Pu Zing Cung nih AA le Paletwa he pehtlai in tlawmpal a chim ni tlawmpal ah

Pu Zing Cung nih AA le Paletwa he pehtlai in tlawmpal a chim ni tlawmpal ah
========
Paletwa- CDF kum khat tlin lawmhpi nak ah Pu Zing Cung nih AA le Paletwa he pehtlai in tlawmpal a chim ni tlawmpal ah CDF-Mindat nih AA nih a bawmh hnanak a chim ve. Hihi cu ai pehtlai lo ti awk a ttha lo.

CDF-Mara le MDF kong he pehtlai in CJDC nih CDF-Mara lawng pom a si tikah cu hlan i AA he ai pehtlai mi MDF hi AA he i naih chinchin dah lo thim awk ngei lo ah a cang ve kho. Hi nih a langhter mi cu tutan Chinmi dohthlennak ah AA hi a biapi ngaingai.

CNF/A i AA he pehtlai in an awaan zoh ah a hro deuh in an i hro tikah AA he ai pehtlai mi he paoh cun i rem lo chin lengmang khawh an si. Chinmi chung lungrualnak le duhning in a kal lo tikah AA he pehtlai in Chin hriamtlai pakhat cio i kalpi ning hi laireltu ngai ah a cang ve te men lai.

AA hi ral zoh in a zohmi le Kawi i a tlaimi, tiin Kan i dan ahcun Chinmi atu nakin kan i tthen rih lai ti a lang. Chinmi le Chinmi hi cu i hmuhthiamnak a um te lai ti ka zumh ko. Caan a rauh tuk hlan, a si khawh ahcun tukum chung ah hin zeidang vialte nakin lungrualnak nam ah a ttha hnga ka ti.

A si khawh ahcun Bu min le pengtlang vialte nakin lungrualnak le i khahnak lam hi Kawl hna seh law a tlamtling ko men lai ti ka zumh ve. Hi tluk i Kan tha a thomi, Kan i fun khawh lo ruang i Kan dohthlennak a hrulh ding cu a pam tuk.

Ka ruat ngai ve. AA he pehtlai in kalpi ning thlen zokzok a hau. Cu lo ahcun a kan tthen tu men ah an cang la ti ka ruat ve. A si khawh ahcun Paletwa hi a cuh in i cuh lo in Kan in hlanh hna ti tu theihter lawlaw hna i hmun khat i umnak lam tu hna Kawl ah a ttha lai ti ka ruat tawn.

Mah hi tuni ka ruah ve len mi a si. AA hi ral zoh in Chin hriamtlai nih zoh bak lo ding a si. Common enemy kan ngeih caah ttangti ttha tuk tu ah ser ding an si. AA he aa pehtlai mi poh huat le ral phun in kan um ahcun kan Chin ram dothlannak ahhin thilrit taktak kan i khinh chap a herh te lai.

AA cu independence lak duhmi an si caah an ram vennak ding caah military strategic areas pawl ahcun ralkap chiah ve hrimhrim cu an himnak ding caah a herh ve rihmi si caah atu ahcun kawl ralkap kut in luatnak hmuh hi kan tinh cio awk a si ko. Kan luat hnu ahcun AA le kanmah cu zei poh a tthat biknak in I ceih khawh a si te ko lai, ti khi ka ruah ko eeh. A chung thil tampi kan theih lo caah kan hei palh diam zong si kho ve ko.

CNF sinah lungtlinlonak a ngei mi vialte hi CNF nih a that khoh chungin zohkhenh le fapa/fanu zohin zoh hna sehlaw Pacan cuhin CNF hi um kho peng sehlaw a tha tuk hnga. Lungrualnak le Biakhat tlaih tti khoh hi Chinkand nih a herh bik mi si ko rua. Credit: Mang Hram Kung

PASALȚHA HNA NUNNAK LE THISEN! Van BAWI FAPA JESUH KHRIH lungkuai i a thlacamnak cu leh a rak si lo bang, kan thlacamnak leh i luatnak nakin, Ram caah pek a herh deuhmi nan nunnak cu pek an si cang!

Nikhat ni zing (Nizan zing) ahkhan, mithi ruakinn i sak tawnmi hla kha ka nunnak ah lang kaw, “Aho thih thawngdah ka theih te lai,” ka ti. Nau le hna nanmah thawngtu maw kan theih! THIANG THLARAU thawngin BAWIPA sinah nan i din ti cu ka hngalh!

Pasalțha hna, Chinram le Chin Miphun caah, nan nunnak le thisen cu Thluachuah thlaici ah nan thlet in nan tuh cang!
Pasalțha hna le Nusalțha hna nih an nunnak le thisen an thlet mi cungah ahodah hakkauhnak in ziknawh a ei ngam lai i amah pumpak hlawknak le miaknak ah a hmang ngam lai? BAWIPA nih a zoh men hna lai lo.

Leiba cu cham țhan khawh a si. Chaw le va inn le lo sunghmi zong renhțhan khawh an si. Sihmanhsew, Kut bul le ke bul le nunnak le thisen thlet cangmi cu lak țhan khawh a si ti lo. BAWIPA Mit hmuhah nan thletmi nunnak thisen hi sunglawi ko seh. Vawlei a hmunh chung cu philh si hna hlah seh.

Dawtnak le Dinfelnak le Thianhlimnak le Tlukruannak le Miphun i Rualremnak cu BAWIPA THLARAU thawngin um ko seh. JESUH KHRIH lawnglawng hi Chin Miphun i kan SIANGPAHRANG le kan BAWIPA cu a si. BAWIPA PATHIAN lawnglawng hi kan PATHIAN cu a si. THIANG THLARAU lawnglawng hi kan zeizong ca i a kan bawmtu le a kan umpitu zungzaltu cu a si.
BAWIPA Vel le Daihnak nan cungah um ko seh. KHRIH sal, Tluang Lian (Martar)

Be the first to comment

Leave a Reply

Your email address will not be published.


*