Pasalthan bak, A innhmun a zuar mi in meithal zuun 1 a cawk!

A innhmun a zuar mi in meithal zuun 1 a cawk
———
Saganing ramtthen ah hram a bunh mi PDF phu pakhat in ralbawi pakhat nih khuapi a innhmun a zuar mi in meithal zuun 1 a cawk tiah Myaelatt Athan nih a langhter. တွေ့ရာသင်္ချိုင်းဓားမဆိုင်း timi phu in Bo Suan nih cun khuapi ah an nu fa tein umnak ding caah a rak cawk mi a innhmun cu ralhrang dohnak meithal sit pakhat hmanh an ngeih lo caah a innhmun a zuar i M4 meithal pakhat a cawk hi a si.

“Innhmun hi tuan deuh ah khan Sing 120 man a si. Ka nu ngandamnak ca ruat in inn ka sak lai i khuapi ah kan um lai ka rak ti. Atu ahcun leiba zong kan ngei. Meithal kan ngeih lo caah innhmun te cu ka zuar i Sing 220 man M4 zuun 1 te ka cawk” tiah a chim. Kan hnung te ah khan an phu chung in minung 1 tlaih a tong i midang pakhat nih a nunnak a pek.

Hi bantuk thil ruangah an phu nih auto meithal pakhat te tal ngeih lo cun ka nau le he i vennak caah a si kho lo ti aruah caah a si khawh chung in meithal a cawknak hi a si. A ralai mi kum thar in cun NUG nih hriamnam a kan bawmh ttheu lai ti ruahchannak he dothlennak pehzulh ding in an i timhnak kong zong a chim chap.

Cobra Raltuk Cawn Dih Puai Ah NUG Prime minister Aa Tel Kho, Hriamnam 50 A Pek Hna. KNU, brigade 6 hmunhma chung ah Cobra raltuk cawnnak dih puai cu December 25 ah an tuah i NUG in Prime Minister Mahn Winn Khaing Thann nih a telpi hna i biachimnak zong a ngei tiah theih a si.

NUG Prime Minister Mahn Winn Khaing Thann nih NUG cozah nih kum khat chung a tuahṭuanmi pawl, tlangcung hriamtlai phu hna he hmunkhat te ah rian ṭuan ṭinak, UN telh in vawlei cung ram hna he pehtlaihnak ṭha an ngeihnak, le tlangcung hriamtlai phu hna le mipi veengtu (PDF) hna i fonh in hmunkhat te ah rian an ṭuan ṭinak pawl cu mipi veengtu ralkap hna sin ah chimhfiannak a ngeih hna.

Cu hnu ah Prime Minister nih hriamnam 50 cu Cobra ဒုစစ်ကြောင်းမှူး sin ah pekchanhnak a ngeih i CRPH in Hlutdaw palai (လွှတ်တော်ကိုယ်စားလှယ်) Daw Phyu Phyu Tin nih upatnak laksawng sing 10 a pek hna tiah theih a si.

Raltuk cawn dihnak puai ah hin Hlutdaw palai Daw Phyu Phyu Tin, thlanglei raltuknak lei in ralbawi Saw Phinit, ralbawi Saw Shia, mino le ngakchia lei vuanci Ei Thinzar Maung hna zong nih an tel pi khawh hna tiah thawng theih a si.

SAC Ralhrang Hna Nih Vanlawng In Bomb An Thlak Ruang Ah Mipi 4 An Thi, Minung 8 Hliam An Tuar. Magway, Saw pengchung um Nyaung Gan khua ah Dipi 26 zanlei suimilam 2(Kawlram caan)hrawng ah SAC ralhrang hna nih Jet Fighter in bomh an thlak caah tualchung mi minung 4 an thi tiah Khit Thit Media nih a langhter.

“Kahdohnak zong a um lo. Jet Fighter pakhat in bomb voihnih a van thlak. Voikhat a thlak i a lan, a kir lei ah kah pah in bomb a van thlak ṭhan. Pawngkam ah kahdohnak zong a um lo i an ralkap zong an um lo. Hramhram in a van kahmi a si ko” tiah Ko Aung Kyi nih a chim.

SAC ralhrang nih bomb an thlak ruang ah Nyaung Gan khuami nu pakhat le pa pathum, an dihlak pali an thi i nu pakhat le pa pasarih, an dihlak minung pariat hliam an tuar. A tlawmlei ah inn 6 hrawng a rawk i khuami hna zong hmunhimnak kawl in an zam tiah theih a si.

Thihdar: Christmass Lai 24,2022, Ramvaihnak Ah Meithal In I Kah Sualnak A Um! “Aizawl” ni 24, December, 2022 ah khan “Lalhmingsanga” kum 40, YMA Mission sangah um mi cu ramvaihnak ah meithel in an kah sual ruangah a nunnak liam ti ah theih si.

“Meithal kuan luhnak hi a taksa kehlei lawng te ah si in, ka rel ah khan hmun 9 hrawngah a khenh in ka theih. A kehlei khabe ah pakhat, a keh lei ban ah pathum le a alzim kehlei ah hmun 5 in ka hmuh. A khabe meithal kuan luh mi hi a vorhnak hmun dang ka hmu bak lo, mah hi a thihpi mi siman lai ti ah kan zumh’ ti in a hmun ah kal mi YMA mission sang Branch hruitu pakhat nih Zalen News ah a chim.

Zalen nih YMA Sang Branch hruaitu hna sin in a theih ning cun, Lalhmingsanga hi “Lungleng ram tlawng” pawngah loo tuah in vawk zua mi si. A zohkhanh tu hna an i dinh ruangah ni 20, December, 2022 ah khan a nupi le a fa hngakchia cem hruai in an riak. Christmass mehmua ah ti in a unau pe he ramvaih ding in an chuak ti ah theih si. December 24 zanlei suimilam 5:00pm hrawngah meithal puah thawng theih a si i, a hnu deuh ah zunkhat puah than mi aaw theih si than.

Hmingsanga nih hin a chung le phone call a pick khawh lo ruangah midang sawn in an kawl colh. Ni 25, Zinglei suimilam 3:00am ah thingtang lungpi pawngah RUAK in hmuh si. YMA mission sang hruaitu hna cu zinglei suimilam 4:00am hrawngah a hmun an phan colh ve. Mithi hi Zoram Medical College, Falkawnah post mortem tuah in, a hnucem i hmutu “Ramchhuahpui” hi Palik sakhan ah bia hal ding in an lak ti ah theih si fawn.

Hikong he pehtlaiin, Kulikawn Palik hna nih cun tu tiang thil can ning hi an theih kho rih lo, a mah te in a khawh sual i si lai ti lawng an ruah khawh tawk si rih, Lalhmingsanga hi Damdiai khuaah Hight School ah ca chim tu a rak si tawn, kut riantuan nuam ti mi si ruangah ca chim tu rian hi chuahtak in ‘Head Mistiri’ a tuan. Tantak mi, A nupi le a fa le 3 Pathian nih tuarin khawhnak pe hram hna seh. Ref: Zalen News

Be the first to comment

Leave a Reply

Your email address will not be published.


*