Min Aung Hlaing nih Terrorist phu pawl hrawh an si lai

Dr. Ngun Cung Lian cu Kawl ralhrang ni တပ်မတော်နေ့ ah a miphun thuam te he a va chuak ve!
===========
March 27, 2022 ni ah tuahmi Ralkap Ni (Armed Forces Day) ah Min Aung Hlaing nih Terrorist phu pawl hrawh an si lai, tiah a rak chim. Hi ni ah Dr. Ngun Cung Lian zong Laithuam te he a kai ve nak hmanthlak te cu online ah phawtzamh le hmuh dih a si cang.

Ralhrang Min Aung Hlaing nih hramhram in uknak an lak hnu ah Dr. Ngun Cung Lian cu khoika a um le online interview zongah hmuh khawh le a aw theih khawh a si ti lo. Anmah Maraland caah vision pakhat a ngeihnak kong cu voikhat te comment ah a rak tial i, a rak lar kho taktak. Ralhrang phu nih puai sunglawi an tuah tikah paoh ah a cawlcangh pi peng hna ti khawh a si.

Dr. Ngun Cung Lian hi mipi sawhsawh nih hmuh khawh le biaruah khawh zong a si ti lo i, a hmanthlak le video biachimhnak zong zeihmanh hmuhkhawhmi a um ti lo. Asinain, hi bantuk ralhrang phu nih sunglawi ngaiin cawlcanghnak an tuahnak ah a hmanthlak tete cu online ah phawtzam le mipi nih hmuh khawh a si. Nizan ralkap ni zongah a hmanthlak te cu hmuhkhawh a si.

Dr. Ngun Cung Lian cu Kawl ralhrang ni တပ်မတော်နေ့ ah a miphun thuam te he a va chuak ve. Chin thuam te hi a sunghlawih ngaimi te a lo. A tha te zong chia ngai mi a lo. Ngaih a um ngai. Mara ka si, Maraland caah vision pakhat ka neih mi um i, a ti ko lai dah.

Dr. Ngun Cung Lian; CNF in Ka chuak Cang, CDF Ka hngal lo, NUG Ka hngal thiam Lo. Asakawng cheih pah in chun-zan lungmawng in Min Aung Hlaing tawka liakpa Ngun Cung Lian nih Mara ca in zei comment dah a tial?

CNF in ka chuak cang. CDF ka hngal lo. NUG ka hngal thiam lo. MDF zong ka hngal thiam lo. East – Maraland caah vision pakhat ka ngeihmi um i ka vision a tlamtlin khawh nakhnga SAC ah ruahnak pek in ka vision a tlamtlinnak hnga rian a tuan lio mi tu ka si. Ka sinak kong le ka vision le ka dirhhmun te hna nan theih fian tung lo ahcun nan duhning in ca hna hi rak tial len hlah uh law a tha lai.

Ngun Cung Lian (Min Aung Hlaing tawka liak a thawtter tukmi pa te, Myanmar) tiin Mara ca in khoika dek ah zei lio dek ah comment a tial ko hih. Mi hi ka hlen khawh rih hna lai tiah ai ruah. Asakhawng ceih duh le Min Aung Hlaing tawka a liak duh bia rengreng si ko.

CNF in a rak chuah lio ah Chinram le Chinmi caah nawl ngeitu taktak hna sin ah riantuan dingin a chungah ka va luh bia a si a rak ti. Tu ahcun Maraland caah MAL tawkaa chungah a va lut rih. Ruatthiam ko usih. Zei hmanh a chuahpi kho lai lo.

A rak ipalh tuk i a chuah khawh than ti lo caah a phisinnak sawhsawh a si. A pelte a va tuah khawh sual hmanh ah ralhrang sin in hmuhmi thil cu ilunghmuihpi awk a tlak lo. Tuhi Khawika ah thla a um hnga? Indianapolis ah a um ko a timi zong an um pah?

Miphun hawi hna, kan dohthlennak hi biatak te in ruah a hau cang. Nai ah Mara kan unau anmah le anmah an in kap cang. Hi bantuk hi a tu Ning in kan kal rih ahcun kan ton chin lengmnag te lai. Kan hnu zong ah Tikir khua nupi tthit puai ah CDF phu 2 kar ah an buai ti kan theih. Policy ruang hmah ah si llo in zu rit buai ruang hmanhah an ralkap sawhsawh lawng hmanh si lo in an commander tiang hmanh an buai, an hi kap deng hna ti thawng a thang.

