Nawlngeihnak zuri pa Min Aung Hlaing!

Nawlngeihnak zuri pa Min Aung Hlaing!
========
Hi pa nih Myanmar ram caah a chun mang cu Indian Federal bantuk hi a si. A hmurka bak in a chim cangmi a si. 1. Vawleicung ah federal ram hi ram 25 an um ti a si. A sit, a cheu a sit, etc.. cu va um ko seh. Min Aung Hliang nih zeiruang ah India federal hi a duh hnga? Atanglei ruangah hin a si kho. India phunghram tangah States hna dirhmun cu (atawinak in) hi ti hin a si.

(1) India phunghram nih States dihlak (Mizoram State telh in) rampi chung in thencheu/ chuahnak nawl a pe hna lo (right of secession – Ralbawi duhmi). (2) Phunghram nih a langhtermi leng in States nih nawl an ngeihmi a um lo. Atangmi (residual) nawlngeihnak zong States nih a ngei kho lo. Pakhat khat buaibainak a um sual zong ah State upadi cu Union law nih a tei zungzal.

(3) States dihlak caah siseh, India ram pumpi caah siseh, phunghram pakhat te long a um. States nih anmah caah phunghram sernak nawl an ngei lo. India Phunghram VI nih State pakhat cio nih zeitindah State acozah an ser lai timi kha fiang tein a tial dih. Cu ning te cun acozah innpi sak a si.

(4) Ram pumpi dihlak caah aa khat dihmi biaceihnak pakhat te long a um (a single unified judiciary for the whole country). Cun acozah riantuannak kong zong ah pakhat te long a um ve. (5) Ram mi sinak pakhat lawnglawng a um. State caah rampi sinak adang a um lo (a single citizenship for the people of the country)

(6) States pohpoh nih lu pahnih an ngei cio. State caah a lu bik cu governors an si. State acozah I a lu bik cu Chief Minister a si. State Governors hna cu India President nih tuanvo a pekmi hna an si. An nih cu India ramuk President a mit le a hnakaw an si (the eyes and ears of the Union). (MAHliang nih a uar tuk theu lai ka ti.)

(7) India rampi Hluttaw cu bicameral a si. Hluttaw pahnih an um ve. Upper House/Amyotha Hluttaw/ Senate ah milu palai aa tluk tein States hna nih aiawhnak an ngei lo. (Majeed 180-207).Cucaah MA Hliang nih a duhmi Federal cu ralkap asiloah kawl kuttang ah vawlei a dongh hlan lo cung umnak aamakhan federal phung a si theu (lai, la, leh, awh, lai dah)!

Aung San bantuk an sem rih lo. Ka tial ciami ka nolh than lai. 1. Myanmar ramchung chuak minung, Nitlak ram nunphung cawng min satu hna lak ah Aung San bantuk an sem rih lo. 2. Aung San cu a fa le min a sak hna tikah amah min a hmasa ah a pek hna. Aung San Suu Kyi etc.(pathum an si zoh hna uh.)

3. Midang nitlak nunphung min sak cawng hna cu anmah min kha nitlak ram nuncawng ciammam a hnu bik ah an sak hna.
Tahchunhnak a pa khi Bik Bik va si sehlaw, a fapa min ah Kham Kham Bik Bik an si dih lai. Ruahnak dang a um ahcun theih kan duh ngai.

Belgium (Federal) hi zohchunh tha ngai a si ve te men lai. 1. Senate hi MP 60 an um. Belgium ram cu Dutch speakers le French Speakers an tam biknak ram a si. German speaker hi mi tlom te an um ve. Cucaah an Senate ah Dutch le French speakers an tam bik. German speaker cu a tlom bik pakhat te long a si. Myanmar rampi caah cun zohchunh awk a tha men lai lo.

2. Federal/National/ Central/ Commonwealth Acozah pi ah a tam bik minung 15 an si. Pyidaungsuh acozah ah kan ti lai cu. Minung pa 7 in Dutch speakers bak an si a hau. Cun minung pa 7 bak hi French speakers bak an si a hau. Credit: Saya Thawng Za Pum

Be the first to comment

Leave a Reply

Your email address will not be published.


*