Nihin ni tiang ralkap a thimi vialte min list langhter a si cang!

Russia Ralkap Thimi le Hriamnam Sunghmi an tam chin cang!
=========
Russia Ralkap Thimi le Hriamnam Sunghmi; Ralkap 17300 an thi cang, Tanks 605, Combat armored machines/ APV 1723, Miakpi 305, Rockets kahnak (MLRS) 96, Vanlawng kahnak Anti-aircraft warfare 54, Vanlawng 131, Helicopters 131, Ralkap motors 1184, Tilawng 7, Datsi phur (fuel tanks) 75, Drones 81, Special equipment – 21, Luscious installations OTRK/ TRK/ mobile SRBM system – 4.

Ram Hnih Kahdaihnak Chimrel Dingin Ukraine Le Russia Palai Hna Cu Turkey Ah An Phan! Ukraine le Russia ram hnih aiawhtu palai hna cu zarh hnih lengkai hnuah kahdaihnak chimrelti dingin Turkey khualipi Istanbul ah an phan cang caah tonbiaruahnak an thok. March 29 zinglei caan ah an tuahmi tonbiaruahnak ah kahdaihnak kong hi biatak tein i ruah ding a si lai tiah Ukraine nih an chim.

Asinain kaphnih hnatlaknak ngeih ding le tuah kho ding ahcun ruahchannak a tlawm ngai. Turkey President nih cun tutan biaruahnak nih hin a fekmi biachahnak a chuah awk a si cang tiah a forh hna. Russia ram nih a zuar tawnmi yinan (oil) phihkhamnak telh in a fah khawh chungin dantatnak pe dingin vawlei cung ram ngan vialte cu Ukraine President nih a nawl hna.

Russia President Putin hi nawlngeihnak a ngeih awk a si ti lo tiah American President Joe Biden nih a chim nain amah pumpak ruahnak lawngin a chimmi a si i, American ramchung nawlngeitu hna i ruahnak a si lo tiah American nawlngeitu nih an chim.

Rusia nih Nuclear hriamnam a hmannak ding aruang phun 4 an langhter! Russia President hlun le a tu lio Russia Security Council lutlai changtu asimi Dmitry Medvedev nih a tu lio Ukrain tuknak kong ah le Nuclear hriamnam hmannak kong ah ralrinnak a pek. A chimmi cu Russia nih Nuclear hriamnam kan hman dingmi ahhin kan ral asimi nih cubantuk hriamnam hmang in an kan tuk hmasat a herh lo.

Hriamnam sawhsawh a hmangmi sin zong ah kan hman khawh a ti. A chim rihmi cu Russia nih Nuclear hriamnam kan hman khawhnak hi phun 4 a um a ti. Cu hna cu: 1. Russia hi Nuclear hriamnam in an kan tuk ahcun, 2. Russia le a hawikom ram hna cung ah a dang Nuclear hriam hmang in an hman ahcun, 3. Kan Nuclear hriamnam caah a herhmi thilri an kan kahpiak ahcun, 4. Russia le a hawikom ram hna khuasak tuntuknak rawhralnak an tuah ahcun.

Russia President Putin nih Ukrain tuk hram a thok tlawmpal ah Russia Nuclear hriamtlai ralkap pawl cu timhcia tein um ding in a nawl a pek hna. President aiawh chimnak nawlngeitu Dmitry Peskov zong nih Nuclear hriamnam kan hmang bak lai lo timi hi zapi theih in a chim duh lo. Cun kan hnu cawn nili ni zong ah UN i Russia palai changtu zong nih Russia hi Nuclear hriamnam hmannak nawl kan nei tiah ralrin a rak pek.

Sinain Russia ah US ambassador hlun asimi Michael McFaul nih cun ahohmanh nih mah bantuk thil hi Russia cung ah an tuah lo i an tuah fawn lai lo a ti. Cun NATO zong nih nuclear hriamhmang in zeitik hmanh ah a kap hmasat bal lai lo tiah a chim.

Russia le Ukrain cu tonbiaruahnak zeimaw zat an nei lengmang nain a tutiang ah hlawhtlinnak an hmu kho rih lo. Thlakhat leng kahdohnak ah Ukrain nawlngeitu chim ning in cun Russia ralkap hi thong 10 in thong 15 an thi cang ti asi. NATO tuak ning ahcun thong 7 in thong 15 kar an thi ti asi.

