Min Aung Hlaing ralhrang Kan Tei khawh Nak Hnga Dingah A Biapi Bik Mi Lam Le Dawnkhantu!

SAC ralhrang Kan Tei khawh Nak Hnga Dingah A Biapi Bik Mi Lam Le Dawnkhantu Russia Le China!
=========
Kan Ruat Theo Cang Ko Lai Dah: Hramhram in mipi sinin nawlngeihnak a latu SAC ralhrang (Min Aung Hlaing)cungah a takin dantat phihkhamhnak peek ding timi, hriamnam zuarhlo ding timi kong telin Phun zakip in SAC ralhrang cungah phihkhamnak tuah ding timi hi a fawi mi thil a si lo bantukin Russia le China nih Veto power an hman lai caah, Cu thil tlam a tlin khawh nakhnga ding ahcun (China, France, Russia, UK le U.S) hna nih Veto power in hnawn khawhnak ah a tel lomi ram 9 hna i cohlannak mee (vote) a herh lai. Caan saupi a rau kho mi a si fon. Cucu Min Aung Hlaing kan tei khawh nakhnga dingah a biapi bikmi hmunah a tel mi a si ii, dawnkhantu zong a si ve.

Cun NUG nih SAC ralhrang nih tuahtimhmi kum 2023 thimnak phak hlan ah kan tei lai tiah, a chim lengmang. SAC ralhrang an lung an i thlen i ramdang nih an kan dohli tidah lo cun a fawi lo. Tei khawh zong a si ko ta. NUG nih SAC ralhrang he thutdant cungah remdaihnak tuah zong a duh lo, kan duh cio lo.

Tahchunhnak ah; Thutdant cungah remdaihnak ser kho hna sehlaw Federal Democracy cu an kan peek ko lai. A sinain a phung menlawg in kan co lai ii, Mi tam deuh a si mi Kawlsen pawl nih Federal Democracy peek kha an duh lai lo caah hriamnam thisen he kan doh ceo kha a hau ko.

Cu caah NUG nih U.N le U.S telin vawleicung ram pumpi hna nih Myanmar ram Cozah si dingin pom le cohlan kha a zuam hmasa a herh. Cu thil a tlin khawh namhngah dingah Russia le China nih an Veto Power in hnahnawhnak an peek thiamthiam hoi lai.

Cu caah ka chim duh bik mi cu; SAC ralhrang cu a takin phihkhamnak peek, hriamnam zuar ti lo ding timi le NUG cu Vawleicung ram pumpi hna nih Myanmar ram cozah in an pom ii, an cohlan hnu lawngah SAC ralhrang cu zaangdam tein kan tei khawh lai. NUG cu mipi Cozah a si lai caah ramdang sin zongin bomhnak tam deuh kan hmuh khawh lai pinah hriamnam zong an kan bomh khawh lai.

Ramdang sin zongah Tlangcung hriamtlai phu vailte le PDF vialte ca’h zongah zaangdam deuh tein hriamnam zarh khawh a si pinah cawk khawh a si lai. Cu caah mipi lei nih hi nakin zaanhhlei ka cawi deuh a hau tinak a si. Cu thil a tlin dih hnu lawngah SAC ralhrang tei khawhnak lam tha bik a si bantuk in Kan ralpa MAL Cu Hriamnam le thisen luan ceo in kan doh a hau cang ko. Cu hnu lawngah a tlingmi Federal Democracy cu ka congah khawh lai.

Mipi lei in kan tuanvo cu hi nakin kan thazaang chuah deuh rih ko hna usih. Kan pasaltha hna zong hi nakin dirpiin thazaang pee chinchin ko hna usih. Thlacaam piak philh hna hlah usih. NUG zong vawleipi nih Myanmar mipi Cozah in pom mi le cohlan mi a si khawh nakhnga thlacaam ko hna usih. Thinkhat le lungkhat in tangrualti ko hna usih.

