Min Aung Hlaing ralhrang phu nih mipi minung tam ngai an tlaihhrem hna timi kong ah!

Nyaung U Ah Nu 10 Leng PDF He Pehtlaihnak Nan Ngei Tiin SAC Ralkap Nih An Tlaihhrem Hna!
========
Mandalay ramṭhen Nyaung U peng ah kum 20 luan fai nu 10 leng cu PDF sin ah bawmhnak nan pek hna tiin an puh hna caah SAC ralkap nih an tlaih hna i ralphaw i an i kalpi leng ah ralkap chung in bawi hna nih nu cheukhat cu an tlaihhrem hna tiah theih a si.

January thla Nyaung U pengchung ah kum 20 luan nu 10 leng cu Nyaung U peng Special Investigation Department (စစစ) le Military Security Force (စရဖ) phufonh nih PDF sin ah bawmhchanhnak nan tuah tiah an puh hna caah an tlaih hna i an tlaihhrem hna tiah theih a si.

Tlaih a tongmi nu hna a tlaihhrem tu hna lak ah Nyaung U peng (စစစ) in ralbawi Naung Min Lat, SAC ralkap Bukyi Myo Ngyi le Military Security Force (စရဖ) in ralbawi Tin Htun hna an i tel tiah theih a si. “Nyaung U khuachung ah SAC ralkap nih ngaknu hna cu a bik in an tlaih hna, nu 10 leng tlaih an tong.

Sianginn cachim sayamah, NGO ah tuanmi unau nu 3 cu a luancia zarh khat hrawng ah khan PDF nan bawmh hna tiin an tlaih hna Cun restaurant ngeitu hna an fanu zong pohmah 505(a) in tazacuai a tong i kum 3 chung thong thlak ding in biakhiahnak an tuah piak, midang nu tlaih a tongmi zong an um na in an min kan char kho dih hna lo. Tlaihkhih a tongmi hna chung ah cheukhat cu sualpi an tong tiah kan theih” tiin Paganpyi Bilu phu in tuanvo ngeitu pakhat nih a chim.

SAC Ralhrang Nih Nu Minung 10 Leng An Tlaih Hna I Ralhrang Bawipawl Nih An Tlaihhrem Hna! Mandalay ramṭhen Nyaung-U (ညောင်ဦးမြို့) peng ah kum 20 tlukhrawng nu minung 10 hna cu SAC ralhrang nih PDF thilchantu nan si tiah an puh hna i an tlaih hna hnu ah ralram ah an tlaihhrem hna tiah theih a si.

Tangkhawng January thlachung ah Nyaung-U pengchung ummi kum 20 tluk nu minung 10 hna cu SAC ralhrang lei dothlattu Sah-Sah-Sah (စစစ) le Sah Yeah Phah (စရဖ) phu hna fonh nih PDF thilchantu nan si tiin an puh hna hnu ah an tlaih hna. NGO ah rianṭuantu pa a U le minung 3 zong an i tel. A bik in nu mino deuh thim in an tlaih hna hnu ah ralhrang bawi hna nih an tlaihhrem hna tiah, tlaihkhih a tongmi hna le chungkhar hna nih Khit Thit Media ah an chim.

Ye Peng Ah Cycle He A Chuak Mi SAC Ralkap 5 Kah An Tong, An Dihlak In An Thi. Mon ramkulh, Ye peng hrambunh no.315 ralkap umnak hmun in cycle he a chuak mi ralkap 5 cu kahdoh an ton caah an 5 ning in an thi, meithal 3 kan lak tiah Ye pahkahphah YGF in tuahvo ngeitu Bu Kyan Yit nih a chim.

Nihin, January 20 zinglei ah SAC ralkap kahdohnak vedio cu Bu Kyan Yit nih a mah social media ah langhter . Cycle he a kalmi SAC ralkap 5 kan kah hna an dih lak in an thi, meithal 3 kan lak khawh tiah a chim. January 18 ni zong ah Tanphyuzayat peng Htinshu khua hrambunh palik sakhan cu luhhnawh in kahdoh an rak tong i, palik 3 an thi tiah YGF-Ye pahkahphah phu nih cathanh an chuah.

Yangon khuapi basic fim cawng liomi hna caah tuah piakmi lentecelhnak ah a kalmi, minung pa 4 SAC ralhrang nih an tlaih hna. SAC ralhrang Cozah spy network nih an langhter ning cun ralthuam ngeilomi minung pa 4 an tlaih mi hna hi„ bomb tarh ding in an i tim tiah ah puh in an tlaih hna. SAC ralhrang nih an tlaihmi hna minung pa 4 hi an tlaihnak hna a ruang fianter khawhnak an ngei lo tiah theih an si.

Yangon Khuapi Ah SAC Ralhrang Thal Bomb (Shock Bomb) In An Kah Hna, A Thimi Le Hliamtuarmi An Um! Yangon khuapi Hlaingthaya (လှိုင်သာယာ) ah ummi SAC ralhrang Mah Khah Yeah 532 Baṭṭalion cu khuapi chung a thli thup in a kaptu hna mipi hriamtlai phu nih tuzaan ahkhan thal Bomb (Shock Bomb) in an kah hna caah a thimi le hliamtuarmi an um pin ah mei zong a kaang tiah theih a si.

Tangkhawng[January] 19, tuzaan suimilam 8:23 tluk ah Hlaingthaya pengchung Bayinnaung (ဘုရင့်နောင်) hleidonh pawng ah hmunkhuarmi SAC ralhrang pawl cu thal Bomb in an kah hna i an umnak zawn ah a puak caah a rannak in moṭor pakhat a lut. Mei zong a kaang tiah tualchungmi hna le hriamtlai phu hna sin in theih a si.

“Voi 3 tiang a puak thawng kan theih. Cuhnu ah mizaw phurhnak moṭor thawng kan theih i a thimi zong an um in kan theih” tiah tualchungmi nih an chim. Sagaing ram chung ah SAC nih cunglei in mipi a thahmi hna ruang ah lehrulhnak kan tuah tiah mipi hriamtlai phu nih an chim. “Sagaing ram mipi hna he lungkhat te in kan dir ko. Cucaah lehrul kan cham” tiah hriamtlai phu pakhat nih a chim. Credit: The Chin Post, Lungmili Post

Be the first to comment

Leave a Reply

Your email address will not be published.


*