke 2 a ngei mi le ke pathum a ngei mi le ke pali a ngei mi kong cu tlawmpal in ka van langhter hmanh lai.

Neymar: Neymar hi ke pahnih a ngei mi a si tiah ka hmuh ning le ka ruah ning a si.Zeiruang ahdah ke pahnih ngei cu a si?A nih hi bawlung a thiamtuk ko,asinain bawlung aitliikpi tikah ke khat in vawlei a lamh i kekhat in bawlung a tongh/khalh ah khin midang nih an van dawi i an cuh ahcun i chan ning le tha peek ning a thiam ti lo caah hliamh cawlh lengmang a si i bawlung a chuih mi puai hi tthittha in a dongh tiang a chuih kho thai lo.Ke 2 ngei lawng a si caah si ko.

C.Romaldo:A nih hi vawleicung bawlung chuih lei ahcun Siangpahrang tiah ka ti i an ti cio mi pa pakhat a si.Sihmanh selaw ke pathum lawng a ngei mi a si caah bawlung kha a ke khat in ai kalpi lio ah a ke khat nih vawlei in thlik a hau,ke khat in midang ke a ven a hau,cu tikah ke 2 a ngei mi pa hmanh nih khan Ronaldo a ke i bawlung a tongh lio mi cu awlte in a chuh khawh lengmang cang caah a ke pakhat kha a bul cang i ke pahnih lawng a si caah tutan Wolrd cup zong ah ttah bu in a tlunnak kha a si.

Messi(Meisei):Meisei hi ke pali a ngei mi a si.Cucaah ke pahnih ngei mi nih an cuh tikah a ke 2 in a cuh hna i a ke 2 a lawng mi in a hawi le a peek chel hna,a caan le a mah nih a kawl chel tikhin a um!

Bawlung aitlaih tik ah ke 3 ngei hmanh nih cuh selaw a ke pakhat kha a hlei in a ngeih chih caah ke 3 ngei zong nih pakhat le pakhat zongah a tei khawhlonak khi a si ko.Asullam cu,A ngeih taktak mi cu ke 2 a si ko. sihmanhselaw a mit khi ke pakhat a si i, a thluak kha ke pakhat a si. A mit he a thluak he a ke 2 he an ttan caah a tubantuk hin vawleicung ah minthatnak le thiamnak a ngeih khawhnak hi a si.

Note:Ke pathum le pahnih le pali tiah ka ttial mi a sullam khi sermon haulo in nan theihthiam ko lai tiah ka ruah ko caah ka sermon lem lai loh aw!Kaalawm. Credit: Pu Tin Duh Thang

Be the first to comment

Leave a Reply

Your email address will not be published.


*