Cakilh-A cung lei tial mi hi Everything nih mi ralchanh in tialmi a si ii fehter mi a si lo. Mipi lei nih theih a herh ve lai tiin le zeitluk in dah thazaang kan chuah a herh rih timi i ruahchanh buin tial mi a si. Palhnak le ruahthiam lo nak a um cun ngaihthiam kan hal cia fon hna.

Ramleng Ramngan Cheukhat Hna Nih Uknak Cu Hrawh Dingah Phun Zakip In An Kan Doh-Soe Win. Ramleng ramngan cheukhat hna nih Uknak suaisamnamk cu hrawh dingah phun zakip in an dohdal, tiah SAC ralhrang Min Aung Hlaing changtu Soe Win nih a chim.

Soe Win nih,” Rampi tuanvo chichat te kan tlaih chung nak cungah a duh lomi ramleng ramngan cheukhat lei nih uknak cu hrawh ding le tlauter dingin phun zakip in an dohdal.” tiah Mingalardon ralkap hmunhma ah ralkap chungkhar pawl he tonbiaruahnak an ngeih lio ah a chim.

Cu pinah miphun ruahchannak pa (2) in rampi cu a dai i a rum khawhnak, eidin riahcaw humhim khawhnak le ramkhel riantuannak lam pa (2) in a dik i a tling mi party zapi tel democracy system fehter khawhnak, Democracy le Ferderal system hrambunh mi PyidaungSuu sersiam khawhnak cu tuanvo lak a sinak kong le tuanvo lak nak a sining pawl zong fianhternak a tuah, tizongin SAC ralhrang thawngthanhnak zung nih a langhter. Credit: Everything

Nikhat Chung Ah SAC Ralkap 50 An Thi, 26 Nih Hliamhma An Tuar Tiah NUG Nih A Thanh! October 27, nikhat chung a cangmi kahdohnak ah SAC ralkap chungtel 50 hrawng an thi tiah National Unity Government NUG nih cathanh an chuah. Atu ah SAC ralkap a thimi zat langhtermi nak in a leng ah a thimi an tamdeuh kho i, October 27 nikhat chung ah SAC ralkap 26 nih hliamhma an tuar tiah an langhter.

NUG nih mah tein i runvennak ding ca thawngthanhnak a tuah kum khat chungah SAC ralkap chungtel 20,150 leng an thi cang i, 7,000 leng nih hliamhma an tuar tiah an thanhmi ah an langhter. PDF le tualchung hriamtlai phu lei in minung 1,500 luan hrawng an nunnak a liam, SAC ralkap nih rampi huap in a hipkhawhnak hmunhma hi zat ceo hmanh a si tilo tiah NUG caan karlak president Duwa Lashi La nih a chim.

Myanmar ramchung ah a cangmi SAC ralkap le PDF, tualchung hriamtlai, hriamtlai phu dihlak kar a cangmi kahdohnak ah SAC ralkap lei a thimi hna kong he pehtlai in SAC lei nih cathanh chuah in an langhtermi a umlo.

PDF Kalay Ralkap 2 Ralhraang Nih An Thah Hna! PDF-Kalay Battalion 6 in ralkap Lal Biak Tluang le Lal Chan Him hna cu 2022 Tho 10 ah Kalay, Tahan sang ah ralhraang Battalion 228 nih an tlaih hna i an thah hna tiah Zalen nih a tial.

An pahnih in an tlaih hna zaan ah pakhat cu an thah, pakhat cu nikhua hngal lo tiang in an hrem hnuah an thah, thawng kan theih a tlai ngai tiah PDF Kalay Battalion 6 in tuanvo ngeitu nih a chim.

Pale Peng Nithum Chung Kahdohnak Ah SAC Ralkap 30 Nak Tlawm Lo An Thi, PDF Ralkap 4 An Nunnak A Liam Ve. Sagaing ramṭhen, Pale peng ah nithum chung kahdohnak a chuak i, SAC ralkap 30 nak tlawm lo an thi, tiah theih a si. A luancia Octobber 25 in Pale peng Pah Kah Phah an zung bik(Headquarter) cu SAC ralkap Helicopter 5 in an kah caah nizan October 27 tiang kahdohnak a chuak i, SAC ralkap 30 nak tlawm lo an thi. Cu hnuah SAC ralkap pawl cu Monywa Nah Mah Khah ah an kir ṭhan, tiah theih a si.

