NLD Nih Cozah A Tlaih Lio, President Zung Chimphuannak Nawlngeitu Zaw Htey A Nunnak Liam

NLD Nih Cozah A Tlaih Lio, President Zung Chimphuannak Nawlngeitu Zaw Htey A Nunnak Liam
=========
NLD nih cozah a tlaih lioah President zung in chimphuannak nawlngeitu Director General(ညွှန်ကြားရေးမှူးချုပ်) a rak ṭuan balmi Zaw Htey cu, Natpyitaw ihkhun 1000 Sii-inn ah nihin May 23 ah a nunnak liam, tiah theih a si.

“Naypyitaw Sii-inn a phanh zong kan theih, Asinain atu cu a thaw dih cang, thawng dik a si ko. Tlerh khawnhnak le hronak phun zakip a tuar ko lai mu,” tiah Zaw Htey he aa naihniam tukmi pakhat nih Khit Thit Media ah a chim.

State Counsellor’s Office Ministry ah rian a rak ṭuanmi Director General(ညွှန်ကြားရေးမှူးချုပ်) Zaw Htey cu, President Thein Sein nih cozah a tlaih lio zong ah President zung in chimphuannak nawlngeitu rian a rak ṭuan balmi a si cang.

PDF Htilin Sin Ah Palek Pakhat Hriamnam He CDM A Tuah, Sing 110 An Pek. Magway ramtthen Gangaw pengkomh, Htilin palik sakhan in palik pakhat cu hramhram uknak latu SAC ralkap kuttang um a duh tilo caah G-3 meithal zunkhat, kuanbawm 2, G-3 kuan 194, 40mm kuan pakhat, MK-22 zumkhat, kuanbawm pakhat, kuan 20 he Peoples Defence Force-Htilin(Yaw Region) sinah pehtlaihnak tuah in CDM a tuah tiah theih a si.

Cu palik pakhat cu SAC ralkap nih hramhram nawlngeihnak an lak hnu 7.3.2021 in CDM cawlcanghnak a tuah na in, a humhimnak caah mipi nih an venkhawhlo caah Non-CDM in Gangaw gate hngak in rian a lut than. SAC ralkap uknak a duhlotuk mi a si caah PDF sin ah 10.5.2022 ah CDM tuah in a lut ii Peoples Defence Force Htilin (Yaw Region) nih sing 110 an pek.

A tu ah cun CDM cawlcanghnak a tuahtu palik cu PDF Htilin sin ah a phancang. ” PDF Htilin nih cawlcanghnak an tuahmi cu upat awk an tlak tuk, PDF Htilin sin ah cun nun humhimnak caah a tlamtling tiin le NUG nih a timhmi tangah kalding in le PDF Htilin sin tuanvo umnak hmunah rian ka tuan lai” tiah a hriamthil he CDM cawlcanghnak a tuahtu palik pakhat nih a chim.

Shan-Karenni (Kaya) Ramri Phaekhung Pawng SAC Ralkap Battalion 422 Riahbuk Ni 2 Peh In Kah An Ton Caah 5 An Thi. Shan ramkulh le Kareeni (kaya) ramkulh a tonnak Phaekhung peng Silawh(ဆီးလော့) khuapawng ah umhmun khuarmi SAC ralkap battalion 422 cu tualchung hriamtlai phu hna nih May 19 le May 20 ah tiin nihnih chung an kah hna ca ah SAC ralkap 5 an thi tiah Inlay People Defence Force IPDF sin in theih a si.

May 19 kahdohnak cu zinglei in an thok i chunnitlak tluk fakngai in kahdohnak a chuak. IPDF nih Similawt khuapawng SAC ralkap sakhan umnak battalion 422 cu 60 mm in an kah hna caah SAC ralkap lei nih 60mm, 120 mm le 79 mm hmang in an kah ve hna.

May 19 kahdohnak SAC ralkap lei 5 an thi i 3 hliam an tuar, Inlay PDF in pakhat hliamhma a tuar ve tiah theih a si. May 20 kahdohnak cu Similawt khuapawng ah a cang i, SAC ralkap lei 3 hliamhma an tuar tiah theih a si. A tutiang cu ka hmunhma ah cun kahdohnak pehtlai in a chuah caah tualchung mipi hna nih a rannak in a himnak hmun ah i dor cio ding in IPDF nih an thanh.

Similawt khuapawng ah umhmun khuarmi SAC ralkap hna cu Inlay PDF, Phaekhong PDF battalion 2, KNDF le tualchung hriamtlai phufonh hna nih an kahdoh hna tiah theih a si.

KhinOo Peng SAC Ralkap Hriamngan In Zarhkhat Chungah Khuami 10 An Thi. Sagaing ramtthen, Shweboo pengkomh, KhinOo khuapawng Intai Laytawng(အင်းတိုင်းလေးတောင်) khua le Tatai(တာတိုင်) khuachung ah SAC ralkap hriamngan kahnak ruangah khuami 10 an nunnak a liam i, 10 nak tam hliam an tuar tiah KhinOo PDF in tuanvo ngeitu pakhat nih a chim.

2021, March 25 in nihin May 22 tiangah Shweboo pengkomh KhinOo pawnghrawng khua hna ah SAC ralkap kahnak ruangah khuachung mipi hna le tualchung hriamtlai minung 150 nak tam an nunnak a liam cang tiah a chimchap.

Inpin-Hti Khua Umhmun Khuarmi SAC Ralkap le Pyusawhti Pawl Kah An Ton Caah 10 An Thi. Pale peng, Inpin-hti khua ah umhmun khuarmi SAC ralkap le pyusawhti hna cu May 22, chunhnu ah tualchung hriamtlai phu hna nih luhhnawh in an kah hna caah, pyusawhti le SAC ralkap 10 hrawng an thi tiah Kyatanat(ကျားသစ်နက်) pah-kah-phah phu in tuanvo ngeitu nih Mayelat Athan ah a chim.

Kaphnihkar kahdohnak ah tualchung hriamtlai phu lei in minung 3 hliam an tuar i, siizung ah an thlopbul hna tiah theih a si. Hi kahdohnak ah Kyatanat(ကျားသစ်နက်) pah-kah-phah phu, Pale Jawga(ဂျော်ကာ), Yoma fighter Ramboo(ရိုးမဖိုက်တာရမ်ဘို) tat-khuai Yinmapin, Pale battalion 1, battalion 6,1,3 G.O.G Myaing phufonh hna nih an kahdoh hna tiah theih a si. Credit: The Chin Post

Be the first to comment

Leave a Reply

Your email address will not be published.


*