Nan Unau Asi Mi Bangladesh Um Pawl An Kan Thah Dih Cang Lai Hih!

Nan Unau Asi Mi Bangladesh Um Pawl An Kan Thah Dih Cang Lai Hih!
========
Chin miphun/Zo hnahthlak mipi (Kuki-Chin, Mizo, Nagaland, Manipur) ah a um mi hna nihin ah hin nan unau a si mi, Bangladesh-ah a um mi hna hi chanhchuah hau in kan um lio a si. A tu ah hin Bangladesh cozah nih kanmah pawl hi that dih dingin in Arakan Army a fial hna tiah theih a si.

Atu ah hin Bangladesh- i Chaikhyang khua Kuki-Chin Zo community- minung a si mi minung panga hna cu Arakan Army/ralkap hna nih an tlaih hna i, kan cung ah harsatnak tampi an chuahter mi cu a lang thluahmah cang caah nanmah chanhchuah hi kan herh hringhran ko.

A hlei te in, Kuki-Chin National Front – KNF le Bangladesh- i Kuki-Chin hna aiawh in “Kachin Independent Army” hna hi kan kawh auh piak kho hna ulaw kan duh chin kohngai. Nan unau hna hrawh dih dingin Arakan-hna hi thazaang na peek lai maw? Nihin ni ah hin Khrihfa kan si caah biaknak dang a bia mi hna nih kan miphun an kan nehsawh pinah Khrihfa biaknak a bia mi kan si caah hin an kan nehsawhnak kha an zualhma khunnak a si.

Kachin Independent Army officer senior hna sin le vawleicung hmunkip ah a um mi, Kuki-chin_Zofa dihlak nih i pumkhat in kan unau vansangau in a um mi hna a lamkip in chanhchuak dingin kan nawl duh mi hna a si. Kan thi dih cang lai hih. Kuki-Chin National Front – KNF

Ralhraang Nih Laimi 2 Minthatnak An Pek Hna! Central Lairam, Lawngtlai, 2022 Sikpar 17: Nawlngeihnak lak timtu ralhraang hna i an lubik Min Aung Hlaing nih Lai miphun U Mawng Ha le East Lairam ukhnik dingah rian pekmi Dr Vuan Suam Thang cu minthatnak a pek hna. Nihin Sikpar 17 ah National Day philhlonak ah ram caah riantuanmi hruaitu minthatnak pek dingin nawlchuah 211/2022 in ralhraang nih an thanh.

Ralhraang nih ralhraang thithruainak chungtel U Maung Ha le East Lairam uk hnik timtu caah thimmi Dr Vuan Suam Thang cu anmah le an i tlak ningin minthatnak an hmu. Nawlngeihnak laktimh si hnu ah dirhmi ralhraang uk hruainak ah U Mawng Ha cu chungtel ah an sawm. Dr Vuan Suam Thang hi East Lairam ukhnik timtu Pu Ngun San Aung rian changtu a si.

Ralhraang nih an thanh ningah minthatnak pekmi hna hi minung 105 an si i, cuchung ah ralhraang nih riankhinh in ramkulh uk hniktu ah khinhmi hna, ramkomh lei ah rianpekmi, biaknak lei , phungki le ralhraang riansang tlai hna an si.

Tuluk-Myanmar Ramri Ah Kahdohnak A Chuak I Motor Remhtu Ngakchia Pakhat A Nunnak A Liam, Pakhat Hliamhma A Pu. Tuluk-Myanmar ramri, Muse Cinsankyaw(ကျင်စန်းကျော့) ah SAC ralkap le a ho ti theih lomi hriamtlai phu karah nizan November 16 zaanlei sml 1:30 hrawngah kahdohnak a chuak i, motor remhtu ngakchia pakhat cu hriamngan kuan nih a khen caah a nunnak a liam, pakhat hliamhma a pu, tiah ramri um tualchung mi hna sinin theih a si.

“Motor remhnak dawr a tuahtu pa pakhat sinah motor remh rian a ṭuanmi ngakchia hna le Muse motor remhnak ah rian a ṭuantu ngakchia hna cu midang motor a rawkmi remhpiak dingin an kal, lam tanṭim ah a rawkmi motor an remh cuahmah lioah hriamngan kuan nih a tlak hna caah ngakchia pakhat a nunnak liam hi a si,” tiah tualchung mi pakhat nih a chim.

