Min Aung Hliang Cu Mipi Ralkap Tampi Umnak Hmun Ah Khual A Tlawng Lai

Thaizing February 9 Ah Min Aung Hlaing Magwe Ah Tlawn Aa Tim!

Ralhrang nih an uk khawh ti lo mi Magway ramáš­hen i Magway khualipi cu February 9 ah ralhrang bawizik Min Aung Hlaing nih tlawn aa tim, tiah theih a si. February 9 zanlei suimilam 1:00 ah department kip riantuantu he tonnak ngeih aa tim, tiah Magwe cozah riantuantu hna sin in theih a si.Magwe, City Hall ah department kip hna riantuantu he February 9 chunhnu suimilam 1:00 ah tonnak a ngeih dih hnu ah Shwesetdaw ah lanh aa tim, tiah theih a si.

Magwe ramthen, Gangaw pengkulh chung ah a um mi Pauk peng le Myaing peng telh in, peng cheukhat cu PDF nih an uk cang hna i ralhrang nih hmun an ngei ti lo, tiah theih a si.

Thawngpang dang relchap: Kalay Kahdohnak Ah Ralhrang 17 An Thi; CNDF In Pakhat A Liam Ve!-Sagaing ramthen,

Kalay peng thlanglei um mi Yangyiaung khua in Kalay lei ah a kal mi ralhrang motor 8 cu mipi vengtu ralkap hna i bawm nih nihin February 7 ah minebomb puahhnawh in an doh hna i, ralhrang 9 hrawng an thi. Ralhrang nih hriamngan in an kah ve hna caah CNDF in pakhat a nunnak a liam, tiah PDF Kalay nih cathanh an chuah. Ralhrang motor pawl cu PDF-Kalay, CNDF, CDF-KKG,

RKDF le Pah-Kah-Khah hna i bawm nih minebomb in an puahhnawh hna i CNDF leiin ralkap pakhat a liam leng ah midang 5 nih hliamhma an pu, tiah theih a si.

Cu ralhrang motor pawl cu mine an puahhnawh hna hnu ah Kalay lei ah an kal than i mizapi vengtu ralkap nih zanlei suimilam 2:00 hrawng ah mine in voihnih a puahhnawh tham hna. Cu lawng siloin suimilam 5:00 hrawng ah voikhat mine an puahhnawh than hna i ralhrang motor pakhat a rawk, ralhrang 8 an thi. A taang mi motor pawl cu Kalay in meng 8 aa hlatnak khua ah a um mi Thaukkyain khua ah an riak, tiah PDF Kalay nih thawng an thanh. Credit: The Chin Post.

 

Be the first to comment

Leave a Reply

Your email address will not be published.


*