Nizaan Ramthlo Kahdohnak ah SAC Ralhrang 4 an Thi, CNA le CDF an Him

Nizaan Ramthlo Kahdohnak ah SAC Ralhrang 4 an Thi, CNA le CDF an Him
——–
Nizaan July 10, Hakha-Falam karlak Ramthlo khua kahdohnak ah SAC ralhrang minung pali an thi i, miphun ralkap CNA, CDF le CNDF lei in a nunnak a liammi an um lo, tiah thawng kan theih.

Ramthlo phak hlan Tlangzar khua pawng kahdohnak ah belte ah CNA ralkap pahnih an i hliam. Kan miphun ralkap hna Bawipa nih in huppheng in tei nak pe hna seh. Bawipa nih kan ralkap dih lak in veng ko hna seh . A Tu ban tuk video van in hmuh hna ah hin tha tho khun .kadang ralkap pawl zoh nak in kan ralkap van in hmuh hna ah hin kan hna ngam khun.

Lai pasaltha hna kan upattuk hna nan zaten Bawipa nih teinak in pe hna seh in bawm hna seh. Zei tluk khin dah an thin a va phan ve lai le an rawl hna khi a va tam lai mu. Khua zei an mah le chungkhar ca ah hei ti bang Eeee. Kan ralkap pawl tang ko u, Pathian le nan mah lawng hi Uico ralkap kan tei nak ding hna ca ah kan in ruah chan mi hna nan si ko. Nan hnu lei ah Chin miphun dih lak kan dir ko.

Nau le nan zaten. kanin zoh ah thin a phang in lungre a thei tuk aw.Bawipa tu nih in humhim hni ko seh. Uar an um bak si Pathian nih in kilveng in in hum him hni hram seh law. Kan him na van ti poh ah hin thawpi kan rak i chuah tawn. Abiapi tuk mi tikcu caan chung ah kan um caah kan ralkap hna Bawipa nih huppheng hna seh law ralhrang pawl hi tei si ko hna seh. Mipi nih Full support kan tuah chin rih hna a hau cuahmah ko.

Kan ralkap an him na van ti ahhin cun, kan hna a ngam tuk hringhran. Uico cu zat an thi tiah na van peh tthan ahkhin lunglawmhnak in kan khat eh. Tulio ah cun zei dah thawngpang theih nk in kn ral kap pawl an him ti hi lai mi kn caah thawngtha bik asi kn i lawm tuk. Bawipa sin ah kan ti khawh tawkin thla kan cam peng ko. Kan him ti mi thawng kan theih ah hin cun kan hna a ngam kho tuk e.

SAC Ralhrang nih Tlangzar Khua Inn an Khangh Than Updated: Inn 6 an khangh. Nihin July 10, zaanlei sml. 3:30 hrawng ah Hakha-Falam karlak Tlangzar khua cu SAC ralhrang nih mei in an khangh tthan, tiah khua upa sin in thawng kan theih.

Khua upa pakhat nih, “Inn zeizah ngaingai a kangh timi kan fiang rih lio atu naite khan an khangh. Inn an khanghnak hi Baptist biakinn pawng lei khin a si,” tiah The Chin Journal ah a chim. Tukum May thla chung zong ah khan SAC ralhrang nih Tlangzar khua inn 17 mei in an rak khangh cang.

A Ruah Hlanah Kan Kawlram Pumpi A Hluan Cang Lai. A Huap piin Thlennak caan karlaak aa thawk cang. Tlam tling tein kan ti khawh lo hmanhah a rauh hlan ah kawlram pumpi a hluan cang lai, Min Aung Hliang cu a tla lai, a sung lai, sunghzatlaknak nih a tlak lai i a zaam lai, SAC Ralhrang uknak an sung cang lai.