Ramri ah thil a phurmi pakhat nih, “Hpayarkone(ဘုရားကုန်း) ah kahdohnak a chuak i, hriamngan kuan nih motor a remhtu ngakchia pakhat a khen caah a nunnak a liam, pakhat hliamhma a pu,” tiah a chim. A nunnak a liammi ngakchia pakhat le hliamhma pumi hna hi kum 16 tluk ngakchia an si. Hriamngan kuan nih Tuluk motor pakhat le SAC ralkap motor pakhat a khen ve hna, tiah mithmutu motor khal pakhat nih a chim.

Kahdohnak a chuah lioah Tuluk le Myanmar ramri gate cu an kham hna nain, zaanlei in cun motor lutchuak hna cu an kalter ṭhan hna, tiah tualchung mi hna nih an chim. Cu kahdohnak hmunram cu Pyituhsit, KIA, TNLA, MNDAA, SSPP/SSA hna an cawlcanghnak hmunram a si, tiah tualchung mi hna nih an chim.

Mayangone No. 3 Sang Chung Inn Vialte Cu SAC Ralkap Nih Nithum Chungah An Ṭhialter Dih Hna. Yangon ramṭhen, Mayangone No. 3 sang chung, Kanthar Zeyung lam um inn 100 leng cu mah hmunhma a si lomi hmun ah sakmi a si tiin SAC ralkap, sipin le penguk zung hna nih an kan ti i nithum chungah ṭhial dih dingin nawl an kan pek, tiah sang chung a ummi pakhat nih a chim.

“Mah hmunhma a si lomi hmun ah sakmi inn an si hrimhrim lo. Cheukhat cu innhlang in a ummi zong an um i cheukhat cu an har caah inn a pawnmi zong an um. SAC ralkap nih minsen an kan thutter i zeiruang ah dah kan thut lai tiin kan hal hna zong ah an chim duh lo, a hro tuin a kan hrocer. A hnuah kan mah hmun a si lomi ah sakmi inn a si tiah tialmi catlap cungah minsen a kan thut termi cu an kan hmuhsak,” tiah a chim chap.

Nawl kan chuahmi nan zulh lo ahcun upadi ning in kan in tawlrel hna lai. Nithum chungah nan inn nan ṭheh hna lo ahcun kan hrawh dih lai an kan ti, tiah sang chung a ummi pakhat nih cun a chim. Mingalardone peng, No. 5 sang ah a um mi inn 10,000 tluk zong SAC ralkap nih a cozah hmunram a si tiin sangmi hna cu a tlai bik November 18 hlan ah nan ṭhial dih lai tiah SAC ralkap nih nawl an rak pek cang hna tiah theih a si.

Ralhrang Hriamngan Kahnak In Minung(12) An Thi, 24 Hliam An Tuar. Kahdohnak a um lo nain ralhrang hna nih Rakhine ramṭhen khuate hna cu hriamngan in a kah hna i nihin(Sikpar 16) lawng ah tualchung mi 15 an thi tiah People’s Spring nih a langhtet.

Rakhine ramṭhen Maungdaw(မောင်တောမြို့နယ်)peng Kyaitchaung khua ah chun sml 12:30 hrawng ah ralhrang hriamngan kahmi voithum a tla i khuami minung(12) an thi i minung (24) hliam an tuar tiah khuami pakhat nih a chim. “Kahdohnak zong a um lo nain khuachung ah an van kah len. Maungdaw peng Kyaitchawng, Khami(ခမီ) Tainyinta(တိုင်းရင်းသား) khua hna ah an kah. Tualchung mi minung(12) an thi i minung(24) hliam an tuar” tiah Rakhine mi pakhat nih a chim.

Hliam a tuarmi hna cu Maungdaw sii-inn ah thlop an si tiah khuami pakhat nih a chim. “Ralhrang hna an ra i kan mah kahmi si lo AA kahmi a si. Ho nih an in hal hna zong ah kanmah kahmi si lo AA kahmi a si tiah an chimter hna” tiah Rakhine mi pakhat sin in theih a si. Nihin chun sml 12:30 hrawng ah Kyauktaw hrambunh ralhrang hna nih hriamngan an kah i khuami minung (3) an thi tiah khuami pakhat nih a chim. Credit: The Chin Post, The Chinland Post

Be the first to comment

Leave a Reply

Your email address will not be published.


*