Rusia nih Ukraine a tuk hlan deuh ni 3 ahkhan Putin nih UN ah Israel ram, Golan Heights cu, Isreal ram a si lo’ tiah a thanh. Syria ram a si timi a langhter. Rusia hi Syria a humhim i, Syria nih Golan Height lak than a duh peng tikah, Israel himnak caah Russia hi biapi ngai dirhmun ah a phan. Theihtlei sawh ah Prophecy in pehton hnik usihlaw:-

Jesuh nih, “Ka ra tthan lai” (John 14:3) a ti bantuk in nikhat khat, caan khat khat ahcun a ra tthan te lai tiah Khrifa nih cun zumh a si. Cun, Jesuh thiam nih a rat tthan lai-nak nicaan ahcun, Vawlei cung ah ral/ War a um lai. Mangttam a tlung lai i, a phun phun phun in harnak a tlung lai tiah a chim.

Cucaah, Jesuh bia ning in Jesuh a rat tthan hlan ahhin, “the great tribulation’ timi Vawlei cungpi ral, World War a chhuak hmasa lai tinak a si. Mah ral hi kum 7 chung a rau dingmi ral a si te lai tiah Bible ah a lang. Paul nih a chimmi rapture/ thlainghlimhlawr hi, a cheu nihcun, Ral a chuah hlan ah a um lai tiah a zumh. A cheu nih ral a thawh hnu, kum 3 hrawng ah a um lai an ti. A cheu nih ral a dih lai te ah a um te lai tiah an zumh.

Azekiel 38 ah aa tialmi next ah a cang hnga dingmi Gog le Magog ral hi, Jesuh rat lai i a tho hnga dingmi, The great Tribulation ral hi a si te lai tiah a tuakmi an um. A fiannak in ttial ahcun, Magog ram ah Gog miphun nih Israel an doh te lai tinak a si i, mah Magog ram i Gog miphun hi, tulio chan ah zeibantuk miphun dah an si hnga/ tiah scholar tampi nih an tuak cio. Magog ram in, Gog miphun, “the prince of Rosh” nih alliance a ser lai i, Israel a tuk te lai ti a si tikah, “Prince of Rosh” timi, Rosh hi Russia tinak a si ko lai tiah theologians tampi nihcun an tuak.

Khrifa nih kan itlaihmi Bible hi, Genesis in Revalation tiang hi Prophecy biafang lawng te an si i, minung fimnak le hngalhnak tu in a pehton zia kan hngalh lo caah a si. Nihin kan vawlei ah a cang cuahmahmi vialte hi Bible ahcun, chim chung cangmi lawngte an si ko hna.

Israel ram ah “Golan Heights” khi Six-Days War (1967) lio ah Israel nih Syria sin in an rak lak tthanmi an ram a si. Syria nih Golan Heights cu lak than an duh i, 1973 ahkhan Egypt isawm in Israel cu an doh tthan. Yom Kippur War, Ramadan War tiah min an pekmi kha a si i, Golan Heights ahhin biatak tein an rak iphawmh. Israel nih teinak an co. “Valley of Tears” ti zong in min an pekmi hmun a si.

Golan Heights hmun hi, Israel ram vennak, Strategic interest caah biapi takmi hmun a si i Former US President Donald Trump nih Jerusalem cu Israel khuapi a si tiah cohlangnak a thanh lio ahkhan Golan Heights zong hi Israel ram a si tiah a chim chih.

Golan Heights hmun hi Joshua 21:27 ahkhan fiangte in a ttial i, Joshuah ah a ttial ning ahcun, “Bashan ah i a ummi Golan, mi a tthattu ca i himnak khua a simi cu, Levi mi inchungkhar lakah pakhat, Gershon hrin kha an rak pek hna” a ti. Levi tefa a simi nih an rak comi ram, khua a simi Golan Heights cu, Ottoman Empire nih an rak uk hnu in Syria ram ah aa cangmi a si nain Six Days War ah Pathian nih a pek tthanmi hna hmun a si.

Asinain UN ah Vawleipi nih Israel ram ah an pawm piak duh hna lo i, Syria zong nih lak tthan aa zuam pengmi hmun a si ve. Syria President Assad cu Syria mipi nih thlak an duh nain Russia nih a dirhkamh caah an thlak kho lo. Amah thlaknak khua a khangtu UAE zong nih an sawm tthan cang tikah, nihin ahcun a dirhmun a fek than ngai cang tinak a si.

Cucaah, Syria Politics ah Russia dirhmun zoh in, Syria nih Golan Heights lak tthan a duhnak politics in pehton tikah, Ezikel 38 ah a chimmi land of Magog i Gog miphun, Prince of Rosh timi hi Russia a sinak a lam a tam ngai tinak a si. Cun, Ukraine ram ah a cangmi ram pakhat le ram pakhat ido/ ituknak nih Vawlei cung chawlehnak le Vawleipi a buaiter ning zoh tikah, Vawlei cungpi ral a thawh ding hi, chikhat bia a si ko timi a fianter ngai i, Zing-zan in Vawleipi hi aa lingtalet kho timi zong a fianter ngai, ka ti. Credit: Zasang Cinzah, Ceumi Lian

Be the first to comment

Leave a Reply

Your email address will not be published.


*