SAC ralkap an kir hnu in PDF nih hmunhma thianhhlimnak an tuah i Pah Kah Phah zung ah an rak tlaihmi thongtla minung 12 cu SAC ralkap nih an thah hna pinah an ruak cu Teypingye(သဲပြင်ကျယ်) khua inn 6 he an khangh chih dih hna, tiah PDF sinin theih a si.

Kahdohnak hmun hnih ah a chuak i SAC ralkap 30 nak tlawm lo an thi, kanmah lei in PDF ralkap 4 an nunnak a liam ve i, ralkap 2 hliamhma an pu, tiah hriamtlai phu hruaitu nih an chim tiah theih a si.

Vanlawng Kan Kham Khawh Nakding Ah Lam Thar Kan Kawl A Hau- U Ye Mon. SAC nih vanlawng in an kan kahmi hi kan kham khawhnak ding ah lam thar kan kawl a hau i, ral kan tuk ning thlen remh a haumi cu kan thlen a hau, tiah NUG runvennak vuanci U Ye Mon nih a chim. PDF ralkap hna sinah NUG Radio in nizan October 27 ah U Ye Mon nih a cunglei bantukin a chim hi a si.

NUG cozah ṭuanvo ngeitu hna nih Vanlawng i kamnak hriamnam kan ngei cang tiah an ti ko nain October thla chungah SAC nih vanlawng hmang in bomb a thlak lengmang lioah NUG nih vanlawng kahnak hriamnam a hman lomi cungah biahal awk a um, tiah cheukhat nih an ceihphai.

Cu pinah NUG nih van ral i khamnak hriamnam cheukhat kan ngei cang tiah an thanh hnu nikhat ah SAC ralkap nih Sagaing ramṭhen chungah PDF training an tuah lioah vanlawng hmang in an rak kah cang hna. SAC ralkap thazaang a der tuk cang caah vanlawng hmang in kahdohnak an tuah cang. Cucaah biatak tein i ralrin ding in U Ye Mon nih PDF cu ralrin a pek hna, tiah theih a si.

NUG Le BPLA Cu Ral Tuknak Le Ramkhel Kong Ah Hmunkhat Kal Ṭi Dingin Hnatlaknak An Ngei. National Unity Government(NUG) le Bamar People’s Liberation Army(BPLA) cu ral tuknak le ramkhel kong ah hmunkhat ah ṭangṭi in kan kal canglai tiah NUG runvennak lei vuanci zung nih cathanh an chuah.

Cu an cathanh cu October 27, zaanlei ah an thanh i, cu chungah NUG, runvennak lei vuanci, ramkomh vuanci U Yi Mon, U Naing Htoo Aung le BPLA in ṭuanvo ngeitu Maung Saung Khah, sakhan-hmu Yoe Ann Min hna October 26 ah ton biaruahnak an ngeihnak kong an langhter chih.

Ton biaruahnak a dih hnu ah Ministry of Defence (MOD), Tualchung hriamtlai phu (PDF) le Bamar People’s Liberation Army(BPLA) kar ah mah le hmunhma cio ah raltuknak lei ah hmunkhat te ah i funtom ding le ramkhel lei ah kaphnih in i upatnak ngeihding he hmunkhat ah ṭuanṭi dingin lungtlinnak an ngei tiah theih a si.

KNU Brigade 5 Hmunram Ni 5 Chung Kahdohnak Ah SAC Ralkap 8 An Thi! Karen ramkulh, Brigade 5 hmunram ah KNLA le SAC ralkap cu a luancia October 22 in 26 tiang ni 5 chung kahdohnak a chuak i SAC ralkap 8 an thi, 4 hliamhma an pu, tiah theih a si. Credit: The Chin Post

Be the first to comment

Leave a Reply

Your email address will not be published.


*