Min Aung Hlaing nih KIA tuahsernak cu a thli tein a rak zoh peng hna caah!

Min Aung Hlaing nih KIA tuahsernak cu a thli tein a rak zoh peng hna caah!
==========
Sagaing ramthen ikahdohnak a fak khun nak le PDF pawl an thawngnak khi KIA ruangah asi ti khi Min Aung Hlaing te phu nih an hmuhning si dawh asi. Abikin an ti tawnmi cu KIA nih Kawl miphun le bohtahbata cihmih ding an itim ti phun tiangin ca tete Sagaing ramthem ah an rak phawtzam bal.

Tutan Kachinram Hpakan khua ah mipi hlasak nuamhnak ah Kawl ralkap nih vanlawng pathum in zaan ah bomh a va thlak hnawh hna caah mipi 80 an ruak in an char hna, hliamhma a pumi zong an tam ngai tiin thawngpang theih asi. Hi tiin thil a cangmi hi Kawl ralkap nih cun Sagaing ramthen thilcang mi kongah lehrual ka chamnak asi ti phun zong aa ruah kho men. A fiang cu Kawl ralkap hi pakhat hmanh thlachiah ruahnak a ngeimi an si lo.

Cucaah atulio dohthlennak lio hrim ah mibu in puai tuah le khua chung kahdohnak tibantuk hi cu hrial khawh ahcun a tha cem dawh asi. Kawlram kakip khuapi pawl chungah kahdohnak a chuah viar siloah ahnu bik hmunhma kahnak caan a phanh i zakhat ah zakhat khuapi lak khawh le control khawh ding dirhmun phanh tikah lawngah nam ding zongin khuaruah ahcun a sunghnak a um lo.

An thin tal a phok deuh hna hnga maw? An irelh lo kar bakah a deen bak ko hna. KIA lawng a tlerhmi hna an si lo. Aungbaw doh phu hriamtlai vialte an hei tlerh hna khi si ko. Kawlin le Pinlebuu hrawng PDF cawlcanghnak phunphai ahkhin puanzar phen deuh lawng in an rak cawlcang ti si.

Puanzaar phen cun iduup leen duh hlah, nan ngamh tak si le na nau AA bang iphomh ko hna ngat usih ti he ai lo pah ko cuh. A si reeng cuh. Kawlram Tlangmi hriamtlai phu lakah bochan awktlak cem ding timipi dahawh Aungbaw nih zeite ah ai rak rel lomi Lai hmaisuang ralkap phu an ibiatak tluk in an cawl reeng lo cu.

“Kan unau hna, kan in ngaihchiatpi hna e! Lung a faak hringhran ko e!” tbk sawhsawh nih teinak lam a chuahpi lai loh. “Mindat le Thantlang hmanh nih heh chet an doh hna lio ah, puai bang hna cu nan va tuah?” ti awkte an si.
Mah hmanh i an thin a phawh khawh hna lo cun, “dai cang uh” ti awk an si ve ko hnga!

Kan unau Kachin hna nih tutaan i an ton mi hi Chinram le Kawlrampi caah fimchimtu si hram ko seh! Ruru hranghrang in mi a that cuahmah mi le mifir cu zeitik an rat lai chim khawh si lo. Ralhrang Jet fighters pawl hi zeitik a rat lai kan thei lo i kan khamkhawh ttung lo ahcun Civui e Khavui e ti pawl hi hmailei rampi daih deuh tikah tuah ding si in ka ruah ko.

Hawi raltuk caan i Jubilee ee kha bilee ee ti pawl tuah hi vei phun khat zong ah ka ruah ko. Aruang cu ralhrang nih mipi zong a ral hmuh in a hmuh i duhpaoh in a thah cuahmah caah kan him deuhnak caah pumpak ruahnak le siaherh bia a si. Kachin kan unau hna nan ngaihchiatnak kan intuarpi hna!

