Pale Kahdohnak Ah Ralhrang A Thimi An Tam

Pale Kahdohnak Ah SAC Ralhrang 20 Leng An Thah Hna.

Sagaing ramṭhen, Pale peng Tonkan le Hnaungyoe khua karlak ah kahdohnak a chuak i SAC ralkap 20 nak tlawm lo an thi tiah Myanmar Royal Dragon Army (MRDA) hruaitu Captain Naga nih People’s Spring ah a chim.

March 12 zaanlei sml 5:00pm hrawng ah a cangmi cu kahdohnak ahcun mipi hriamtlai 3 an nunnak a liam tiah a chim.

“March 11 ah Thapyeaye khua a khaangtu le Tonkan khua ah umnak a khuarmi SAC ralkap thazang 90 leng an si. Asinain, 63 lawng an rak chuak ṭhan kho. Kan mah MRDA in pahnih le PDF-Pale in pakhat an nunnak a liam.

Kahdohnak hi 40mins hrawng a rau i mipi hriamtlai phu nih kahdohnak an thokmi a si.

A thimi ralkap pawl cu March 13 ah mawṭaw in an thir hna tiah pale peng thawngzamh nih an langhter.

Pale peng khua hna cu February thla thokin SAC ralkap nih thilrii pawl mei in an khangh i nu hna cu an tlaihhrem hna.

Pale peng a laifang Chaung U, Zeephyogone, U Hnaut, Hnaungyoe, Thapyeaye le Tonkan khua hna cu mei khangh an ton caah khuami a thong leng an zaam tiah People’s Spring nih a langhter.

The Chinland Post

 

Be the first to comment

Leave a Reply

Your email address will not be published.


*