NUG Nih AA Sinah Paletwa A Pawn, Lohtlau cikcek ai si rawh.

NUG Nih AA Sinah Paletwa A Pawn, Lohtlau cikcek ai si rawh.
=========
Kan hnu naite ah khan NUG nih Arakan Army (AA) sinah NUG he țang țin dingin a sawm, bialam a kal. Arakan army (AA) nih caan zeimawzat an i ruah hnuah AA cu NUG he hmun khat ah dir ți in kan țang ți ko lai tiah lungtlinnak bia an leh hna.

Arakan Army (AA) nih lungtlinpinak ca an leh hna le cangka in Chin ram Paletwa khua cu Rakhine ramkulh, Rakhine state a si tiah thawng an thanh colh.

Arakan army (AA) an chunmang a tling. AA an lungthlitum le an saduhthah a tling kan ti lai cu. Kha hlan tein khan Paletwa cu Rakhine ram ah khumh dingin AA nih an rak i zuam zungzalmi a si. NUG nih AA he an țan ți i an dir ți khawh nakhnga Chin ram Paletwa khua cu AA (Arakan Army) sinah a pawn diam ko ai.

Cucaah atu lio caan karlak ah cun ralhrang kan doh cuahmah lio a si ko, nain hmailei ah cun Chin mi kan caah kan ral ngan bik le kan doh te dingmi cu NUG le AA an si te lai. Dinnak kha a cat lomi tiva bantukin luanter camcin ko u (Amos 5:24). Salai K. Biak Lian Thawng

NUG nih Paletwah hi Rakhine Ram a si tiah ca a chuah mi cu. lung a nuam kho hrim lo.Chin Mi Upa lung fim nan um ko ah cun’ mah kawng hi a si ka tein a tharhlam liao ah mi zapi theih bak in’ nan tawlrel a hau ko. Media nih biahal tik zawng ah a thi tein kan tawlrel ko tiphun cu a si kho Lai Lai lo.

Mah an cachuah ka hmuh hnu ah cun” DR. Lian Humg sa khawng le Dr. Sa Sa nih zeitin dek ka lung thin an um ter cang. Atu Lio tein fak taktak in Chin mi Upa lung fim deuh pawl nih nan cawl cang lo I a hnu ram a that tik ah NUG nih an ram si a rak ti cang le tiphun in bia nan chim te tik ah’ Mipi nih kan in zum kho ti hna Lai lo.

NUG hi rinhtlak an site ngai hnga maw, “Rakhine state Paletwah peng” an ti ko hi ta. NUG nih AA pawl cu an lei ttang dingah nai cikua in a lem len hna, AA nih hin, Paletwat peng hi Rakhine state si dingah nan kan bawmh le dirpi lo ahcun tiah bia an tiam hna dahra ti awk khin a um.

NUG nih Paletwah peng kong a rak ttial tawn nain Rakhine state ah a telh bal lo,naite AA he an i ton hnu in mahhi a chuak mi si kho maw ti ruah aphu ngai.

1824 lio i British nih Rakhine a rak lak lio ah Paletwa hi a rak i tel. Cu caah nihin tiang Rakhine ram phun in a ruat an um peng. Chin miphun umnak ram a si kha an philh tawn rua. NUG zong ahcun kan Dr le pahnih cu vuanci ah kan i neih ko tung hna hme? an thei hnga lo maw?

AA an i tel lo zawng ah dothlen nak cu tei nak in a phi a chuak lai.NUG nih a sawm mi kha vantthat ah i rel hna seh mi saa kah cia, vai hrawm ve an si sual lai.AA nih Palehwah ram an ram ah an telh hi cu thlitu lak ah vawihvawih bantuk asi.

Chin mi nih kan i uar thla mi hna Dr. Lian hmun sakhong le Dr sasa an tuan bia chia ko ne lai hi a sawhsawh si lai lo chin mi bia tak te in kan tan hau.

A si tak tak cun Chin miphun caah cun AA le NUG he zong hmailei kar hlan khawh Kan si tung Lai lo. Buainak ngan pi a chuak men te Lai an tial tak tak ko ah cun Kan pa le Hal ding an si. An delete cang zong ah an santlaih lo zo a lang ngai, an i palh ah cun kan i palh ti bak ding. Delete lei i ‘tan kha cu lung a si deuh ruam loh.

DOHTHLENNAK AH I TEL HAU, REL THLU UH; Kansas City ah CBCUSA CDF Supporting Committee meeting ngei ding kan si i lampi Dallas airport ah suimilam 5 bak ka taang.

