Mipi ralkap hriamtlai phu cheukhat cawlcanghnak hi fih a nung tuk hringhran cang!

PDF-Tamu Ralkap Hna Riantuannak Kong He Pehtlaiin, Hlathlainak Kan Tuah Lio Tiah NUG Nih An Thanh!
======
PDF-Tamu Battalion 4 nih Tamu-Kalay Asia lampi ah dalan tiah an lunghrinhmi nu pakhat an tukvelh mi kong he pehtlai in hlathlainak kan tuah cuahmah tiah NUG in nuhrin covo lei vuanci U Aung Myo Min nih a Facebook ah a tarlangh tiah theih a si.

Vuanci U Aung Myo Min nih cun, “social media ah a langsar ngaimi Tamu ah a cangmi thil kong he pehtlaiin hlathlainak kan tuah cuahmah lio a si. Hi thil hi hlathlainak tuah sawsawhnak men in a dih dingmi thil a si lo, a herh ningin hmalaknak zong kan tuah lai. SAC ralkap kan doh hna tikah hin, zulhphung kan ngeihmi hi țha tein kan zulh a herh” tiah a langhter chih.

Nu pakhat an tukvelhnak video file cu a luancia June thla ah a chuakmi a si i, cu an thahmi nu cu, Tamu Phyusawhti hruaitu Panchi i a nau nu Daw Aye Ma Htun(24) a si i, (CDM) tuahmi pakhat zong a si tiah theih a si. Cu video file a zohtu hna nih cun hi cu PDF-Tamu ralkap hna tuahsernak a si ko tiah a cohlangmi zong an um.

AA le SAC Kahdaihnak A Tuah Tertu Hi Chinram Paletwa Asi,India nih CHINRAM PLW kong ah Rallokap le AA a tawn hna ti cu ningzak zong kan si! Mr. Kwatra, India Palai cu 20-23.11.2022 ah kawlram ah ara. Ni 2 a cam. MAH te cu Cozah ah India nih an cohlan hna caah MAH cu lawmhnak in a khat. Lawmhnak thlam ka lungchung ah a um tiah ZBC hla a sak. Mr. Kwatra nih Twitter ah SAC cu Kawlram cozah an si tiah a tial. Nuam ngai in le rumra ngeih ngai in an I thlak mi hmanthlak tampi a tar.

Kawlram Rallokap news ah cahmai le aphaw bak ah an hmang ve. Cucaah MAH nih India duhmi le hal mi tuah piak dih a duh. Kaladan Project thawk ṭhan a herh tiah Mr. Kwatra nih a ti. Kaladan Project cu Kyaukphyu in Gas lak nak, India le Paletwa pehtu hlei le lampi, Cu lam cun India – Thailand Sipuazi lamthluan asi.

India – Chin (PLW)-Rakhine- Thailand-ASEAN lampi thluan asi lai. Cu lampi thluan in, Tuluk kha India nih tei a duh. Sipuazi le Superpower ah Tuluk phan Asiloah Tuluk tei ti kha India Policy asi. Cucaah Nipidaw ah a ṭhu mi poah cu Kawlram cozah nan si tiah Mr. Kwatra nih a ti.

Kaladan Project thawk ding ah raldaih a herh. Paletwa Ralhrang cu AA le Rallokap an si. MAH nih Japan a hawipa Dr. Sa Sa (Nippon Foundation Hotu) aa rawi i AA cu an lem hna. AA nih YES / AMEN an ti. Rallokap cu AA nih Pungnaa Tikulh lam in a phihkarh dih hna, an nung buin thah a timh hna. Bangladesh lei cu SAC nih an phih ve.

Rakhine mipi eidin tirawl sii ai an har cang. Dr. Sa Sa Kawa nih tampi kan bawmh hna lai ati, Mr. Kwatra nih Rakhine ṭhanchonak caah India nih tampi kan in bawmh hna lai a ti ve. Cucaah AA nih THADUH AMEN a ti cu asi. Paletwa cu Suingun le lungvar ram asi ti kha tu lawng ah NUG le ICNCC upa nih hngalh hram an thawk ve.

Dr Lian Hmung Sakhong, Pu Isacc Khen le Dr Sa Sa nih Paletwa cu NUG nih kan laklai, a luat mi ram ah kan siam lai tiah an tlawk ciar ve cang. Kawlram a luat hmasat mi ram ah CHINRAM Paletwa siseh tiah an au ve cang. Dr Lian Nih ICNCC cu NCA tan lio ah Zatlang bu hnatlaknak le cohlan nak in rianṭuan awk ah NCF nih rak thawk mi asi cang tiah a ti chih.

