Mube Khuapi Pawng Ni (6) Chung Kahdohnak Ah

Mube Khuapi Pawng Ni (6) Chung Kahdohnak Ah SAC Ralhrang Ralkap (61) An Thi, Tank (2) Telh In Motor (3) An Rawk!

Shan-Karenni ramri Mube khuapi pawngah Febuary 16 thawkin kahdohnak a tuahtu SAC ralhrang ralkap le Karenni fonhmi phu karlak, ni (6) chung kahdohnak ah SAC ralhrang leikap ah (61) an thih pinah tank (2) telh in motor (3) an rawk dih tiah KNDF nih nihin ah cathanh an chuah.

Febuary 16 thawkin SAC ralhrang ralkap nih Mube khuapi chungah umnak sakhan tuah hratin Mube khuapi le pawngkam Lue Yin Min Kala le Haih Kui Se ralkap phu, Mube khuapi ralkap phu, Loikaw Phaya Phyu ralkap phu tiin hmun (3) bakin kahdohnak an tuah i, cu kahdohnak ahcun SAC ralhrang nih tank telh in vanlawng le lamhlat kahnak hna an hmang i, vanlawng in vawi (21) bak an kan kah tiah KNDF nih an langhter.

Mube ah a ummi au (9.), Loikaw ah a ummi ခလရ (၂၅၀) ခလရလ (၂၆၁), Demosu peng chungah a ummi au (919) hna nih lamhlat kahnak ah hmanmi 120 e, 80 e hna hmangin ni khat ah vawi (100) tluk an kan kah i, a dihlak ah vawi (500) lengkai cu kahdohnak hmunah an kah caah KNDF chungtel (5), an hawile phu dangdang telh in mipi (10) nak tam nunnak a liam tiah theih a si.

Kahdohnak ahcun SAC ralhrang ralkap i hriamnam cheukhat kan chuh khawh tiah KNDF nih an chim.

Mube khuapi le Wa Yi Su Palaing kahdohnak ah SAC ralhrang nih Wa Yi Su Palaing khua le Wei Te Gu khua chungah a ummi inn lo tampi cu an hrawh pinah Wa Yi Su Palaing khuami hna cu tlaih hratin i khamnak ah an hman tiah KNDF nih cathanh an chuah.

Credit: The Federal Times

Be the first to comment

Leave a Reply

Your email address will not be published.


*