Min Aung Hlaing cu a hlen diam si lai mu!

Thantlang Peng Ah Khuabawi 37 Rian Kan Khinh Khawh Cang Hna- Dr. Vung Suan Thang
==========
Chin ramkulh SAC cozah nih Thantlang peng khuabawi minung 37 rian ka pek khawh cang hna tiah, Chin ramkulh SAC Chief Minister ah rian pek tharmi Dr. Vung Suan Thang nih Min Aung Hlaing sin ah ca a kuat tiah, theih a si.

“Thantlang khua ah sang 5 a um i cu chungah sang 3 khuabawi cu rian ka pek khawh cang hna cun, khuakomh khuabawi hmunhma 36 chungah minung 34 rian ka pek khawh cang hna, CDF hna tih ruangah khuabawi rian pekmi hna nih an rian an tuan ngam rih lo i cheukhat cu khuapi ah an i dor lio”, tiah Chin ramkulh SAC Chief Minister Dr. Vung Suan Thang nih Min Aung Hlaing sin ca a kuatmi chung ah cun a tial.

Dr. Vung Suan Thang nih Thantlang peng khuabawi minung 37 rian ka pek khawh cang hna tiah a chimmi cu mizei an si theih a si rih lo.

Myanmar ralzam hna caah Mizoram cozah nih zulhphung 11 an ser than! Myanmar ram buainak ruangah ralhrial in Mizoram ah aa dormi Myanmar ralzaam hna nih zulh dingmi zulhphung 11 cu, (Deputy Commissioner) nih September 28 ah an chuah than tiah theih a si.

Cu zulhding mi zulhphung hna cu a tanglei bantukin an rak si lai; 1. Myanmar in ral a zaammi hna cu, khua le sang nih an sermi ralzaam Committee hna sinah theihternak nan tuah hmasa lai. Cu hnu ah, cu ralzaam hna an konglam cu, ralzaam Committee nih Deputy Commissioner Aizawl ah nan pek hnu ah, ralzaam sinak (ID) card kan tuah piak hna lai.

2. Aizawl pengkomh chung, (Relief Camp)ah a ummi ralzaam hna cu mizei an si zongah Deputy Commissioner theihpinak le hnatlakpinak a si lo ah Deputy Commissioner chungtel pakhat khat nih ralzaam sinak theihpinak a ngeih hmasa lai.
3. Cun, Myanmar ralzaam hna nih, phung nih a onh lomi chawlehnak a tuah lai lo. Mizoram ramkulh nih a ngeihmi zulhphung lonh in a thu dir lai lo. Cun cu zulhphung vialte cu a zulh dih fawn lai.

4. Myanmar ralzaam hna nih mah nawl tein, chawlehnak ah dawrkhan ti bantuk cawk ding a si lai lo. Cawk duh hmanh ah nawlngeitu hna sinah theihter hmasa ding. 5. Ralzaam camp ah a ummi Myanmar ralzaam hna nih hmundang thialkam a duh a si ahcun, ralzaam camp tuanvo ngeitu, a si lo ah, Committee sinah theihternak a tuah lai i cu hnu ah Aizawl Deputy Commissioner zung ah nih thialkam khawhnak (permit) kan pek lai.

6. Khualtlawm a duhmi hna nih Deputy Commissioner sin a si lo ah, ralzaam Committee sinah theihternak a tuah hnu ah, Movement Permit pek a si lai. 7. Myanmar ralzaam hna nih the Mizoram Land Revenue Act, 2013 ningin, a ho an si hmanh ah, vawlei, innhmun tibantuk cawk a ngah lai lo. Inn ngeitu hna zong nih nan zuarh hna lai lo. 8. Myanmar ralzaam mi hna chungah, cycle, motor aa kenmi nan um caah cu hna nih cun ralzaam Committee sinah theihternak nan tuah hrimhrim lai.

9. Phung ning tein Mizoram a phan i, motor, cycle khalh khawhnak (International Driving Permit) license ngeitu hna dah ti lo mizei hmanh nih zeibantuk hmanh khalhnak nawl nan ngei lai lo. 10. Myanmar ralzaam hna nih, phunglut lo, Aadhar Card/ Voters-ID/ Driving License ti bantuk nan tuah lai lo. 11. A cung lei zulhphung kan sermi vialte cu, Mizoram ramkulh ah a phanmi Myanmar ralzaam hna nih, zulh hrim hrim ding. Nan zulh lo a si ah cun phung ning tein dantat nan si lai.

Myanmar mi siangakchia 6,000 leng Mizoram ramkulh chung ah ca an cawng. India, Mizoram ramkulh hmunkip um cozah le private sianginn hna ah ca a cawngmi Myanmar rammi siangakchia 6,195 an si tiah ramkulh fimcawnnak lei vuanci nih a chim. Siangakchia 5,221 cu cozah sianginn ah an kai i, siangakchia 186 cu cozah nih a bawmhmi sianginn ah an kai, cun siangakchia 790 cu private sianginn ah an kai hna tiah theih a si.

Mizoram ramkulh chung fimcawnnak lei department in director Dr.H Lal Tlang Lian nih ” Myanmar ram lei in a rami siangakchia tamdeuh cu Chin mi an si caah holh lei ah cun harnak tamtuk a um lo, Mizo he nunphun le zulhning tibantuk an i khah leng ah Mizo holh zong an holh kho” tiah a chim. 2021-2022 cacawn kum ah Myanmar rammi siangakchia minung 68 cu tanghra exam caah cazin ah telhchih an si tiah Lalthlangliana nih a chim.

Mizoram ah sianginn a rak kaimi Myanmar rammi hna chung ah chuekhat cu ralzaam chung in an si i, cheukhat cu ramchung sianginn an kai khawhlo caah nu le pa nih Mizoram ah sianginn kaiter mi zong an um, cun cheukhat ramri khuate lei ummi ngakchia hna cu Mizoram lei ah sianginn an kai hna tiah theih a si. A tulio Mizoram university ah Institute of Chin Affairs (ICA) nih Mizoram mino hna caah Burmese language le social studies subjects diploma sianginn on ding in timhtuahnak an ngei tiah theih a si. Credit: The Chin Post

Be the first to comment

Leave a Reply

Your email address will not be published.


*