Min Aung Hlaing nawl i cawn lo ding!

Min Aung Hlaing nawl i cawn lo ding!
======
1. Uknak ka tleih-chung; “Mi fir nih ka fir a ti bel lo”. Ahman tuk! Cucu General Min Aung Hlaing zong nih 2021 February 01 ah mizapi nih thimfung an thlakmi a dik lo/ aa ningcang lo caah “uknak ka tleih chung” a rak ti. Caan tlawmpal ah Prime Minister hna a hun i pe, “Ningcang tein thimnak kan tuah lai” tiin caan tete a hun thawn thluahmah. A hring dildelmi a ttial cu a thup kho nemmam lo. Fir lawng si loin mizapi sermi uknak cu a tleihhrem!

2. Pul-rai ka tei cang; ‘Myan-covid sii-ai’ kan ser khawh cang tiin a chawkletmi le tonmi kip hna hramhram in le mumal um lo taktak in sii chunhnak hei tuah i ka rammi ka runven hna, an herhmi sii-ai ka bawmh hna ti phun in biaknak ngei he biaklonak ngei he thli-cung biaruahnak cu zumh sual fawi ngai dawh a si. Thli thur tam tuk i dawp sualnak nih sivai tha lo na/n nun caah tih a nungmi a chuahter sual lai.

3. Daihnak kum vui; Daihnak kum vui hei ti ttung i “inn lo khangh piak, nu le pa tleih piak, va le tta thah piak, nupi le far tleihhrem piak, nau no le fa no hren piak.” Cu bantuk “Thlalang cung cuang linglet nun in” mizapi le vawlei minung monh hei timh. Daihnak cu nunnak muru chungah a semmi a si kha a thei hrimhrim lo.

4. Normal; Myanmar (Burma) ram cu a tu lio bak hi normal timi hmanthlak taktak cu a si! Ralhrang hrihhruai le deu-kom pawl chan le caan a si tawn ning (normal) ah kan phan hnik maw? MAL ca he pumpak ca he rum a timmi le lal a timmi le lar a timmi KHUCUAN “water follows, fish follows” kawlholh in hei i leh cio te ko u, “cuanghlei tlangcung parziktawng” tiin auh tlak an hun i sem ding cu phan a um ngai te ko.

5. Upatnak; Upatnak cu mizapi sin ah a um timi a thei ve lomi caah cun “Thador Thahri Thucuahmah” tiin min luala hna zong tuanbia tialmin an va si ve te sawk kho men lai tiin co le cohter duh ngaimi zong cu rak um ve khawh a/an si.

Khah! Bia kilhnak ah (1) “Ka tello zongah a poi lo” timi bia hmannak nih Pau Dohthlennak a sau ter sual lai timi kha va philh hlah! (2) “An kan uk tuk cang” timi bia hmannak nih thangthar minung kan dohthlennak lungput zei ti maw in a teva ter khawh timi kha va philh hlah!

(3) “Linglet nun” timi kaa menmen in i dirpinak lawng in Dohthlennak kan thawnter kho lai lo ti kha thei ve! (4) “Normal” bantuk tein um-kal, lenvah, nuamhseih, pumhkhawmh lio caan ah DOHTHLEN lio caan a si timi kha thei ve!
(5) ‘Thisen in min an tial lio caan’ ah MAL bantuk in ‘Thadoe Thiri Thudhamma’ na duh ve ko a si ahcun “Ttialkhat cuang saram bu khat” timi biafim te hun in cah ta hna ning!

South Korea nih uico sa an uar ngai, timi kong Dr. Aung nih a rak chim bal ka theih ve i bia le lam peh ah midang ka chimh chin hna. Korea ah kum 4/5 hrawng ummi pate nih ai thawh i”Korea nih uico sa an ei bal lo na lih asi ko cuh” a ka ti.

Kei hi theih fianlomi kong mi nih an chim chinmi ah biaal hi ka duh lo tikah kailung si lo tuk, milai doctor pi nih cun lih a chim lai lo tiah ka ti. I hngilh khawhlo par ah dothlatnak (research) ka tuah, America Newspaper nganbik asimi USA Today nih tling khitkhet in a tialmi ka hmuh i a tawinak in ka vun tial lai.

South Korean hi uico sa a ram taktak mi an rak si timi hi al awl um lo asi. An traditional food bak arak si i, uico sa an ei nak hi kum a thong in asi cang ti asi. WWII lio Ile Korean War lio mangtam nih faktuk in a rak den hna lio ko ahhin an zual hma khun ti asi.

Mifim chan a hung si ve cang, South Korea hi economic leiah an hung thanhcho ve tikah 1980/90 kum thok khan uico sa hi ei ding asi lo, timi mitampi nih an vun aupi. Asinain zei ngaingai an chuahpi kho lo, aruang cu an traditional food pakhat asi ve caah nihin tiang minung tamtuk nih an ei thiamthiam ko rih.

S. Korea hi biatak tein 1980 hrawng in a vun thangcho ve i ramdang ah sianginn kaimi zong an vun tam, Animal Protection Law kong zong an vun thei ve tikah, 1991 thok khan rights group pawl tampi nihcun restaurant ahcun zuar ding asi lo tiah an rak ti.

Cu zong ahcun chimh an ngai hleilo i June 20, 2018 ah a member of Parliament nih South Korea’s Animal Protection Act cu an rak fehter. June 21, 2018 ah Korean Court nih cu dum le dan cu kalpi a timh nain nihin tiangah a kalpi kho naisai lo. Feb 12, 2019, ah Seoul mayor nih uico sa zuarnak (dog slaughterhouses) pawl cu Seoul khua chungah zuar ti lo dingin a rak ti hna.

S. Korea nih biatak tein uico sa ei ti lo dingin a ram mipi a forhfial len ko hna nain, nihin tiang hi an ei ko rih i kum khat ah uico 1,000,0000 renglo an thah i a sa an ei peng ko rih, tiah USA Today nih cun a ti. Mitamdeuh le mino nihcun an ei ti lo nain, an nun phung ah kum thong in an ei cangmi asi caah an thlau kho ti lo.

S. Korea nihhin kumkhat ah uico 2.5 million tluk an zuat/zuar mi chung ahhin 1 million renglo cu an thah i a sa an ei mi asi peng ko rih. An ramah ummi ka si ti nak men in research biatak tein tuah tunglo ahcun biachim i ralrin ding asi cang lai! Credit: Chelsea Bawi

Be the first to comment

Leave a Reply

Your email address will not be published.


*