Martial law tawi fiang!
======
Nizan tihni ah SAC ralhrang nih Chin State peng 7 Tonzang, Tedim, Falam, Hakha, Thantlang, Matupi, Kanpetlet cu martial law in kan nam lai an ti. Ni kum May 2022 ah Mindat peng cu martial law in an rak nam cang. Cu caah Paletwa peng dah tilo Chin ram dihlak cu Martial law in kan nam lai ti asi.
Karenni ram, Karen ram, Mon ram le kawl pawl an ram peng zeimaw zah zong martial law in nam ding an vun timi ah an i tel len. Martial law timi a sullam cu cozah le uktu hna nih political lei I ttuan awk le tuah awk asi mi an ttuan an tuah khawh tilo tik ah Ralkap nih ralkap phung in can zeimaw zah uk nak tlaih chung khi a tawi nak cun a chim duh mi asi.
Cu nih a vun langhter mi cu ralhrang nih uknak lak kan timh i kan lak khawh lo caah ralhrang uknak in kan nam lai ti cu sullam a nei lo ngai mi khi asi. Atu Chin ram dihlak Martial law an vun thanh tik ah SAC nih hin CNA CDF kan pasal kan nusal tha hna hi kan tei ti hna lo. Kan uknak zeiti hmanh in a kal kho ti lo timi vawlei theih in an I phozar asi.
Union of Burma map vun zoh tik ah a tu ka vun tar mi hi Martial law an thanh nak peng pawl asi I Chin ram in Burma ram a ke tiang a thluan te in ai tlai. Hi bantuk dirhmun hi Burma ram dohthlen nak tuanbia ah kan phan ballo. Martial law an thanh nak peng le ram pawl hi SAC nih kan uk kho ti lo ti khi asi ko. Fak chinchin in kan ttang lai. Kan mah kan tthawn ah cun kan lei ah kan inpa pawl zong an ttang ko lai. Tei nak cu Pathian nih a kan pek hrimhrim lai.
Percentage i tuak ahcun Chinram ah a tam bik ko hih. Kan itheihlo karah kan rak thawng ngai i, an kan tih tuk tinak asi ko hih. Kachin ram le shian ram khi cu ankhuapi vial tekhi daitein an um dih ko caah matiallaw an tua lo nak a si e chinram i khuapi vialte zong khi hriangtlai pawl nih daite in um hna seh law matiallaw hi an phuang theng lailo e.
Martial law an chuah nak hmunkip hi ralhrangralkap pawl inn leng hmanh an kal ngam lo nak asi i, a chok hmanh an i chok ngam lo nak hmun i martial law ralhrang lawng nih a duh mi poh a tuah lai timi cu uico fir a hrocer mi asi ko hen cu.
Kawl ram pumpi in martial law an hman peng ko rua ka ti an cawl khawh lo tu si kolo maw? A mah kawl ralhrang phuhnih in um dawh in An mah le mah uknak I tingh chap an i tim i si hla maw Pu bawi? Hi martial law a thanh nak hmun hi hriam thazang der deuhdeuh nak hmun deuh si ko hi! Zeitlukin hriam kan thawnter a herh le a biapi ti hmuh khawh ngai pah a si ko hi! Kan herh cu Pathian thawnnak le hriam thazang ngeih hi pakhatnak a si ko cang!
Victor Khen Sang – Thantlang CB bank ah Kawl ralhrang an tlaih mi hna hi thah ding an si lo. Thantlang CB bank ah Kawl ralhrang an tlaih mi hna hi thah ding an si lo. An mah sin in hin ral teinak caah a kan bawmtu asi kho ding raltuk ning lam thar chap ding (New Tactics) tamtuk theih awk aum lai tiah ka ruah. Bianabia ah; vulei cung theih in Thantlang hi ralhrang nih mei an duah mi asinak kong phuan ter hna, cun kan pastor te tiang an mah kut bak in thah an sinak le Thantlang khua chung ah kan mah Laimi lila dalan an hman mi hna vialte phuan ter khawh dih an si.
Cu hnu ah kan mah le kanmah chung ah dantat aherh mi dan kan i tat tik zong ah el awk aum ti lai lo. Zapi theih awk țha mi paoh cu phuan ter dih hna i zapi theih awk țha lomi cu “Confidential Information” chung ah chiah ziar ding a si ko. SAC an cawlcangh ader ngai cang ti zong a lang chin lengmang. Vanlawng in alangpar in bom hung thlak sawh lawng hi an ralkap an dirkamh khawhnak hna lam asi cang ti zong afiang.
US nih Al Qaeda ralhrang atlaih mi hna tamtuk Quantanamo Bay ah a hren mi hna khi aphunphun in ahrem hna hnu ah anmah sin in thawngpang an laak. Osama Bin Laden hmanh Pakistan ralkap umnak kulh chung aumnak tiang an hlat khawh mi kha an tlaih mi hna sin biaphuan nak in an theih mi asi. Cucaah thinhun lung in fak tuk hrem ruang ah an thih khawh caah biahalning (Interrogation) tuah dan hi caan laak pah rih cu ahau ko tiah ka ruah.
Q-Bay interogation technique ahcun ti toih (Waterboarding Interrogation) in hrem mi chung in Bin Laden umnak kha an phuan tiah an țial. Tutan anung bak in CNA – CDF nih an tlaih mi hna nih hin tampi mipi ralkap hna cawlcanghnak caah țhahnemnak achuah pi lai ka zumh. Thah colh hrimhrim hna lo ding, aherh mi vialte anmah sin in laak i kan raldoh a kan bawmtu ah hman awk an țha kho ko tiah zumhnak ka ngei. An thih nak in an nun ah an țha deuh rih ko lai.
Leave a Reply