Min Aung Hlaing ralhrang ralbawi telh minung 4 an thah hna!

SAC Ralhrang Bawi Pahnih Telh In Ralhrang 4 Thah An Tong!
=====
Yangon ramṭhen chung i rallam sialtu SAC ralhrang bawi Bohmu Tan Ṭhun, ralhrang bawi Sergeant Myint Aung hna le an hnuzul 2 hna cu January 22 chun suimilam 1:45 tluk ah khahthah an tong tiah theih a si.

Yangon-Mandalay lampi mengtung 161 pawng ah tualchung hriamtlai phu UG bantuk in aa umtermi SAC ralhrang bawi pahnih hna le an hnuzul minung 2 hna cu TOYOTA VANGUARD moṭor nak mi in an kal lio ah Taungoo PDF Battalion 3501, 3, 6 hna fonh nih an tlaih hna hnu ah an kahthah hna i an hriamnam zong an lakchih hna tiah theih a si.

Mipi hriamtlai hna nih SAC ralhrang bawi pahnih le an hnuzul an tlaih hna hnu in an hnuzultu pa pahnih hna cu bia an halhna lio ah hriamnam chuh in tlikzaam an i timh ruang ah mipi hriamtlai hna nih an kahthah hna, tiah theih a si.

SAC Ralhrang Nih Katha Peng Alaygyun Khua Ah Inn Pakhat An Khangh I, Inn Kang A Hmittu Bantuk In An I Langhter! SAC ralhrang nih nizan khan Sagaing ram Myanmar in khawthlang lei ram, Katha peng Alaygyun khua ah inn pakhat an khangh i, meialh hi a hmittu bantuk in an in cawlcanghter.

Tualchung mi nih Chindwin an chimh ning cun, SAC ralhrang nih hin inn an khangh hnu ah an mah nih inn kang meialh hmih bantuk in an in umter tiah an chim. A sinain, ralhrang lei tang nih an hman mi, Telegram i spy network ah cun SAC ralhrang nih hin meialh hmih an timhnak kong an tial ruang ah fak an hlawh ngai i, tualchung PDF cu inn khang tuah an puh hna.

RCSS Chairman Nih Myanmar Khuapi Nay Pyi Taw Ah SAC Ralhrang Bawi Zik General Min Aung Hlaing A Tlawn Ṭhan Lai! Restoration Council Of Shan State (RCSS) chairman, general Yawd Serk le a nau le nih hmaizarh lei ah Nay Pyi Ṭaw ah SAC ralhrang Bawi zik General Min Aung Hlaing an hmuh lai tiah Shan news outlet pakhat nih a langhter.

General Yawd Serk, hi Nay Pyi Ṭaw ah ni 3 cam ding in kal a tim, hi nithum chung ah hin General Min Aung Hlaing he tulio thil cang mi le, an pahnih karlak ah remnak kong he pehtlaiin, chonh biaknak le hawikomhnak a va ngei lai. RCSS lei in kuzale pawl hna cu, Major Haung San, Lieutenant Colonel Um Khe, cun an member chung in major Nan Moe Moe Saw le major Nan San Phaung hna hi an i tal ve lai tiah, Shan language Tai Freedom news outlet, nih an langhter.

An tlawn ding mi nicaan hi chimfiannak um rih lo, hikong hi a hman tak siah cun, SAC ralhrang nih akan hremnak le phungning loin mipi sin ah an cawlcanghnak tihnung, A doh tu mipi vengtu ralkap pin ah, mipi Kawlramkap uknak duh lo mi minung million cu, RCSS miphun nih cil a kan chak bantuk si tiah Chindwin nih a chim.

SAC Ralhrang Nih, Aung Chan Aye Le A Nupi An Tlaih Hna! Facebook ah follower 223,000 renglo ngei mi, Mr Aung Chan Aye cu nizan khan tlaihkhihnak a tong. Aung Chan Aye nih hin cawn ningani ah khan facebook ah live thlah in, Chinese kumthar 2019 ah mipi nih Chinese thilthuam hruk in chinese kan si tiah a chim. Indian puai ah Indian thuam i hruk in india kan si nan ti, timi miphun dang thilthuam kong he pehtlaiin, bia a chim ruang ah SAC ralhrang nih an tlaih.

A facebook live i bia a chim lio hi kan hnu Chinese khumthar lai teah khan si, Yangon khuapi Chinese kumthar lawmhnak an hman lio ah an nupa hin Chinese thilthuam an i hruk veve, mah hi SAC ralhrang hruaitu General Min Aung Hlaing le a nupi upat tih zah lo si tiin, SAC ralhrang nih an puh hna i an tlaih colh hna.

Thailand Ah Myanmar Rammi Minung 13 An Tlaih Ṭhan Hna! Thailand ah phungning lo in a lutmi Myanmar rammi minung 13 hna cu January 22 zaan ah an tlaih hna tiah Thailand News nih a langhter.
Tlaihkhih a tongmi hna cu pa minung 6 le nu 7 hna an si i Thailand rammi moṭor mawngtu pa zong tlaihkhih a si ve tiah theih a si. Thailand ram ah rianṭuan ding in a lutmi Myanmar rammi hna nih puaisa (broker) sin ah minung pakhat ah Thailand paisa (Thai Baht) 25,000 in 30,000 an pek tiah theih a si.

Tlaihkhih a tongmi hna le Thailand rammi moṭor mawngtu pa cu phunghram ning in tazacui ding ah thonginn ah fimchung an si tiah, an langhter. A luanciami nithum lio zong ahkhan Thailand ram khualipi Bangkok khuapi chung moṭor lampi pawng ah Myanmar rammi pa minung 8 le nu 2 hna tlaihkhih an si cang tiah, an langhter chih. Credit: Lungmili Post

Be the first to comment

Leave a Reply

Your email address will not be published.


*