Airport ka um chung ah pi NGUN TAANG (Rua khua) nih a ka chawnh i kan ram Dohthlennak kong ka ruah ah zahan zaan kai hngilh kho bak lo i tuchun ah credit card bak in bank ah phaisa ka va chuah i $2000 nan nu (Vanbawi nu) sinah ka pek e tiah a ka chimh.

i NGUN TAANG hi nuhmei, fa 4 a cawm lio mi a si. Malaysia an um lio ah an pa nih a thih taak hna i an nufa rual tein US/Indy an rak phan. Mi pangpar dum ah rian a ṭuan. Ei chom te a hmu mi si. Nain, Pathian hi ai bochan tuk i zeitikhmanh ah lungretheih hi a ngei bal rua lo ka ti. A ni kho peng ko.

CNF/CNA/Chinland Club ah hin a ti khawh tawkte in a thawh peng. Hlan zong ah $300 a rak thawh i ka rak ṭial bal cang. Chinland club nih thla 1 ah $100 thawh cio ding an timi zong thla 6 bak a thawh dih cang. Atu hi CBCUSA CDF Supporting Committee nih kan aupi mi ah $2000 hi a van thawh ṭhan. Khua zei ah hme phaisa a lak hnga ti tiang a ka ruahter.

Amak ko. Pathian nih Pi NGUN TAANG hi kan ram Dohthlennak ah mi lungthawhter tu siter a timh bak lai ti ka zumh ko. Nuhmei te, fa 4 a cawm lio hmanh nih hi tluk i kan ram Dohthlennak ca i ai zuam khawh ahcun zeitinhme kan um sawh ko lai tiah khua a kan ruahter/challenge cio hrimhrim lai ti ka zumh i pi NGUN TAANG upatnak pek pah in ka lung siaherh ka van in hrawmh cio hna.

Nan lung a tho dek maw. A thawh lo ahcun rel ṭhan uh. A thawh hlei rih lo ahcun rawl uul te uuh law rawl ṭam in i hrem te uh. Credit: Vanceuuk Khenglawt

US House of Representatives nih Kawl ralkap a ziizut khawhnak phung a fehter! Kawl ralkap a ziizut khawhnak caah US nih aa zuammi Burma Act 2021 timi phung cu US House of Representatives nih April 6 ah a fehter.

Mah phung hi a fehter caah Kawl ralkap nih 2021 thok in uknak a chuh hnu, hramhram in thil a tuah ruangah mipi 1,700 leng an thi lawng si loin nuhrin covo a buarmi thiltuahnak ruangah a tuar lai timi thawngpang kan thanh a si tiah US House of Representatives Chairman of Foreign Affairs Committee Gregory W.Meeks nih cathanh a chuak.
Cun, zalonnak ngah duh ah ral a tumi Myanmar mipi pawl he kan dirṭi khawh caah kaa uangthlar tiah Mr. Meeks nih cathanh ah a telh chih.

Britain ram ah hram a bunhmi nuhrin covo phu Global Witness zong nih Burma bill an fehtermi cu kan don i Senate zong nih fehter ve ding in a forhfial hna. A tu phung cu “Burma Unified through Rigorous Military Accountability Act of 2021” a silole “Burma Act of 2021” tiah auh a si.

Mah phung hi Hluttaw a pahnihning in fehter in US President nih min a thut a si ahcun 2021 February 1 thok in ralkap nih uknak a chuhmi a bawmtu minung pawl, a bawmtu phu pawl a ziizutnak, zalonnak phihkhanhnak, nuhrin covo an buarmi, mipi pawl hrem an sinak le minung thinlung ngei lomi an thiltuah pawl he pehtlai in a phichuak vialte cungah tuarter ṭhan khawhnak nawl a um lai.

US Ministry of Foreign Affairs zong nih Myanmar ram Democracy ngah ṭhan khawhnak caah Coordinator phakhat rianpeknak nawl a ngei lai i Myanmar kong hmaithlak in aa zuammi American cozah department pawl karlak biaruahnak, ramdang nih a lamkip in phihkhar khawhnak nawl zong a um lai.

Cun, Myanmar ram i a pawngkam ram a simi Thai, Bangladesh lei in mipi lei phu pawl bawmh khawhnak nawl a um lai. UN nih SAC fak piin a ziizut khawhnak hnga American cozah nih hneknak nawl a ngei fawn lai.

A tu phungning ahcun 2012 thok in Rohingya a silole a dang tlangcung miphun cungah Kawl ralkap nih a buarmi sualnak pawl, 2021 February 1 hramhram in uknak a lak hnu ah a buarmi sualnak pawl he pehtlai in ruahdamhnak, Myanmar ram ah a tu bantuk in hramhram thiltuahnak pawl a um ti lonak hnga khamnak pawl, tlukruannak a um khawhnak pawl he pehtlai in mah phung an fehter ni thok in thla 3 chungah US Minister of Foreign Affairs nih Hluttaw Committee pawl sin ah an chimpuan lai tiah an langhter.

Be the first to comment

Leave a Reply

Your email address will not be published.


*