Na ciamh ni cu na hrin Semmawng rual nih mithi ttah in kan ttah e!

Na ciamh ni cu na hrin SEMMAWNG rual nih mithi ttah in kan ttah e!
========
TBC aw, 1. Kai theih ka te in Sunday school kum tampi ka kainak, 2. Sunday teacher kum zeimawzat ka ttuanak, 3. Church school Asst. secretary kum 2 ka ttuannak, 4. Church school director fulltime in kum 2 ka ttuannak, 5. Mino upa le Mino hruaitu caan saupi ka ttuanak.

6. Aw tthat lo bu le solfa thiam huaha lo buin kum zeimawzat choir ka cawnnak le ka saknak, 7. A man in tuak khawh lomi Thlarau hnukthlum ka din hmasanak, 8. Taksa, thinlung le Thlarau in mino tam taktak a kan cawntu le kan tthannak, 9. Mikip nih kan thilrit kan tthumhnak le lunglomhnak kan ni hrawmnak.

10. Hi vawlei ah Pathian pennak a kauh khawh nakding caah chimrelnak, khuakhan ttinak le thlacam ttinak, 11. Khua le ram le miphun kong ah hruaitu hna nih Pathian duhnak kawl bu te in khuakhan lairel ttinak, 12. A ttial in ttial cawk lomi hlawtnak le tthathnemnak viallte mikip nih kan hmuhnak TBC.

Tutan ahhin mit in hmuh khawhmi cun ciam ko hmanh law zeihmanh nih a hrawh khawh lomi kan thinlung ah cun na ciam kho lai lo. Ni nikhat ahcun atu nak ttha le dawh le rem deuh in kan nin sak tthan khawh nakhnga Dingthlu le Lairel Pathian nih caan ttha kan pe hram ko seh.

Tei Hlan Lo Doh Ding; “Kawl Ralhrang Uknak” kan doh hi cu kan i palh hrimhrim lo, kan dohning (Strategy) tu hi cu kan i palhnak aum len ko ti cu el awk aum lo. Ralhrang uknak doh (War on Evils) cu atuantuk doh le atlaituk hnu doh timi aum lo, tei hlan lo doh timi lam pakhat lawng aum mi asi.

Tilian atan lio mi nih ti lai ah va dir dingin ti tan phung asi lo, chuak lak in va tan lawlaw lo ahcun tan lo lawlaw ding asi. Lihnin le meitlang puak harnak (Natural Disasters) nih ram an hrawk bal lo, minung sermi harnak (Men-made Disasters) nih ram le miphun an hrawk.

Vulei cung ah Kawlram hi sifak bik ram kan sinak aruang cu lihnin le meitlang ruang ah asi lo, ralhrang uknak ruang ah asi. Cu ralhrang uknak doh cu adikmi ralthawhnak (A War Justified) asi. Tei Hlan Lo Doh Ding!

TBC Biakinn Saknak Tuanbia Tawi. 1910 ah, Thantlang ah zumtu an rak um cang. Biakinn an ngeih lo caah inn khat hnu inn khat ah an ipum. Chungkhar tling in zumtu a silo mi nih an rak sianh hna lo. Kum 7 a rauh hnu, 1917 ah Saihrem tualbawk in Biakinn hmasabik cu an rak sak. Hi lio ahhin Laitlang pumpi civui zong an rak tuah i khual 360 an rak si. Tio ral lei in Thingsai khuami zong tam ngai an rak tlung.

Zumtu an hun karh deuh i inn 20 tluk an si cang. Cucaah 1930 ah, khua lai deuh ah Biakinn cu an thial i tualbawk thiamthiam in an sak. Cucu a voihnihnak a si. Zumtu an tam deuh ngai pinah an hruaitu Pu Tei Dun hi thingah thiammi a si caah cuka hmun thiamthiam ah cun, 1942 ah pe 30×15 in, thingah inn in an rak sak. Cucu voithumnak a si. A voi 4nk an sak ah cun, Rev. Hai Mang Pastor ah an lak cang. Khualu hauka pawngah thingah inn in pe 30×20, ngaidi cih in, 1956 ah an rak sak than.

1963 ah Biakinn cu Khua Thar ah an thial i atu Biakinn hmun ahhin pe 50×30, canphio cih in an rak sak. Minung an i tlum tilo pinah a thin pah cang caah 1976 Pur 27, CC meeting ah, ‘Biakinn cu pe 200×50 in, Tlakrawh inn in sak siseh’ tiah bia an chah.

1977 ah an thawk colh. 1981 Hniang 7 ah Rev. Hai Mang le Pu Chum Hnin nih innkil lung an chiah. Khrihfabu thawhmi Ks. 16,439 nih a zatlo caah pumpak nih a hlei in an thawh pinah HBC le TABC ram chung zong nih an rak bawmh hna i MBC le MCC nih tangka an rak coih hna. 1985 Vaupi 14 ah ZBC GS Rev. Pau Khan En thlacamnak le MBC GS Rev. Zau Zaw innka hunnak in Pathian sin pekchanhnak an rak tuah. Biakinn saknak ah Ks. 246,929 an rak dih.

Thantlang cu khuapi a si bantuk in minung an karh chin lengmang caah chungtel zong an karh chin ve. Biakinn nih a tlum than ti hna lo caah pe 25 dot hnih in a hnulei ah peh than a si. Cucaah pe 125×50 a si cang. (TBC Tuanbia Cauk chungah lakmi a si). Cucu 2022 Pur 9, zanlei Sml. 4:30 hrawngah ralhrang nih an khangh. 2020 lio ah khan inn 627, chungtel 2,953 kan si.

