Nan nu he maw, na nungak he maw, pakhat le pakhat i pehtlaihnak a tthawn chin lengmang!

Nu nih a pasal sin in ai ruahchan mi phun 7!
=======
Nan nu he maw, na nungak he maw, pakhat le pakhat i pehtlaihnak a tthawn chin lengmang nakhnga nu nih pa sin in an i ruahchan mi phun 7 te hi rak rel ve.

Nu cu a nemtuk mi laphang bantuk an si bantuk in naute bang zokhenh thiam hi a biapi hringhran, zeicahtiah Pa cu a lungtthawng deuh mi a si. A u nih a nau a dawt hmasa awk a si an ti bang, pa nih nu hi dawthmasa awk an si.Si ahcun a tang ah hin nu pawl nih pa he pehtlaihnak an ngeih tikah pa sin in hmuh ve an duh mi tampi lak ah duh a nung bik mi phun 7 hi rak rel ve.

1. Hmaizah, Upat; A hopoh nih upat mi si cu kan duh dih ko, asinain upat tlak in kan um ve tawn lo. Asinain na kawp he nan i pehtlaihnak ah cun na upat ve hrimhrim a herh ko. Zeicahtiah a mahhe lungrual in pei chungkhar nan dirh tti, a mah he pei nun pakhat nan i hrawm tti kha. Na nun ah a rak i fonh cang mi a si bantuk in na upat ve hrimhrim awk a si. (Dirhmun tampi ai bang lo mi a um, cu lak ah a awmang mi a um ve).

2. Cohlan; Na chungkhar ah pacem na si i chungkhar lu cem zong na si. Asinain na chungkhar, na nupi, fale asiloah na kawp (nungak) nih ttemh chom i ai dawh mi duhdawtnak siloin zeitik caan poh ai dawh mi duhdawtnak in hong kan daw seh ti an in duh. Rawl an duh bantuk in rak kan daw sehlaw zeitluk tam in dah kan rak ei khawh ve lai ti hi an in duh. Cu ti si loin bia na ceih tuk hna or na sik tuk hna asiloah an thil tuahmi ah na cohlan lo caan a tam ah cun..nan i pehtlaihnak a fek kho lai lo. cu caah na kawp kha a um dan, a tuah mi ah na cohlan khawh ve a hau.

3. Romantic; Nu pawl nih hin romantic thil tuah pi hi an duh bik mi pakhat cu a si ko. Na nungak hrimhrim cu romantic deuh thil pakhat khat tuahpi khawh i zuam. Mah hi hi nungak thar helhnak zong ah a ttha taktak mi a si.Na kawp nih khan ka sinah um a duh, len le vah a duh timi kha theih peng sehlaw mah cucu romantic taktak pakhat ah ser khawh nak lam pakhat cu a si. na duh taktak ah cun na ser khawh ko lai, asinain na hnawl pah cang ah cun a pawng um zong na huam theng ti lai lo, cutikah nu lungthin a nuam kho bal lo.

4. Lungthinpek ; A biachim mi ah maw, thil pakhat khat a tuah tikah lungthinpek in ngaih piak maw, zohkhenh cu na nungak nih na sin ah a duh cem mi a si. Mi dang nan um lio caan zong ah a bia ngaih piak (Tch, midang nih bia an rak chim ve lai, cu tikah a bia chim na theifiang lo asinain mi bia lailak ah zeitin ee dawt tiin na hal ah a ttha khun)Cu si loin mibia chim mi na ngaih peng ah cun a um har lai, ai nuam kho lai lo. Call, cun text message kua ringring. Cun a mah kong na ruahnak or a zawn an ruah nak kong kha chim lengmang.

5. Ai rual tein ttuantti (bawmh); Inn khat i nan um tikah innchung thianhhlimh maw, thil pakhatkhat tuah herh mi um tikah amah lawng rinh loin na bawmh ve ah na nupi or ngaknu cu ai nuam taktak. A taktak ah cun lungrual tein inn pakhat nan dirh tti tikah innchung tang rian ah na bawmh pah ve hrim awk a si. Ai phu zo ve tawn lo, cu tikah a ingpuang kho ve, a ingpuan lo nak ding ah na rak bawmh ve zong thilttha tak tuah na si.