Kan Ram le Kan Miphun caah Thlacam hna usi! Maw Chin miphun, ngai u law thei tuah uh! Nihin cu kan ral kan doh cuahmah, Nan lung der hlah seh! Ttih hlah uh, a ther zong ther hlah uh, Anmah kha ttih hna hlah uh; Zeitintiah, teinak pek awk le, Kan ral doh piak awk ah, Kan sin ah akal mi cu BAWIPA Kan PATHIAN asi. Credit: The Chin Journal

Zisu kan Siangpahrang, hmai ah akan sak! Zisu min an theih tik ah Rulhreu mi an tli, Ralhrang zong an tli ve lai.
Krifa ralkapmi nih teinak hmu u si, Chin miphun Krifami nih teinak kan hmuh lai. Krifa aunakthawng an theih in Rulhreu pennak arawk, M.A.H le Ralhrang pennak arawk zau ve lai. Rulhreu pennak nih teinak ahmu bal lo,

Ralhrang nih zei tik hmanh ah teinak an hmu lai lo. Teinak cu Bawipa ta asi! Bawipa Pathian fa asi mi, Kanmah Chin miphun, Krifami nih Kan Chinram chung ah teinak kan hmuh lai! Bawipa kan dir pi ko! Amen!.CRd-Lian Hmung Sakhong

Relchap, (photo Dang) Kaanthit Khuami 16 Tlaih An Tong I An Thawngpang Theih Lo In An Tlau! Kaanthit Khuami 16 Tlaih An Tong I An Thawngpang Theih Lo In An Tlau!: Magwe ramṭhen, Pakokku(ပခုက္ကူ) pengkomh Yesagyo peng Kaanthit(ကံသစ်) khua ah minung 16 cu July 9 zingka ah tlaih an tong i nihin tiang pehtlaih khawh lo in an tlau, tiah khuami sin in theih a si.

“Nizan zing Sml 6 hrawng ah khuami 16 cu tlaih an tong i, nihin zing tiang pehtlaih khawh an si ti lo caah an chungkhar hna cu lungrethei in an um,” tiah Kaanthit khuami pakhat nih a chim. Tlaih a tong mi minung hna 16 cu Ko Myint Kyi(ကိုမြင့်ကြည်), Ko Thun Ye(ကိုထွန်းရီ), Ko Aung Soe Moe(ကိုအောင်စိုးမိုး), Ko Nga Pho(ကိုငဖိုး), Ko Win Hlaing Shwe(ကိုဝင်းလှိုင်ရွှေ), Ko Soe Min Thu(ကိုစိုးမင်းသူ), Ko Aung Lwin(ကိုအောင်လွင်),

Ko Tin Maung Kyaw(ကိုတင်မောင်ကျော်),Ko Me)ကိုမဲ), Ko Maung Htet(ကိုမောင်ထက်), Ko Aye Win(ကိုအေးဝင်း), Ko Han Myint(ကိုဟန်မြင့်), Ko Myo Min Thu(ကိုမျိုးမင်းသူ), Ko Myo Chit(ကိုမျိုးချစ်), le Ko Nyunh San(ကိုညွန့်စန်း) an si i, pakhat cu a min theih a si rih lo.

Tlaih a tong mi hna hawikom pakhat nih cun, “Tu chung hrawng cu a thi mi le a tlau mi an tam caah tlaih a tong mi hna cung ah thil ṭha lo a cang sual lai ti kan phang,” tiah a chim. Zei ruangah tlaih an ton ti cu hlat cuahmah lio a si.

Myinmu Ah SAC Ralkap Motor 9 Kah An Tong I, 9 An Thi: July 8 le July 9 ah khan Myinmu pengchung ah SAC ralkap motor 9 cu WamPih(၀မ်းပြည့်) le AlatKapa(အလ္လကပ္ပ) khua kar ah tualchung hriamtlai phu nih bomb an puahhnawh hna caah SAC ralkap 9 an thi i, hliamhma tuar zong an tam, tiah Zero hriamtlai phu nih an thanh.

Minung thazaang tam ngai nih an zulhmi SAC ralkap motor run cu July 8 ah tualchung hriamtlai phu nih bomb lung 7 in an puahhnawh hna, culio ah cun SAC ralkap 9 an thi. July 9 zinglei ah SAC ralkap hna cu motor hme 3 he rallam an sial ṭhan caah kahdohnak a chuak ṭhan tiah theih a si. July 9 kahdohnak i SAC ralkap lei a thimi zat cu fehter a si rih lo. Mit hmutu hna nih an chim ning ah cun hliamhma tuarmi SAC ralkap hna cu Monywa lei ah an kalpi hna, tiah an chim.

