Misual; Hngakchia minung 19 nunnak le sayamah pahnih a thahtu pa!

Misual; Hngakchia minung 19 nunnak le sayamah pahnih a thahtu pa!
=======
USA, Texas State chung San Antanio City nitlak lei Uvalde khua i Robb Elementary School ” Bienvenidos” ah tuchun Suimilam 11:30 Am hrawnghrang ah khan Arab-American Salvador Ramos(18) High School kai lio pa nih Auto-Rifles meithal pahnih hmangin Sianghngakchia te te cu a kah thluahmah hna i Sianghngakchia -19 pinah Saya/Sayamah -2 a hmunah an thi i, hngakchia zeimawzet cu Si-Inn ah hliam tuar in an chiah hna.

Misual Lainawng Ramos cu Palik maw, mizeimaw nih thi lakin an kah ve. Texas Governor Greg Abbott le President Biden nih ngaihchiatnak tuarmi chungkhar le America Mipi sinah an tuarhpi nak an chim. Hi kong hi FBI nih thil sining an hlathlai lio asi. Ngaihchia tuk asi..thlacamnak in bom cio hna usih.

Khuaruah ah lungthin nih a celh lo! Nizaan Texas State i Tangcheu Sianginn (Robb Elementary School) ah meithal kahnak a chuak i hngakchia minung 19 nunnak le sayamah pahnih nunnak a liam. Hngakchia Meithal kaptu Salvador Ramos hi zeiruangah hngakchia a kah hna ti theih a si lo. Amah cu Police nih thi lak in an kah ve. Sianginn lei hngakchia kah ding a kal lai ahhin a pi zong meithal in a kah ta ti a si.

Fimnak a cawng cuahmahmi hngakchia nunnak 19 liam cu thinlung nih a celh lo, nulepa nih dawtmi fale lawngte an si, zing le zaanlei donthlahmi an si, hmailei ah ram le miphun nih bochan dingmi an si. Nulepa an mitthli tla le an tah lio zoh ah lungthin celh a si lo. Sianginn lei in na fa meithal in an kah tiah an chimh hna ah an I zumh kho lo, ka fale ka hmuhnak dingah thlacam rak kan bawm uh tiah nulpa nih ca an post. An lungthin nih a ruah bal lomi thil ton cu tuar a hartuk lai.

Zingka na thlahmi na fanu le na fapa nih tubantukin sianginn ah meithal kah tong ve hna sehlaw, zeitin na um ve hnga?, A faktuk lai, a tuar zia hartuk lai. Nizaan meithal kah a tongmi hna chungkhar le nulpa a dirhmun vun i dirter chun tuah, celh ding a si lo.

Nihin kan nun ah Bawipa nih cawnpiak a kan duhmi cu kan fale caah zing zan thlacamnak ngeihpiak peng ding hi a si. Kan fanu le Fapa hna zong zingzan thlacamnak ngeihpiak zungzal hna usih. Minung nunnak a himter khotu taktak cu Pathian lawnglawng a si.

Salm 91:11”Na kalnak kip i nangmah zohkhenhtu dingah Pathian nih a vancungmi kha a chiah hna lai. Matthai 18:10“Hi ngakchia tete hi pakhat hmanh zawmhtaih hna hlah u. Annih a vengtu hna an vancungmi kha vancung khua ah ka Pa hmaika ah an um zungzal ko. Atanglei hmanthlak hi an nulepa an tah lio le an fale nunnak a liammi hna hmanthlak a si.

Zei sualnak ngei lo ngakchia hna nun, Misual kut in chikkhat te ah ziam ai hna mu! Ruahchannak tampi he, Nu le pa nih dawttuk mi le Saduhthah thatha ngeihpiak mi. Zei sualnak ngei lo ngakchia hna nun, Misual kut in chikkhat te ah ziam ai hna mu! Kan vawlei nun hi a him hrim lo ee. Zingka ahcun chung tling tein anmah le rian cio ah, i hnawh nam ngai in thil an i serh, an i thlah an i dong cio len hna lai.

Dawtu nu nih fadawt cu a mah rian tlai lai phan pah in zanlei kan don than te lai tiah, rang ngai in fadawt biangno hnam in zanlei kan i tong than ko sawk lai tiah daithlang nawn in fadawt he aa then i; Kan nu/pa fa a tu kan i hnamh hi kan chan chung a dongnak a si cang lai ti hngal lo in aa thenmi nupa farual an tam tuk theu lai.

Nu le pa hna nih tuzing an thlahmi fadawt le tete hmailei ca saduhthah phunphun he dawtnak ruangah pum a ba nain, thinlung hninghno ngai le teirial in rian an tuan cuahmah lio ah ka fadawt caah tiin ka siaherhmi ka fa hi zanlei cu kan chungkhar in aa then lan cang lai ti ruah awk a hngal lo mi nu le pa an tam len lai mu!

Rian tuan thabat pah in inn hung tin caan i, fahniang auaw nih nikhat retheih vialte mithnawm cawih bang a hlo dih tawntu fadawt aw thei ti lo in, nihin in cun ka fadawt inn a phan ti lai lo ti thei ko buin fadawt tin lai a hngakmi nu le an tam pi lai mu!

Nun hi duh a tling hrim lo ee. Thaizing hi ruah ngam a si hrimhrim lo. Vawlei nih cun a kan deuh zungzal ko. Bawipa dah lo ah zeiko hi hen kan nun himnak caah kan i hngat ngam lai! Vawlei hi hngatchan ngam ding asi hrim lo ee! Phungtlukbia 27:1

Nun hi kan mah ta ah ruat in kan i porhlaw theu tawn. Chungkhar tling tein can kan hman ti khawh hna hi thluachuah asi philh in kan duh tlin lo nak ruangah chungkhar nuam lo in kan um theu tawn. Kan nun hi tuzan a dong kho ti philh riangmang in, vawlei kongah aipuang in kan can sung kan liamter can a tlawm lo!

Kan i hmuhton khawh rih hi a sunglawi ko. Kan nun lio ah lungtling tein i dawt le thiltha tuah i Bawipa sunparnak a pe mi nun ngeih hi, Nun sullam asi ko. Kan van nun caah timhcia tein khuasa ko usih.

Kum 18 tlangval note pakhat nih meithal he Texas, US sianginn pakhat a kal hnawh hna i a kah hna. Sianghngakchia 14 an thi i saya pakhat a thi. Hliam tuar a tam. A pitar a kah hnuah sianginn hngakchia a va kah hna ti si. An kah i a thi ve. Zeitluk in dah an nulepa lung a rawh hnga ka ti i ka tuar pi tuk hna. Nuam tein an fale don lai an i ngaih tukmi cu an ruak tu a va lak ko hna. A poi kho tuk.

US ah meithal duh poah in cawknak nawl upadi a siam biktu/ a dirpi pengtu Republican lei pawl hi, zeitik ah khin dek, an lung a va fim khawh te hnga.

Mi sawhsawh kut ah, meithal duh poah in, cawk a ngah/ a um chung poah cu, meithal kahnak/thahnawnnak cu a tam chin lengmang ko lai. Nihin kan umnak ramkulh (Texas) sianginn pakhat ah hngakchia tete minung 18 bak meithal in thah an tong. Ngaihchia tuk hringhran asi.

Be the first to comment

Leave a Reply

Your email address will not be published.


*