Naypyitaw ah Ralbawi pakhat nih Nuchun i ai chiah mi Nu mawtaw in a rial
==========
Naypyitaw Zabyuthirih i Tuhkhahtawwin inn hmun ah ralbawi pensen cia mi nih a nupi chun i ai chiah mi Nu cu kut a thlak hnu ah motor in a rial tiah cu ka hmun i a um mi mipakhat nih a chim.
Hi ralbawipa hi ralkap si nak in Civil ah ilet in pensen a la cang mi Bohmu Pyih Phyo Aung tiah kawhauh mi a si i December 18 zan Sml 12 hrawng ah Tuhkhahtawwin inn hmun i a umter mi a nuchun cu zuu a rit bu in hi tihin a tuah mi a si tiah an chim.
“Thawngpang kan theih ruang ah ka va zoh i Nu cu vawlei ah a rak it. A hramthawk ah cun motor cung cun tum in athongh len,cu hnu ah motor in a rialchap hitluk lawmmam in a tuahto lai ti cu kan zum lo na in motor cu hnutolh ter pah in a rialchih len ko . Mi nih an dan hnu lawng ah a cawlcangh ning cu ngol in mi dang cung ah buaibainak a kawlchap rih, a rii ngai.
A tuartu Nu cu kan zaang a fak tuk ko na in ralbawi nupi chun si an uartuk hna, cu bantuk si a duh mi caah zohchun awk a si .Tu inn hmun zong hi Nuchun pawl i chiah nak inn hmun tiah min bunh hmanh a hau deng ” tiah a hmun i mit in a hmu ve tu nih Ayeyarwaddy times ah a chim.
Kum 26 a si mi hi Nu hi Tuhkhahtawwin inn hmun i inn hlan piak mi a si i danlo in a umpi mi a si nak le ralbawi pa nih hin zuurii in a velh theu tawn nak a pawngkam um mi nih an chim.
Tuhkhahtawwin inn hmun hi Naypyitaw i cozah riantuan pawl caah man awl le bikhiahnak he pek le cawk nak ding in an on mi a si na in bawipawl deuh nih cawkchin in an nuchun pawl cu an um ter hna tiah theih a si.
Yezakyu peng ah SAC he ni-4 chung i kahdoh a si. Mague ramthen, Yezakyu peng ah SAC he ni -4 chung kahdohnak ngeih a si i, ralhrang lei a thi mi le aihliam mi an um, PDF ralkap (2) nih ramle mi phun caah an nunnak an pek tiah khuate hmunram lei Comando (M.R.G.F) phu nih an thanh.
2022 Dec-21 ni zing ah Yezakyu peng Thanpinchaung le Yuataaye khua i thazaang (100) hrawng he ral a ser mi SAC rual le PDF kar ah kahdohnak a chuah hi a si. Hi SAC rual hi M.R.G.F ၊ Pakokku comando tatkhuai -1 le Urban Underground Defense Force (UURF) unau phu thum hna nih tangtii in Sml -3 chung an doh hna tiah theih a si.
Cu pin ah Tetaw khua pawng um mipi inn a cawklet tu SAC hna cu Dec-18 ni in 20 ni tiang MRGF 1/2 hna he tiah Yezakyu peng PDF hna le Myaing myo-ne PDF/ Pakokku peng PDF phu hna nih hriamngan hriamhme kemh in andohhna nak theih a si. Cu i kahdohnak chung ah ralhrang lei an fak i, PDF ralkap (2) nih an nunnak an pek tiah theih cu a si.
Yuangan peng chung SAC check gate hna ah cun umkal nak rikhiah a si leng ah kah nak nawl an chuah. Shan ram, Danuh hmunram Yuangan peng chung i a um mi SAC check gate hna ah umkal nak rikhiah piak in an phihkhar leng ah a umkal mi hna cu kah nak nawl pek an si tiah tualchung mi pakhat nih a chim. SAC check gate hna cu zan Sml 10 in zinglei Sml 4 tiang an phihkhar pin ah anhringso a phor mi motor hna cu lutchuak lo ding in ralrin an pek hna.
Phihkharnak an tuah can hi motor chuah tawn can he aikhah caah anhringso a phor tawn mi motor khal tu hna cu ah har nak fakpi an tong .Hi thil an tuah chan hi PDF he pehtlaih nak ngeih le ngeih lo an check bik mi a si i, Ywangan khuachung zong ah PDF nanbawmh hrimhrim hna tiah taafar hna pahnih SAC nih an tlaih hna ì,a tu tiang an thawng theih khawh a si rih lo tiah theih a si.
SSPP nih Tingni peng ah rithai sii a hmang tu hna cu an luhhnawh hna. Shan ram, thlang lei um Tingni peng chung i rithai sii an zuarnak le an hmannak hmun cu SSPP nih luhhnawh in tlaih an si nak SSPP/SSA nih ni hin ah an thanh. SSPP/SSA myo-ne ukchukye reng a ngei tu hna le Mino phu komh inTingni peng SeUu uksuh um rithaisii hmunpi cu Dec- 20 ni ah khan thianhlimh a si tiah an thanh.
Sii zuartu hna nih hin zing Sml 6 :30 in zan Sml 7:00 tiah SeUu uksuh Manmai khua pawng ah market ban tuk in an zuar cu a si i, SSPP nih thianhhlimhnak an tuah nak ah a zuar tu relchih in minung (11) tlaih an si tiah an thanh. Rithai sii zuar nak le hman nak ca i hman mi thlam hna cu mei in khanghdih a si i, tlaih a tong mi hna lak ah sersiam le thlopbul awk a tha mi cu zohkhenh an si lai. Hremtlak a si mi cu hrem an si lai caah chekhlat nak ngeih an si lai tiah theih a si. Credit: Chin 24
Leave a Reply