Sagaing Ramṭhen Le Mon Ramkulh Kahdohnak Thawng, Sagaing Ramṭhen Le Mon Ramkulh Kahdohnak Thawng: Sagaing ramṭhen, Shwebo peng, SikKhun khua ah umhmun a khuarmi SAC ralkap cu PDF nih an kah hna i SAC ralkap 3 hliam an tuar, tiah PDF nih an thanh.

July 9 ah Shwebo peng, Sikkhun umhmun a khuarmi SAC ralkap hna nih mizapi a choklet mi hna cu phaisa an hal hna caah Shwebo pengkomh mizapi vengtu ralkap battalion 5 tatkhuai 3, C&T Shwebo ( LDF ), Snake Eyes (LDF), Shwebo Federal Army (SBFA), DaungMan (ဒေါင်းမာန်)-SHWEBO, Alpha-7(LDF), MDF SHWEBO, Bu KyuaYan(ဗိုလ်ကျားရိုင်း)-Shwebo, F .D .F le Shwebo 2 Pah-kah-phah hna i bawm in an kah hna tiah theih a si.

Cubantuk in Mon ramkulh, Tatone peng in Bilin khuapi lei ah a kalmi SAC ralkap mawṭaw run cu KNLA, PDF hna nih nihin zing suimilam 3:41 ah KaMaSine lamthluan ah bomb an puah hna i mawṭaw 4 an rawk, tiah Tatone TPDF nih an thanh.

KNLA Brigade 1, Battalion 2, PDF battalion 2 le Tatone peng mizapi vengtu ralkap hna nih bomb an puah hna hnu ah hriamhme in an kah chap hna i, SAC ralkap mawṭaw 4 an rawh lengah a thimi zong an um nain a thimi zat tu cu fiangin kan thei kho rih lo, tiah Tatone TPDF nih an thanh.

Sagaing ramṭhen, Kanhbalu zong ah KanhBaLu pengkomh mizapi vengtu ralkap Battalion 3 (PDF) camp cu SAC ralkap nih nizan July 9 zingka te ah khan hmunthum in an kah hna. PDF pawl cu PaungPin um Khah- Mah- Yiah 367, Homalin um Khah- Mah- Yiah 369 le KyaukMyaing ralkap Khah- Mah- Yiah 12 hna nih an kah hna.

PDF nih an camp cu caan karlak an chuahtak chung i PDF lei cu hliamtuar um lo in hnu an zaam kho, tiah theih a si. KanhBaLu hmunhram chung ah SAC ralkap nih hmun 5 in rallam an sial, tiah KanhBaLu mino Infinity Group nih an thanh.

Yangon, Hlaingtaya Ah Ralvengtu SAC Ralkap Bomb Puahhnawh An Tong I, 2 An Thi!: Yangon ramṭhen HlaingTaya peng Sat-hmuh-zung no.2, Ngawng(ညောင်) khuachung ah zaan ralvengtu SAC ralkap motor pakhat cu July 8, zinglei ah bomb puahhnawh an ton caah SAC ralkap 2 an thi, tiah theih a si. Zaan ralvengtu SAC ralkap 6 nih zulhmi motor pakhat chung ah bomb chehhnawh an si i SAC ralkap 2 an thih lengah pakhat hliamhma tuar, tiah Burmese Rangers Army – LDFUG nih cathanh an chuah.

“Ngawng(ညောင်) khuachung ah a luancia zarh khan SAC ralkap hna nih ralvennak an tuah i lampi i an tonmi hna mizapi sin in phaisa an hal hna. SAC ralkap hna cu i din ding in an dir lio ah bomb cu chehhnawh an si,” tiah Burmese Rangers Army – LDF UG phu in ṭuanvongeitu Bu Htat Wai nih a chim. Mizapi cu SAC ralkap hna he a hlatnak hmun ah um cio ding in le tualchung hriamtlai phu hna cu hmai an kal khawh nakhnga thazaang pe cio ding in Mizapi ralkap mipi sin nawlnak cathanh ah chuah. https://fb.watch/ebhjD1uFIz/

Be the first to comment

Leave a Reply

Your email address will not be published.


*