Kan Thantlang khuapi le TBC Biakinn pi,nan ngaihchia hrim hlah seh. USA ram I, Chicago khuapi pi zong a rak ciam bal I, dawh taktak in an sak than ve ko,a tu ahcun vulei Cung khuapi minthang ah aa chuah cang.

USA ramhun thutnak (President innpi) zong a rak ciam bal ve ko,nihin ahcun vulei cungah minthang le huham ngei bikmi innhrang pi ah tharchuah than a si ve ko. Khuapi minthang le huham ngeimi khua ah Sak than le tharchuah than can na phan hrim te ko lai mu!

Thlanglei sang um caah Chaklei sang TBC Biakinn i vai i pumh hi a chel caan te taktak lawng ah a si. TBC I ka rak i pumh tawn ah ka mit a rak hlangbik tawntu TBC rumra a rak ngeihter cem tu hna hi pulpit cung i Jesuh vailamtahnak hmanthlak le Vawleipi cung i a dirnak Pu Hram Tlai suaimi (an ti ko rua) kha an rak si.

Tutan Thantlang Biakinn a hun kangh ah kha zuk pipi kha ka hun ruat ngai hna. Laimi nih suaimi zuk lakah cun huham a ngei bik an si lai tiah ka ruah zungzal. Laimi caah ro chiahta bantuk in zuksuai tu nih khan an rak i ruah ve lai dah.

Biakinn cu sak tthan caan a um te lai. Nain kha zuk sunglawi ro hna kha cu an ciam thai lai. Thantlang nih kan sunhsak mi thil le ri ro le rah duhsah tete in a kan khangh. Tutan kan ral thawh hi a hrulh sual lai ruah ah ui an um tuk hringhran. Tuan ah daihnak Kan ram ah um Hram seh.

Thantlang Baptist Church(TBC) Biakinn A Kaang! Chin ramkulh, Thantlang Baptist Church(TBC) Biakinn cu nihin June 9 zanlei sml 4:30 hrawng ah a kaang, tiah theih a si. Thantlang upa pakhat nih cun, “Tuzanlei sml 4:30 hrawng ah kan Biakinn pi cu a kaang, Vuichip tlang lei zong in hmuh khawh a si. Inn dang a kaangmi um le um lo tu cu kan hngal kho rih lo,” tiah The Chin Post ah a chim.

“TBC cu Thantlang biakinn vialte lakah a hlun bikmi Biakinn a si i, 1965 hrawng Thantlang khua rak i ṭhial lio ah Rev. Hei Mang nih a rak kan hruai i, TBC hmun hi a ṭha bik, a rem bik a rak ti caah hi hmun hi kan rak thim,” tiah a chimchap.

TBC chungtel pakhat nih, “Tuan piin a kaang te lai tiah kan ruahcia mi a si ko. Asinain kan Biakinn pi a vun kangh taktak tikah cun kan ngaih a chia tuk hringhran. Biakinn hlun bik le pupa ro bantuk in kan ruahmi a si caah kan ngaih a chia khun,” tiah The Chin Post ah a chim.

TBC cu milu 3000 leng le chungkhar 600 hrawng an i pumhnak Biakinn a si. Thantlang khuachung ah TBC Quarter 6 telh in Biakinn 10 a kaang cang. Ziah hi luklak pawl hi ti tu tiang . thantlang hi kan khangh ter hna ruah awk um ngai.nunnak thap mi kan si si vekvek si cun chun hlan ah hloh viar an si ko tung.

Maw Bawipa nangmah na sak mi biakinn taktak cu an hrawh kho hlei lo mikip thinlung chungah a dir peng ko.
Bawipa na caah a har mi thil um lo na kut thawnnak le rumnak langhter in hi nak tha deuh le dawh deuh in kan sak piak than ko kan mit thli kan hnawt piak than ko mu Bawipa.

Thantlang Baptist Church, 2021 October 29 ni ah TBC Office le Quarters. 2021 December 17 Ni ah Christian Community Hall, Evangelist umnak inn, Innhngak umnak inn le coka, Thlacam nak inn, 2021 December 30 ni ah Jubilee Memorial Hall, TBC meeting room le guest house le quarters, Mucu 2022 June 9 ah TBC Bianinn pi hna cu Ralhrang kut in an ciam ee. Bawipa kan philh sawh hlah.

Thantlang Mizapi Uknak, Fimcawnnak Zung Nih Ngaihchiatnak Cathanh An Chuah! Hramhram uknak a doh i, Thantlang mizapi uknak nih tuahmi fimcawnnak ah cachimh rianṭuantu, Vounteer Salai Bawi Ṭha Peng cu 2022 June 8 ah a nunnak liam.

Tantakmi chungkhar an ngaihchiatnak kan hrawmpi hna. Uknak ṭha lo a dongh tiang, a taangmi na hawile nih kan rak doh lai. Kan upatmi pasal ṭha Salai Bawi Ṭha Peng, nang cu Pa Pathian ṭangnem ah i din cang law, tiah Thantlang mizapi uknak, fimcawnnak zung nih ngaihchiatnak cathanh an chuah.

Be the first to comment

Leave a Reply

Your email address will not be published.


*