Tutan Kachin kan Unau hna an thil tonmi nih fim hun kan chim ve hram seh,ralram ah kan um lio a si caah a bu in um le puai tuah hei ti phunphai zong ralring deuh cio usih! Cu CDFs nih kumkhat tlinnak puai an tuah lai, cu Conference kha meeting kan tuah lai tibantuk hna hi Online ah zamh len zong um ti lai hlah seh!

Ralring ngai a hau tuk mi a si. Ralhrang phu hi IT lei in thiam sang an tam ngai. Rusian sianginn kai mi an tam tuk. A herh lo tuk in an umnak hna post leng ding an si lo. An hmunhma hna an post ruangah a herh lo in kan mipi ralkap an thih a tlawm ti lo ti hi theih a hau.

SAC Ralhrang Vanlawng Kahnak ah a Thimi Miruak an Hmuh Chap Hna. Kachin ramkulh, Hpakanh peng ah SAC ralhrang nih vanlawng in an kah hnanak ah a nunnnak a liammi miruak 80 hi nihin October 23 zaanle tiang ah an hmuh cang hna.
Nihin chun sml. 1:30 tiang hrawng ah khan miruak 58 an hmuh i, atu zaanlei ah miruak 20 an hmuh chap caah a thimi miruak an charmi hi ruak 78 a si cang.

Hliamhma a pumi an tampi nain Myitkyinha sizung lei ah kalpi ding in SAC ralhrang nih an onh lo caah awlokchong in an um hna. Nizaan October 23, zaan sml. 8:40 ah khan KIO/KIA an dirhnak camtuak hlasaknak puai (Concert) an tuah i, cu hlasak puai lio ah cun SAC ralhrang nih finghter vanlawng pathum in an rak kah hna caah atu bantuk hin mithi le hliampu an tamnak hi a si.

Vanlawng bombthlaknak ruang ah hma a pu mi 100 leng sii i thlop kho lo ding in ralhraang nih an kham hna. Kachin ram, Hpakant peng, KIA Brigade-9 hmun ah ralhraang vanlawng pathum nih bomb an thlak hna caah hma a pu mi rammi 100 leng cu sii i thlop kho lo ding in Ginsi khua chuah Gate ah Council ralhraang nih an kham hna tiah Kachin News Group nih a tial.

Ocotber 23, KIA Brigade-9 hmun, A Nang Pa hmun ah KIO an dirh kum 62 tlinnak Ni don hlasaknak an tuah i ralhraang Jet Fighter pathum nih bomb a thlak hna ca ah minung 50 leng an thi i 100 leng hma an pu. Hma a pu mi hna cu Hpakant le Myitkhina sii-inn pawl ah thlop an timh hna nain Council ralkap pawl nih Ginsi khua in an kham hna tiah KNG nih a tial.

“Hma a pu mi pawl kan chuah kho rih hna lo. Hika lei mi bawmchantu phu pawl nih an va ton hna nain an luhter hna lo. A ngah hnga maw tiah mizaw phor motor pawl an va kal nain an dihlak in Ginsi in an rak kir than. An kan honh ahcun, kal ding in mi bawmchuantu phu pawl timh cia in an hngak ko,” tiah chun hnu suimilaam 1:30 hrawng ah an chim.

Atu ah Ginsi Gate ah hma pu mizaw pawl chuahnak nawl pe lo in an hren hna leng ah, Brigade-9 hmun chung ah siibawi le sii-ai pawl lut kho lo in ralhraang nih an kham tiah theih a si. Mi bawmchantu phu motor pawl, siibawi pawl nih Hpakant khua chuah zawn lawng in an hngah hna tiah thieh a si.

“Atu tiang cu an va chawnh hna lio lawng a si rih. A ngah lai le ngah lai lo hngalh a si rih lo. A ngah ahcun motor pawl chuah ding in timh cia an si,” tiah tualchung mi pakhat nih a chim. Atu ah cun Council ralhraang nih Sankway Hlei le Pantin Hlei in mi an check i ralkap thazaang zong an chap tiah theih a si.