Nihin Ramthlo khua pawng kahdohnak thawngpang update!

FALAM PENG KAHDOHNAK AH RALHRANG 11 AN THI TIAH CNF NIH FEHTER
=========
Lawngtlai, 11 Chiapa 2022: Lai ramkulh, Falam peng a nihnih ni nak kahdohnak ah ralhrang 11 an thi tiah theih a si.
“Kan hmanhmi bomb puahnak in le kahnak in ralhrang 11 an thi tiah fehter khawh a si, hliammi zong an tam caah hliammi zat cu fianghlang in chim khawh a si lo, a thimi zong hinak in an tam kho” tiah CNF/A chimnak nawlngeitu Salai Htet Ni nih Mizzima ah a chim.

10 Chiapa ah Ramthlo le Tlangzar khua kar ah kahdohnak ah ralhrang thi an tam bantukin Lai mizapi ralkap minung 4 nih hliam an tuar, asinain kahdohnak ah biatak te’n an i tel kho rih tiah a chim chap. CNA le a tangrual ralkap nih 11 Chiapa zaanlei suimilam 4:00pm (Myanmar) hrawng ah Ramthlo khua pawng ah hmunkhuar timmi ralhrang cu an kah hna i fianghlang in theihfianmi a um rih lo tiah a chim fawn.

Hakha khuachung ah ralhrang thazaang 30 hrawng cawlcangh tim in an um, tulio kahdohnak hmun Falam lei ah maw an kal lai asiloah Thantlang lei zongah thazaang an chap khawh men. 9 Chiapa Thlanrawn le Țaal khuapawng ah kahdohnak voi 3 a chuak i ralhrang 21 an thi.

Mizoram Thaizawl refugee camp ah ralzaam pakhat khuami pa nih nam in a sawh! Mizoram Lunglei peng Thaizawl refugee camp ah ai dor mi ralzaam pa pakhat cu khuami pakhat nih a umnak inn nam in a va sawh tiah theih a si.

Tuchun Chiapa 11 ni ah Chin ralzaam pakhat Salai Ram Cung cu rua a va sat i dum ngeitu pakhat nih lung in a cheh hnu ah rua kha saat hlah tiah a thlauh, ee tiin a rua sat cia mi zong cu a kal tak i inn ah a tlung ko. Asinain dum ngeitu pa pakhat nih cun chuhnu sml 12:30pm hrawngah Salai Ram Cung cu a umnak ralzaam camp ah a va fuh i nam in a va sawh.

A kut zung 4 hi ai tan dengmang caah Lunglei Sizung ah an kal pi tiah theih a si. Dum ngeitu pa hi Salai Ram Cung a pa zong nih ngaihthiam an hal len ko nain a duh lo, a nu hna cu a kut a thlak tiah ralzaam camp um mi nih an chim tiah TMT nih a ttial.

izoram ramkulh, Lunglei pengkomh, Thaizawl Refugee Camp ah ralzaam dirhmun in a ummi Salai Ram Cung cu 11 Chiapa ah ramlak i rua a sahnak ah Thaizawl khuami dum ngeitu nih lung in a cheh hnu ah rua cu sat lo dingin a chimh. Salai Ram Cung nih cun dum ngeitu cu ka theih lo caah a si ti’n ngaihthiam a hal hnu ah, a sahcia mi rua cu chiata in inn lei ah a tlung.

Cu hnu chun suimilam 12:30pm hrawng ah dum ngeitu cu Refugee Camp ah kal in Salai Ram Cung cu a umnak inn ah nam in a sawh i, a kutdong 4 a tan ngaingai lo in hliam a tuar caah Lunglei sii-inn ah kalpi a si tiah theih a si

“Thaizawl camp ah a ummi mino pakhat ramlak ah rua a satmi cu Thaizawl khuami pakhat nih lung in cheh i ka ram ah rua sat hlah tiah a chimh, cu tikah Lai mino pa nih cun ka theih lo caah ka sah sual, ka ngaithiam tiah ngaihthiam a hal hnu ah rua zong cu inn ah tlunpi lo in a chiah ta, Inn a phanh tlawmpal ah dum ngeitu nih Camp i a umnak ah rak fuh in nam in a sawh, mino cu a phetnak ah a kutdong 4 tan ngaingai lo in a hliam.

A kutdong cu a tan deng in a um caah lakhruak in Lunglei Civil sii-inn ah phanhpi colh a si, hringtu a pa zong nih ngaihthiam a hal, dum ngeitu nih hringtu a nu zong kut a thlak ” tiah Camp i a ummi pakhat nih a chim ning in theih a si tiah TMT nih a tial.

Falam – Hakha lampi cungah a ummi Țaal khua cu nihin chun suimilam 11:00am (Myanmar) hrawng ah an kaangh. Ralhrang motor thluan 27 cu 7 Chiapa ah Falam ralhrang riahbuk in an i thawh i, Falam khua lungpi veng ah zaan an riak, nizaan 8 Chiapa ah Thlanrawn khua pawng kahdohnak ah ralhrang 20 hrawng an thi.

Ralhrang nih Țaal khua cu a ruang um lo in a tu bantukin an khangh hi a si, inn zeizat a kaangh bal fianghlang in theih a si rih lo.

Lai ramkulh, Falam peng Falam – Hakha lamcung ah a ummi Țaal khua cu ralhrang nih 9 Chiapa ah inn 29 an khaangh tiah kan theih. Ralhrang nih Țaal khua hi inn 40 an kangh cang. Țaal khua inn a kaang lo mi hi Biakinn telh in inn 6 lawng a him.

10 Chiapa ah Falam peng, Falam – Hakha lamcung ah a ummi Tlangzar khua zong an khaangh inn zeizat a kaangh bal fianghlang in theih a si rih lo. Source; The Lairam Times

Be the first to comment

Leave a Reply

Your email address will not be published.


*