Mipi Ralkap An Mawh Maw Zei!

Mipi Ralkap An Mawh Maw Zei!
======
Micheu nih mah duhning hoih cio in si ter dingah soisel le chimhhrin rumro in an i la, Ralkap nih cun Zu ding hrimhrim hna hlah seh ti a si. Duty an hngah caan ah daithlang hna hlah seh ti a si. Nuamhsaihnak thil dangdang zong tuah a herh rih lo i tuah hna hlah seh ti a si.

An i kahdoh tikah hnulei pilawk a si lo ti a si. A phunphun in a langhlat in saya hei ttuan cio timi hi thil fawi parikkhok te khi a si.A taktak le a ngaingai tiah cun kan mipi ralkap hna hi, minung na si ve pinah mino tete an si caah zu an din hi an mawh maw? (Zei ral hmanh a um lonak inn le lo tang um mi nan fale hmanh heih Zu kan din cu!) hizawn ah Zu dinawk si ka ti lo nain an dirhmun zohthiam piak ding ka langhter duhnak a si.

Minung an si ve pinah taksa thinlung a baa taktak mi an si i an daithlan sual hi an mawh hme maw? (Zei tuah awk ngei loin nichiar ai chok ko mi hmanh nih kan tuah dingmi kan philh ttheo ko hme cu!) Minung an si ve bantukin nuamhnak a duh tuk ve mi mino an si caah a caan tete i nuamhsaihnak an tuah hi an mawh maw zei? (Na fanau le zeituah huaha lo mi hmanh nih hehchet tiah nuamhsaihnak kan hawl le kan kawl hi nan mitka hmaika ah na kan hmuh cio ko hme hi)

Minung an si ve pinah ttihnak a ngei ve mi an si caah kuan le zen ngeih mi nih hmaitonh in ikah dingah a zaat ve ti lo ahcun hnu an pil hi an mawh maw zei? (Ral lak kan um lo buah bomb puak sawhsawh thawng hmanh hme kan ttih le kan zaam cu!)

A phunphun in mipi ralkap cungah duh poh in aukhuanh hnawh hi khuaruah ikpak setmat ko ahcun tuah le chim awk a si lem lo. Mipi ralkap lei tu nih mipi sinin kan don mi hi uhttanhnak maw? Soisel thangchiatnak dah? ti tucu kan tuak chih ve i a kan uhttanh ahcun mipi zong an mawh lo caan a um ve ti kan i theihthiam a herh.

Tulio caan cu khat le khat i theihthiam caan, i dawt caan, i dirkamh caan, i sunhlawih caan, i ttanpi caan a si.
Kan mipi ralkap him hna sehlaw teinak thantar thlir zungzal hram seh. Vuanthok (CDMer)

Army Rum timi a umnak khi zohfel ahcun thil sining i fian khawh a si. Zu din hi a din bak in din hrim hrim din lo ding timi hi thil dik ah ka chia lo. A din zia thiam loin dir thlorh din kha ka sawh duh mi le tha ka pek mi a si lo.

Kan inn chung tang i kanmah fale Zu din hmanh cawnpiak khawh ttung lo ahcun ral le sa lak a um mi nih a caan te i an din mi khi soisel ding a si lo timi kha ka dirhmun a si. Opposite a lo ngai nain ka chim duh mi khi khat lei sining le dirhmun ruahthiam piak dingah ka chim duh mi si caah a zai tuk i soisel rumro ai la mi hna caah cun ruah awk thil a si ka hei ti ko.

Uhttanh mi hi kan cohlan khawh a biapi tuk. Cu nih cun hmailei ca thil ttha tampi a chuahpi. Asinain mawhchiat thlorh in mawhchiat hi ka dirpi bak lomi le thil ttha chuahpi tu ah ka chiah lo mi a si. Tu ka langhter duhmi hi Mawhchiat thlorh mawhchiat le soisel thlorh soisel khi a si.

Na chim mi hi a hman tuk. A langpar in saya tuan mi Kan tam tuk le. An mah vial cu duh poah in khua a sa mi an si hoi cu. Mah na tial mi hi rua phu taktak mi le Kan holh kan i sum taktak ding mi an si Ka ti ve.

Be the first to comment

Leave a Reply

Your email address will not be published.


*