Pathian nih nagktah le nuhmei kha an zawn a ruah hna

Pathian nih nagktah le nuhmei kha an zawn a ruah hna(Sam 68:5)
=========
Pu Tlung Cin le Pi Ngeih Vung(Salen khua) nih an roh taakmi hna U Nau hna pa hnih: David Khenglot(Salen) Joshep Khenglot(Salen) Zawtfah zualhma intuar bu he bawmchaantu hmuh awk ah Pathian an hal cuahmah lio a si. “Mi sin kip ah bawmh kan hal cang hna nain bawmtu kan hmu kho ti lo, nangmah nih kan zaangfah ko law” tiah lungzur ngai in ka sin ah bawmh halnak an ka kuat.

An zawtnak le an harsat ning hi u pa zeimawzat sin in ka hlat hnu ah bawmhnak kan vun in hal chin hnanak a si.
A naute hi a hnit an lak piak. Cun, a hngawng a bo i Operation an tuah tthan. Vui hnih an khuai. Hi vialte caah a dihmi Kyats= 1,000,000/- hi pek tthan lo awk ttha lo in, mi nih an cawih chung hna. Cham piak hrimhrim an hau.

A Uu tu cu a rilhnak ah a ban thlalang nih a ah piak i a thahri a cat dih. Opreration tuahnak man aa pek kho ding a si lo caah a ttawl lawng in a hma cu an tawl piak tawn(A mah chimning in). Zokzok in operation an tuah piak lo ah cun a kut kha a thi(A zeng) beh ding a si.

Phaisa a dih hnga hi tuak awk a har pah nain, Kyats= 1,500,000/- poah cu a dih kho men tiah ka ruah. An U – Nau eidin, an umtthutnak, Sii-ai le ii thlopnak vialte caah hin cun: Kyats = 3,000,000/- hi bawm chung ko hna u si law, a zaat lo le an herhning in kan chap piak te hna hnga (An sining a va zohkhenhtu mi lungfim an um te lai).
Laiphung ah cun” Ngaktah khuaawng tong lo” ti a rak sinain, Vancung pennak Dawtnak ram bal ah cun ngaktah cu khuaawng pem khun an si.

Pathian fanu fapa hna phaisa ui hlah uh sih. Fapa ngeihchun hmanh ui lo tein a kan pe siangtu Jehovah kan Pathian khi cungchin ah hun cuan tthan taa hna u sih. Na tuahser mi cung ah Pathian nih thluachuah in pe seh. Bawi Khrih ah nan rian tuan hawi.

Pathian Thlarau Cu A Fale Hna Chung Ah Aa Hrolh: (16-5-2022). Naite ah Hakha peng khua khat ah faktuk hliamkhuai khawndennak in chungkhar pahnih chung in thih lohnak tiang an phan. Hi hna chunkghar i an tuarning a fahning le an harsatning kha an kong a hngal biktu Nu pakhat nih phone in a ka chimh.

Siizung ah ka va zoh hna cu, zaangfak ngaihchia taktak khi an si. Hringtu nu nih a fapaw thla thum he ngakchia tete pa(2) a roh taak hna. Ka lungthin innka kaa on cia colh i zeitin in dah ka bawmh hna lai timi lam ka tuak cuahmah.
Zaan kaa hngilh lai te cekmak ah Tuan Tuan le a hawi ttha Dawtku sin in thawngtha ka hun don. “U Cung mizaw harsa bawmh kan duh i hodah kan bawmh hnga, zumhnak thlaici tuh kan duh” ti a si.

Vanchiat a tongmi hna chungkhar pa(2) kong ka chimh colh hna. An lung a tling tuk ve. “Phaisa kan in kuat lai” an ka ti. Ka lungkil in thla ka cam i “Bawipa nang cu bawmh awk na kawl hna i na hmuh colh ko hna” ka ti. Phaisa an ka kua bal ti lo.

Ni 3-4 a rauh hnu ah “Motor accident kan si i ee a tu hi Hospital in kan ttum ka U Cung” an ka ti tthan. Nain, an thi lo. Phaisa MMK: 900,000/- le Dolls ngan pipi an vun kuat hna.

Pathian bia nih ka thinlung a hun ka kheen colhmi cu nuhmui sifak angki a rak serh tawntu Nu Dorkas kong kha a si. Ni khat cu a zaw i a thi. Dorkas cu Peter nih a rat hnawh. Dorkas nih a rak serhmi hna hni le puan cu Nu pawl nih ttah bu he Peter kha an hmunsak. Peter nih thla a camh i a Nung tthan. (Lamkaltu 9:37-41).

Ka mizaw nan rak ka bawmh piakmi tete hna hi ka Bawipa Jesuh ka va hmuhsak tawn lai. Mizaw sifak nan bawmhnak tete hi Lunun ngandam nan hmuhnak hnga ah va i chuah seh ti hi nan caah ka thlacamnak a si ttheu tawn. A taktak cang in, Thiang Thlarau rian tuannak hi, na caah thazaang si ve ko seh.Amen.! Bawipa nih Sunpar Co ko seh,

An bawmh mi Mizaw hna zong Bawipa Thawng in Damnak hmu hna seh law Mortor in ai hliam sual mi Bawmtu hna zong Bawipanih dam nak pe zak ko hna seh. Miphun dawtnak in Rian tha tuk lr Rian har tuk mi anvkan tuanbpiak tu Saya Cung (Nangmah) inchungkhar zong ah Pathian Thluachuah um zungzal ko seh tiah Thla ka cam. Amen.

Pathian thlachuah i ka hmuh mi ti i ka ruah mi pek nun ngeih hi thlachuah a si tiah ka ruah ka pek chanh hmun in ka hmu lo nan ka theih lo le ka ruah lo mi sin i ka don mi thlachuah hi ka rawl cawk ti lo kan pathian rian tuan ning hi a va mak hring hran dah.

A tuan tu le a bawm tu nan dih lak in Bawipa nih amah sunparnak caah in hmang chin hna sehlaw in um pi peng ko hna seh. Amen athatuk lawmh a umtuk ee. Bawipa nih na ruantuannak thluachuah pe chin ko seh U Cung. Mizaw harsa cung i dawtnak kut a samhtu dihlak cung zongah Bawipa thluachuah pe chin ko hna sehlaw.

Bawipa nih pe Tu hna cung ah si seh ka pa cung te nan family cung ah si seh thluachuah nak he in um pi zung zal hna seh. Nuamhning Phun 2; Mirum nih phaisa an i khon cuahmah i an i nuam, Mi sifak nih an ngeihchun mi an pek cuahmah hna i an i nuam. Credit: Cung Hu Blood

Be the first to comment

Leave a Reply

Your email address will not be published.


*