6. Lungduhnak ding tuahpiak; Zingzaan nih a tam, caan nih ai her lengmang, na kawp na dawt zia langhter nak caan ttha hmuh zong a har cang. Cutikah lungduhnak ding thil pakhat khat kha a ruang um lo zong ah tuah piak ah attha. Tch. laksawng hme te pek tbk. Nan i sii in nan thinhannak zong a um theng lai lo, asinain a dul tuk mi nan i pehtlaihnak kha tharter lengmang nak ding ah thil pakhat khat tuah ah a ttha. Cu lungduhnak ding pakhatkhat tuah tikah a miak cu lunglawmhnak lawnglawng kha a si ko.

7. Sex; Sii nu nih hin sex tuah hi an duh. Hi ti ka chimnak chan cu a caan ah cun pa nakin nu nih sex tuah an duh deuh tiah thiamsang hna nih an chim ruang ah a si. Ningzah ding um lo. Sex tuah ding na thathu hlah seh, tinelnul zong in um hlah. Active tak in um i zuam. Sex nih hin nupa karlah tawhfung a tlaih caah ttha tein kil ven a hau, na thlau ah cun nan lut kho ti lai lo.
f: NDTV

Nau a pawi mi nu nih Mobile Phone a tongh tik ah a fa ca ah a ttha lo timi kong hlathlainak tuah mi! Research an tuah thar mi nih nau pawi mi nu nih MobilePhone a tongh tikah a fa ca ah a ttha lo ti mi cu a dik lo kho men tiah a ti. Hlan deuh ah hlathlainak an tuah i an rak hmuhchuah mi cu Nau a pawi mi nu nih MobilePhone a tonghtham tikah a paw chung ah a um mi a fa ca ah holh thiam harnak le thildang dang thiam ai harh deuh tiah an rak ti.

Asinain hlathlainak thar nih cun mah hi cu a dik lo mi a si tiah a chim ve. Mobile Phone chung in a chuak mi Radio dat hi naute caah a ttha lo ti mi hlathlainak an tuah lio ah khan hnuhma ai peh lo mi result in an chim phuan mi a si tiah an langhter.

Zei a si hmanh ah hlathlainak thar kan tuah mi ah hin cun phone hman ruangah naute ca ah a tthat lo nak an ti mi pawl naute ca ah holh, chawnhbiaknak lei, le a dang thilthiamnak lei ah hnahnawhnak a pek timi cu kan hmu lo ee tiah hlathlainak a tuah tu Eleni Papadopoulou, Norway ram Norwegian Institute of Public Health in a ra mi nih a chim.

Hmaisa hlathlainak nih khan cun nau a pawi lio ah phone a hman tik ah a naute kum thum hrawng a si tik ah khin a tthatlonak a lang an rak ti tiah a chim rih. Hmaisa hlatlainak ah khan cun naupawi lio ah phone a hmang mi nu le a hmang lo mi nu i an fa le kum thum an si tiang ah zei tluk in dah an i dan timi an hlat tik ah 31% tluk hi holh thiam ai harh mi an si, cun 27 % tluk hi ralchia deuh, an ruahnak a puitling har deuh ti hi an hmuh mi a si. Hi hna pawl hi phone a hmang mi nu nih a hrin mi fa le cung ah a tlung mi a si.

Asinain hlathlainak thar ah cun kum thum an si tik ah a zei dah a ttha deuh ti mi hlatnak an tuah i phone a hmang mi nu fa hi 18% tluk niam in phone a hmang lo mi nu nih a hrinmi nakin thilthiam ai harh deuh tiah an hmuh tthan. Hi hlathlainak hi naupawi lio minung 45,389 hmang in tuah mi a si i, an fa le kum thum in kum nga an si tiang bak hlathlainak an tuah. Credit: Suimilam Media

Be the first to comment

Leave a Reply

Your email address will not be published.


*