Poi Tuk E SAC Ralhrang Nih Chuncung Khua Rung Hu A Nunnak An Laak.

SAC Ralhrang Nih Chuncung Khua Rung Hu A Nunnak An Laak!

Chuncung khua riak SAC ralhrang nih Rung Hu cu a inn ah meithal in a lu le a tang ah an kah hnu ah an inn pawng tiva hor ah hmunthur khuh in an rak chiah mi a ruak cu hmuh a si. Nihin zingka ah Khua mi nih a ruak an laak tiah kan theih.

Rung Hu hi thluak lei damlonak a ngeih caah SAC ralhrang Chuncung an phak lio ah Khua in a zaam lo mi a si.

Credit: The Chin Post

Relchap:Ngaihchiatnak Tawnghthamnak

Mah kong he aa tlaimi ruahnak cheuhnak tampi a um. Asinain a zapi in cun bawmtu an si lo. Tahchunhnak ah, mi cheukhat nih ṭap hlah asiloah na intuarnak kha langhter hlah tiah ruahnak an in cheuh men lai. A dang nih cun na intuarnak vialte kha langhter dih tiah an in ti men lai. Baibal nih a tlarimi hmuhnak kha a langhter i chanthar hlathlainak hna zong nih mah kha an cohlan.

Nunphung cheukhat nih pa cu ṭah phung a si lo tiah an ruah. Mi hmai i mitthli tlak cu ningzak a si maw? Mitthli tlaknak cu ngaihchiat tikah a cang tawnmi phung a si tiah lungthinlei ngandamnak kong hlathlaitu pawl nih an ti. Thil tampi na sung ko lai nain a caan a cut tikah hmailei i kal awkah ngaihchiatnak nih aan forh men lai. Ngaihchiatnak i sumnak nih ṭhatnak nakin harnak a chuahter deuh. Ngaihchiat ruangah mitthli tlak cu a palh asiloah a pa lomi an si timi ruahnak hna kha Baibal nih a cohlang lo. Tahchunhnak ah Jesuh kong kha ruathmanh. Anih cu thawhter ṭhan khawhnak ṭhawnnak a ngeimi a si ko nain a hawipa Lazaruh a thih tikah mi hmaiah Jesuh cu a ṭap.—Johan 11:33-35.

Ngaihchiatnak nih thinhunnak a chuahter tawn, a hleiin ruahlopi in thihnak hna ton tikah a si. A ngaih a chiami pakhat kha a thin a hunter khomi a ruang tampi a um. Tahchunhnak ah, an upatmi pakhat nih khuaruat setsai loin a chimmi bia ruangah a si kho. Thlanglei Africa ah a ummi Mike nih hitin a chim: “Ka pa a thih lioah kum 14 lawng ka si rih. Ruakvuinak ah Anglican phungchimtu pa nih Pathian nih miṭha kha a herh hna i a lak zau hna tiah a ti. *  Kan nunnak ah ka pa cu kan herh tukmi a si caah mah bia ka theih tikah ka thin a hung. Atu cu ka pa a thihnak in kum 63 hmanh a si cang ko nain ka ngaih a chia rih ko.”

Kanmahle kanmah sual kan i phawt ah tah zeitin? A hleiin ruahlopi in thihnak a tongmi chungkhar pakhat nih ‘keimah nih cutin rak tuah ninglaw hi thil hi a cang hnga lo’ tiah atu le atu sual aa phaw kho men. Asiloah a thimi he hmanung bik bia an i ruah lioah bia an i al men lai. Cutin a si ahcun mah nih ka sual timi ruahnak a ngeihter chinchin men lai.

Ka sual timi ruahnak na ngeih i na thin a hun ahcun mah na intuarnak kha thuh lo awkah a biapi. Mah canah na bia aan ngaihpiak i aan theithiam hngami, aan hnem kho hngami na hawi sinah chim. Baibal nih hitin a ti: “Hawikom nih cun zeitik paohah dawt zungzal a si, u le nau cu harnak i hrawm awkah hrin kan si.”—Phungthlukbia 17:17.

Thihnak a tongmi chungkhar caah a ṭha bikmi hawikom cu a kan Sertu Jehovah Pathian a si. “Amah [Pathian] nih aan zohkhenh hna caah” nan lungthin chung i a ummi vialte kha phuang dih u. (1 Piter 5:7) Mah lengah a sinah thla a cammi hna i an ruahnak le an intuarnak hna kha ‘minung hngalhnak a lonhtu Pathian daihnak’ in kaan hnemh hna lai tiah Pathian nih bia aa kam. (Filipi 4:6, 7) Cun hnemhnak a pemi a Bia, Baibal in aan damtermi hna kha cohlang u. Hnemhnak a pemi  Baibal caang hna kha cazin in tuah u. (Rinli kulh kha zoh.) Mah lak i Baibal caang cheukhat kha i cinken nan duh ko lai. Nan lung a len i nan i hngilh khawh lo tikah mah Baibal caang hna nan ruahmi nih tampi aan bawmh ko hna lai.—Isaiah 57:15.

Kum 40 a simi, Jack cu naiah a nupi nih cancer zawtnak in a thihtak. A caan ah ka lung a leng tuk tiah Jack nih a chim. Asinain thlacamnak in bawmhnak a hmu. Hitin a ti: “Jehovah sin thla ka cam tikah ka li a leng ti lo. Zanṭim ah kaa ṭhang i kaa hngilh khawh ti lo caan hna a um tawn. Hnemhnak a pemi Baibal caang hna ka rel i ṭha tein ka ruah hnuah Pathian sinah ka intuarnak kha ka phuan. Mah tikah ka lung a hun dai i kaa hngilh kho ṭhan.”

Mino a simi Vanessa i a nu cu a zaw i a thi. Anih zong thlacamnak hmual a ngeih zia kha amah theng nih a hmuhton ve. Hitin a chim: “A har bikmi caan hna ah Pathian min kha ka auh i ka ṭap. Jehovah nih ka thlacamnak a ka ngaihpiak i ka herhmi thazaang a ka pek zungzal.”

Ngaihchiatnak kong he aa tlaiin ruahnak cheutu pawl nih ngaihchiatnak a tongmi hna nih midang va bawmh asiloah phu pakhatkhat ah caan pek in bawmhnak rian va ṭuan ti bantuk kha an tuah awk a si tiah an ti. Cutin an tuahmi nih lawmhnak a hmuhter khawh hna i an ngaihchiatnak kha a zorter khawh deuh. (Lamkaltu 20:35) Midang bawmhnak nih hnemhnak a kan pek ti kha ngaihchiatnak a tongmi Khrihfa hna nih an hngalh.—2 Korin 1:3, 4.

 

 

Be the first to comment

Leave a Reply

Your email address will not be published.


*