Mipi nih USD 25millions kan chuah khawh kan I zuam ve hna lai, CNF/A nih an chim bang an tuah khawh ve lo ahcun!
============
CNF/A nih 2023 cungah mipi nih USD 25millions hi nan kan chuah piak ve lai I kan chinland humhimnak caah ralkap thawng zong kan i ser khawh ve lai i, tu lio kan dohthlennak zong hi teinak lam kan in phak pi khawh hna lai ti an zumh caah, khrihfabu, khua, buu tibantuk kip cio ah tlawmhalnak ca an phawt zamh cuahmah cang hna!
Tutan ahhin tulio kan dohthlennak kongah zeibantuk lungput he dah dohthlennak ah kan rak I tel cio hna timi a hun fianter ngai lai. Kan khua, kan peng, kan Unau an i tel ruangah maw dohthlennak ahhin kan tan le kan cawlcangh ve maw pumpak in kan uar mi minung le phu an um ruang ahdah kan I tel ve timi le kan ram sersiam le kan ram thlen kan duh taktak ruang ahdah a si timi kan dirhmun le kan lungput zong a hun langhter ngai cio theo lai tiah ka zumh.
Mipi nih USD 25millions kan chuah khawh kan I zuam ve hna lai, CNF/A nih an chim bang an tuah khawh ve lo ahcun, anmah bak nih tuanvo an lak a herh ve hnga! usd 25 millions chuah hi mipi kan Rian a si ve lai I, sersiam le thawn cu anmah rian a si ve hnga.
CNA hi 2024 kum lai hrawng lawng ah ralkap thawng taktak a ser khawh lai. Hriamnam phanh hi a fawi lo i. 2025 ah cun AA nak in a thawng deuh lai. Mipi nih kan theih lo mi cu AA khi 20000 in 30000 tiang hrawng ralkap ngei kan ti nan, hriamnam an pek khawh taktak mi khi 2000 hrawng lawng an si.
CBCUSA hi Chin miphun huap in rian an tuan lo, Hakha le Thantlang ca lawngah rian an tuan an in ti hna? CBCUSA hi Chin miphun vialte I funtom dih hmasa hnuah dir usih ti cun zei ti hmanh in a si thiam ding le a kal kho ding a si lo caah, holh aa khatmi tu kan I funtom hmasa mi hi a si. Hakha le Thantlang ca lawngah rian kan tuan in kan cawlcang lo, kan si khawh chungin Chinmi zapi caah rian kan tuan ko tiah kan I ruah, duhsah tein kan chin Unau dang hna zong he kan I funtom thluamah ko lai kan zumh!
Mah aa funtom khomi I funtom hmasa timi policy hi a tulio kan Chinram ah hriamtlaih in Dohthlennak a tuah cuahmahmi hna zong nih kan kalpi khawh ahcun kan hma zong a kal cem lai tiah ka zumh! A dik bak chin mi kan I fum ton dih hnu ah bu kan ser lai ti cu Jesus a Tum tiang kan I fum Tom kho lai Lo, holh a khat mi Halkha, Thantlang hi kan i fum Tom ta hau.
Phu zong aa dang I, Budget zong aa dang komi, ral thiamnak le ral lei strategy zong aa dangmi, command and control zong aa dang bakmi hmunkhat ah kan I fonh lai I kan kalti ko lai tiah, CNF kan pale cheukhat nih nan chim lengmang mi hi zaaran cu kan khuaruah a har ngai cang.
Zoh te uh, Myone dang le Pengtlang dang cu hun chim lo, CNF he aa naihniam deuh tiah ruahmi hna Thantlang le Hakha hmanh hi hmunkhat ah kan kal ti ko ti sawhsawh men cun,zei cang khi a va kal tuk te lai lo I, nanmah tu kha kutdong in sawh chih nan i huah len te lai.
Pengtlang cio zong thawn CNF/A zong thawn timi hi bia dawhnak sawh in ka ruah, Phaisa a tho tu lei kan dirhmun zong ruah chih ngai a hau, CDF caah Phaisa thawh I CNA caah Phaisa thawh a duh lomi zong an karh chin. CNF/A a thawn ahcun CDF zong auto in an thawng lai titu khi raltha tein an aupi deuh ding ka ruah nain, a tu cu. Credit: Salai Tial Thawng
Leave a Reply