“Messi” Le A Nupi “Roccuzzo” Karlak Ah Midang An Rak Umnak kong thawngpang!

“Messi” Le A Nupi “Roccuzzo” Karlak Ah Midang An Rak Um Bal!
=======
Messi le Roccuzzo hna hi an hngakchiat liote in a thei mi an si kan ti tawn i, A sinain Lionel Messi nupi “Antonella Roccuzzo” hi Messi a vaat hlanah duh mi dang a rak ngei cang, a tlangvalpa thing nih hin online ah an in then ning kong cu mah tin langhternak atuah.

Messi le Roccuzzo hna hi an hngakchiat lio kum 10 hrawng an si lio in a thei mi an si ko. A sinain, Roccuzzo hawikom tha pakhat nih 2007 long-in khan an karlak hi an fehter ti ah a chim.
Hi bantuk pehtlaihnak fek an ngeih hlan ah hin, “Antonella” nih midang pakhat duh mi a rak ngei cang. Hi pa nih hin tualchung thawnglaknak ah a rak chim bal an karlak thannak cu faktuk in a chim lo.

Antonella tlangvalpa thing nih chim mi cu” A ka kaltaak, A sinain ruang-umlo in si, Messi ruangah hin a ka kaltaak mi si ko rua ka ti” ti in a chim. Messi le Roccuzzo hna hi Roccuzzo cousin, “Luca Scaglia” nih pakhat le pakhat theihter hna in, a nih chim ning cun Messi nih hin mahkhi nu khi hodah si? ti in a ka hal. Mah thok in Messi nih hin cakuat pe in, zeitik ni ah cun nang le kei hi a duh mi kan si te lai” ti in a chim.

Asinain, Messi cu “Rosario” chuahtaak in Spain ah a kal i, football vawlei luh hram a thok, hmun dang ve ve ah an um hnu hin an karlak hi tha peng lo i, mi dang thlangval a rak ngeihtaak.
Messi hi Argentina ah a kir than ti theih hnuah “Antonella’ nih a tlangvalpa cu kaltaak ti in a hawikom hna nih an chim, Roccuzzo hawinu chim ning cun, Friendship Day July 20, 2007 in an karlak cu a thok than ti ah a chim.

Antonella hawinu nih, “kan tuah tawn bantuk in kan in hmukhom hna i, “Leo Pek Blackberry cu a vun lak i, thildang zeihmanh chim lo hmanhseh an rak i hmu tawn ti cu kan zumh colh hna” a ti.
Kum 10 hrawng an in zulh hnuah Messi le Roccuzzo hna hi July 2017 ah khan an in ngei i, fa pathum- “Thiago, Mateo, le Ciro hna cu an hrin hna.

“Indian” Bollywood Star “Tunisha Sharma” Cu Hri-In Ai Awk! December ni 24, Nizan tihni ah khan Bollywood star kum 20 upa simi “Tunisha Sharma” cu hriawhnak in hmuh si i, A thihning hi dottlat cuahmah lio si. A tlangvalpa “Sheezan Khan” zong biahal ding in Palik sakhanah lak si, ni 4 chung Palik sin ah um lai.

Hikong he pehtlaiin, thilcan ning hi fiang te in theih khawh si rih lo, zeiruangah dah a mah te in a that mi si hnga?” ti le a phen ah zei bantuk thil dah um hnga ti mi cu, mipi nih theih duh bik mi si.

Mizoram” Ah CADS 2nd Batch Nih Rithai-Sii, Nuai 120 Man An Tlaih! Central Anti Drugs Squad (CADS) 2nd Batch hna nih tuni tiangah khuachungah rithai-sii Rs. 1,21,87,400 man an tlaih cang i, hilak ah hin Heroin (No.4) hi tam bik si. CADS hna nih HEROIN (No. 4) hi bawn 449 pinah Cane/Tictac dur 802 an tlaih fawn. Alpazolam hi mun 289 an tlaih i, Khuh-sii (Cough Cyrup) hi dur 21 an tlaih chih fawn.

Excise/Palik kutah minung pa 9 tlaih an si cang i, Conselling class kal lio mi, minung 131 an um fawn i, minung 14 hi home -ah an chiah fawn cang hna. Central Anti Drugs Squad (CADS) 2nd batch hna nih hin November 18,2022 in an thok i, An batch-ah hin CYMA Treasurer Fabian “Lalfakawma” hi Convener si-in, “Rl Zomawia CEC” cu Asst a si. Lalfakawma CEC hi Secretary si-in L. Ramdinliana Renthlei CEC cu Asst. Secretary a si.

Christmass Lai 24,2022, Ramvaihnak Ah Meithal In I Kah Sualnak A Um! “Aizawl” ni 24, December, 2022 ah khan “Lalhmingsanga” kum 40, YMA Mission sangah um mi cu ramvaihnak ah meithel in an kah sual ruangah a nunnak liam ti ah theih si.

“Meithal kuan luhnak hi a taksa kehlei lawng te ah si in, ka rel ah khan hmun 9 hrawngah a khenh in ka theih. A kehlei khabe ah pakhat, a keh lei ban ah pathum le a alzim kehlei ah hmun 5 in ka hmuh. A khabe meithal kuan luh mi hi a vorhnak hmun dang ka hmu bak lo, mah hi a thihpi mi siman lai ti ah kan zumh’ ti in a hmun ah kal mi YMA mission sang Branch hruitu pakhat nih Zalen News ah a chim.

Zalen nih YMA Sang Branch hruaitu hna sin in a theih ning cun, Lalhmingsanga hi “Lungleng ram tlawng” pawngah loo tuah in vawk zua mi si. A zohkhanh tu hna an i dinh ruangah ni 20, December, 2022 ah khan a nupi le a fa hngakchia cem hruai in an riak. Christmass mehmua ah ti in a unau pe he ramvaih ding in an chuak ti ah theih si. December 24 zanlei suimilam 5:00pm hrawngah meithal puah thawng theih a si i, a hnu deuh ah zunkhat puah than mi aaw theih si than.

Hmingsanga nih hin a chung le phone call a pick khawh lo ruangah midang sawn in an kawl colh. Ni 25, Zinglei suimilam 3:00am ah thingtang lungpi pawngah RUAK in hmuh si. YMA mission sang hruaitu hna cu zinglei suimilam 4:00am hrawngah a hmun an phan colh ve. Mithi hi Zoram Medical College, Falkawnah post mortem tuah in, a hnucem i hmutu “Ramchhuahpui” hi Palik sakhan ah bia hal ding in an lak ti ah theih si fawn.

Hikong he pehtlaiin, Kulikawn Palik hna nih cun tu tiang thil can ning hi an theih kho rih lo, a mah te in a khawh sual i si lai ti lawng an ruah khawh tawk si rih, Lalhmingsanga hi Damdiai khuaah Hight School ah ca chim tu a rak si tawn, kut riantuan nuam ti mi si ruangah ca chim tu rian hi chuahtak in ‘Head Mistiri’ a tuan. Tantak mi, A nupi le a fa le 3 Pathian nih tuarin khawhnak pe hram hna seh. Credit: Lungmili Post

Be the first to comment

Leave a Reply

Your email address will not be published.


*