AA le Rakhine mifim hna nih Paletwa an duh hi tuak ngai a herh. Rakhine in Facang ei cawk lo le gas hman cawk lo a chuak. Paletwa cu Israel ram bangin cinthlak nak in rum khawh asi. Rakhine gas cu Mei le seh (Machine) Thazang in hmang asi lai caah minung nih thlawhṭuan a herh ti lo. Vawlei kili kha Paletwa in Organic tirawl kuat asi lai caah rumnak asi.

Israel bangin thlairawl in rum khawh nak Paletwa Chinram asi. Natural Resources tampi aum. Timber le Non timer product in rum khawh asi. Pathian Kutzung thingram an tampi rih caah UNESCO duhmi world heritages tampi cu Chinram Paletwa ah an um. Tourism le Hotel in rumnak a chuah pi tu ding asi. Leichung Lei tang thil man sung tampi relcawk lo aum rih.

Vawleipi he directs in pehtlaih khawh nak cu CHINRAM ah Paletwa lawng a um. USD tampi hmuhnak Paletwa asi. Big Big Money ram PLW asi. Cucaah AA nih an duh tuk hrinhran. Umnak kan ngeih lo tiah an silhnalh i PLW ah a um mi AA an si. CHINRAM rumnak phawrh tu ding hi Paletwa le KALAY KABAW GANGAW asi. Cucu kan khumzual lo ah zeidah kan khumzual ti lai. CNF nih Paletwa ah camp Victoria nan rak tuah awk asi.

Camp Victoria hi Paletwa tu ah ṭhial ding asi. Nan ṭhial duh lo ahcun, 2nd HQ tu chiah ding asi. AA an um ti lonak hnga le PLW kan sungh lo nak hnga. India nih CHINRAM PLW kong ah Rallokap le AA a tawn hna ti cu ningzak zong kan si. Zeidah vawleipi level in CHIN Politicians kan um ko tiah kan ti hnawhchan nak?? Sullam a ngeih lo.

Kan ram le kan miphun kong cu kanmah tein Khuakhan Lairel ding ti asi lo maw? Paletwa Kong cu maw India Kalapa, Kawl sachiat Rallokap le CHIN Satan AA nih Lai an rel lai I khuakhan Lairelnak cu an tuah kun lai, CHINRAM Paletwa Theipar cu maw, Rakhine pa, Kawl pa le Rallokap, India Kalapa (Kawlvaipa) nih khim tein an ei kun lai?? Mah le mah hri awk phu hmanh asimi CHINMI kan si ko lo maw/ zaseh thin linh tuk Palia, Lainawng a fawi te caah, ……. Crd-Joseph R. Thang

Sagaing ramthen, Yinmabin peng Salinkyi pengkulh chaklei um khua hna ah Min Aung Hlaing kuttang tuan Inn ngei ve lo ralhrang rual nih mipi inn (300) dengmang mei in an khangh i, kum (80) leng a si mi Nutar pahnih an nunnak a liam chih tiah theih a si. SAC le an kuttang tuan pyusawhtee phu hna nih Salinkyi peng chaklei um khua (4) cu luhhnawh in mei in an khangh hi a si tiah kan theih.

Meikhangh nak ruang ah Thanzin khua inn (24)/ Sathung khua thar inn(200) nak tam / Letpankyun khua inn (32) /Tawchawng khua inn(32) a dih lak fonh inn (300) dengmang a ciam tiah theih a si. Cupin ah Sathung khua inn khangh nak ruang ah kum (80) leng a si mi Nutar pahnih zaam kho lo in mei nih a kangh chih hna tiah theih chih a si.

SAC ralhrang hna nih hin hi meikhangh nak hi november 30 ni in december -1 ni tiang ah khuakip cul in an tuah mi a si tiah kan theih.
Salinkyi peng tualchung mi pakhat nih cun “SAC ralhrang hna cu inn a ngei ve lo mi an si i,an chanchung batalion chung ah um in an chuahhnu zong ah fuhding inn ngei ve lo mi an si caah inn pakhat a sunlawining an theithiam ve lo cuh, cu caah zawnruah awk zong an thei lo.

khuachung i inn pakhat sak khawhnak ah zeitluk in dah a har, khuachung an rak lut ti theih zawn ah zaam nak ka i tinh lo, kanzaam lo ah cun bia an kanhalnak le an kan hremnak ah kan thi dih lai” tiah a chim. Tu dirhmun ah ralhrang rual nih khuate hna cu chuah tak in Salinkyi khuapi chung ah an kir cang hna tiah theih chihsi.

Be the first to comment

Leave a Reply

Your email address will not be published.


*