Mipi lei ah mithal hna tinh in an hro hna, zun li tiang meithal an puah an ti. Tih a nung taktak mi asi. Lam nai te asi mi India ram, Naga le Manipur state khi zoh hmanh uh, India cozah a do cio mi, hriamtlai phu fa tete an tam tuk i anmah le anmah an in tthuat tawn lengmang ning, mipi an thah tawn hna ning le mipi caah tih a hei nun ning, mipi nun a him tawn lo ning, khi dir hmun reng lo khi kan phan sual te ko lai.

Phaisa maw, nan nunnak dah ti in hriamnam hmuahchih in mi ramhtu an um lengmang! Man dirhmun khi kan phan te sual kho. Kawl miphun PDF lakah cun cu bantuk phan cu khonmaw ahcun an um cang ti asi. Command and control pakhat tang ah um lo in, bu dang cio in um i hriamtlaih cu a ttihnung tuk! Chin miphun hriamtlai pawl kar ah Buaibainak dangdang Kan ton than rih sual te ko lai.

Kan miphun caah a tha bik mi cu – CNF kha tthawnter, CNF nih a tuah mi command and control tang ah CDF vialte um dih, Cuticun kan ral kan doh tik ah kan tha a thawng khun lai! Cun CNF nih CDF vialte kha bawmh khawh chung in bawmh, CNF kha influence power ngeih ter, cuticun kan dohthlennak a felfai deuh ding asi cang. Cu ti lo cun bia Lo kan chuak dih sual te lai! CNF tu hi commanding power ngeih ter hna usih!

Terrorist phu pawl hrawh an si lai tiah Min Aung Hliang nih a chim. Hramhram uknak latu Kawl Ralkap phu (SAC) nih ralhrang an sti tiah thanhmi Ralhrang (Terrorist) phu pawl, Terrorist Organization pawl tha a petu phu pawl he ramkhel lei biaruahnak ngeih loin kan hrawh dih hna lai tiah an lutlai Min Aung Hlaing nih a chim.

Mah bantuk phu hna telh loin NCA minthutnak a ngeimi phu pawl he cun biaruahnak kan ngei lai i (NCA) min a thu rih lo phu zong riikhiah lo (precondition) tein zalong tein biaruahnak kan ngei lai tiah a chim. Asinain, Karen National Union (KNU) in ramdang lei kong rianngeitu Pado Saw Taw Nee nih “kahdohnak dinhdorh loin SAC a tlak tiang kan doh lai,” tiah RFA ah a chim.

“Kuan tampi a um ko buin zeihmanhtuah khawh loin a sung an pek caan a tamtuk cang. Hmun tampi ah a cang cang. Kahdohnak lawng hi ralkap hrawhnak a si lo. Thil tampi aa rak fonh tikah an mah lei nih zeitin hmanh in an ṭhawng kho ti lai lo tiah zumhnak fek ka ngei. Cucaah, kan tuah rih dingmi cu hramhram uknak hrawh khawhnak ding caah kan tuah hrim lai”.

SAC Ralkap ralhrang nih amah a dohkaltu chung in, National Unity Government (NUG) le a kuttang ummi People Defense Force (PDF) pawl cu ralhrang (Terrorist) phu pawl tiah a thanh, a chiahmi hna an si. 2023 ah zalonnak kan ngah kum 75 a tlin lai caah atu caan karlak ah ramchung buainak daihter ding kan tawlrel lai tiah Min Aung Hliang nih a chim.

Ralkap nih anmah lei lawng (kapkhat) kahdaihnak kan tuah tiah a chim fawn. Atu bantuk ramchung buainak hi tlangcung hriamtlai phu EAOs sin in a raami a si tiah SAC hruaitu nih a chim. March 27 ah tuahmi Ralkap Ni (Armed Forces Day) ah Karen ramkulh, Muṭaw peng, Pekay khua lei ah SAC nih vanlawng in a kah caah mipi inn cheukhat a rawk tiah KNU nih a thanh.

Cun, Kachin ram, Moekaung peng, Kasung khua pawngah Kachin Independence Army (KIA) battalion-2 cu March 27 ah SAC nih vanlawng in a kah tiah KIA nih a chim. Natmatee peng chungah kahdohnak um lo buin SAC nih bom in an kan kah tiah KIO Major Nawbu nih RFA ah a chim.

Be the first to comment

Leave a Reply

Your email address will not be published.


*