Min Aung Hlaing Hi Ramdang Presure Fak Deuhin A tuar Chin Lengmang!

Min Aung Hlaing Hi Ramdang Presure Fak Deuhin A tuar Chin Lengmang!
============
Min Aung Hlaing nih ramdang hna sin in thiam a co khawhnak hnga. Asian pulpit in tlang au hi aitimh. Asian nih kan putpit in tlang na au ahcun kan nin fialmi hi na tuah ve lai, ‘an ti i tuahding 5 an fial ve. Hi tuahding 5 hna hi MAH nih pakhat hmanh atuah lo. Cucaah Asian nih an pulpit an hmanter mi kha hmanter an timh tilo. Kan hnu thla ah US le Asian hruaitu hna American ah tonnak an tuahmi ah Kawlram kong abikin an ceihmi cu; Asian nih tuahding afialmi 5 hi pakhathmanh atuah lo caah zeitindah hmai kan nor ti lai,’ti hi a si.

Atulio US State Department counselor Derek Chollet Asian atlawnnak zoh tikah abikin a aupi mi cu; Kawlram democracy lamcung ah akal khawh thannak ding le Asian nih NUG Cozah hi dotla ah pomding ti hi a si. Atutan Singapore ah tuahmi Shangri-la Asian hruaitu hna tonnak ah Malaysia ramdang vuanci a simi Saifuddin Apdullah nih achimmi cu; MAH hi Asian nih tuahding kan fial mi hi atuah lo caah ‘ri’ kan khiahpiak aherh a ti, Achimh duh mi cu tuahding kan fialmi hi nithla kan tukpiak lai i, cu chungah atuahlo ahcun action kan lak lai tinak khi a si.

Atulio MAH dirhmun hi Asian ah ahawikom thabik a simi Asian Chairman Combodia Prime minister Hun Sen zong nih adirpi duh tilo. MAH le HUN Sen hi thisen dinti hawikawm thabik an si, tiah zumh mi Hun Sen hman nih a dirhkamh tilo mi hi cu Asian ah MAH innkaa apit cang tinak a si.

Naitan ahkhan Hun Sen nih MAH sinah nawlnak atuahmi cu; 88 Sianghleirun hruaitu Ko Jimmy le NLD MP Ko Phyo Zeyer Thaw thi dan na pek mi hna hi luatnak pek than hna tiah anawl i, MAH nih a cohlan lo. Cucaah Hun Sen nih vawleicung hrenphihnak hi fak deuhin na ton teh lai, ‘tiah vawlei pi theih in a chimh. Chimh duhmi cu; ahawikom thabik a simi Hun Sen hman nih ahlawt ahcun MAH caah cun akut pakhat akiak mi bantuk khi a si.

Atu tla ah tuahding mi India le Asian ramleng cuanci hna tonnak ah SAC hna hi kan sawm hna lailo, ‘tiah thawngpang aleng, Hi tonnak ahhin India nih SAC hna hi sawm a duh ko hna nain, Asian ram cheukhat nih an duh lo caah a sawm ngam hna lo,’tiah theih a si.

Cuhlan India le Kawlram pehtlaihnak kan zoh tikah vawleicung democracy ram nganbik asimi India nihhin zeibantuk Cozah thalo an kai zongah Kawlram hi adirpi peng. Tutan meeting ah India nih asawm lomi hi MAH caah cun India Kawlram pehtlainak chiahru bik tuanbia pakhat atial tinak a si. SAC hna hi vawlei pi le Asian ah an innkaa apit cang tikah China le India lawng hi innkaa aneih lai, tiah zumh cio a si. India nihhin Innkaa a onh duh lo asi ahcun fakkhun khin a tuar chin teh lai.

SAC hna hi vawlei pi nih zeitindah fakdeuh in hrenphihnak ‘Pressure’ kan pek lai, ‘tiin an kalpi cuahmah lio a si. Thidan a pek mi hna, Ko Jimmy le Ko Phyo Zeyer Thaw hna hi thidan in luatter dingah UN /EU /US le Asian hna nih an au hnawh nain, an bia angai duh hlei lo. Cucaah Ko Jimmy le Ko Phyo Zeyer Thaw hna hi hri awk thidan apek taktak hna asi ahcun atonding mi cu vawleicung nih pressure faktuk in an pek chin lai i, vanriang nih ceilak an seh hnu ah khuai ngal bu vailamh chih bantuk khi a dirhmun a si teh lai. Credit: Van Neih Thang

Be the first to comment

Leave a Reply

Your email address will not be published.


*