Pumpululh siangpahrang tiah timi Pele nunnak liam, a tuanbia le a sining kong tete!

Pumpululh siangpahrang tiah timi Pele nunnak liam, a tuanbia le a sining kong tete!
========
Vawlei cung pumpululh chuih ah amah tluk an um hnga maw tiah timi Pele cu nizaan December 29 ni ah a nunnak liam ruangmang. Kum 82 upa cang mi Edson Arantes do Nascimento, Pele tiah theih bik mi cu cancer zawtnak in nizaan December 29, 2022 ah a nunnak a liam tiah chungkhar hna nih an langhter.

Pele hi a ram Brazil cu voi thum bak World Cup champion a lak pi kho tu pa a si. Amah thawng in a pum sawhsawh mi Pumpululh chuih hi vawlei cung mi hna nih kan zoh duh nak a si ee ti zong ah an timi pa a si.

Brazil Pumpululh Chuih Thiam Pele A Nunnak A Liam; Vawleipi nih ‘King of football ‘ tiah theih mi, pumpululh a chuih thiam ruang lawng ah si lo in World Cup champion hrai voi thum tiang Brazil a thlirpi tu, Pele cu cancer zawtnak in Sao Paulo’s Albert Einstein siizung ah anmah lei caan nizan zanlei suimilam 3:27 ah a nunnak a liam.

“Nikhat khat ahcun vancung ah pumpululh kan i celhti te lai ti kai ruahchan” tiin Pele nih Maradona 2020 i a rak thih lio hnemhnak ca a rak tial. Tu cu an pahnih tein Pathian taangnem tangah an um cang in Vancung khua ah pumpululh cu an chuih ti cang ne lai mu! “One day, I hope we can play football together in the sky” – Pele’s message after Diego Maradona died in 2020. Vanram cu duhtlinnak ram a si lai ti asi i an duh bikmi asi caah Pumpalulh an i celh tak kho men ko.

Pele A Thih cu Vawleicung Footballer Thiam Hna Zong An Ngaihchia Tuk Hringhran. Brazil football lei minthang a siko Pele thih cu a mah bantuk minthang a si vemi hna tampi ngaihchia in an um. Cu hna lakah, tulio a lar bakmi hna 4, Mbappe, Cristiano , Messi le Neymar hna nih an sianlo nak le an ngaihchiat nak an langhter.

Pele; Pumpululh 1363 a chuih i 1279 a goal! World cup voithum a lak pi khawh hna! 1958, 1962,1970! Kum 16 a si ah ram ai-awh in a chuih i world cup a chuih mi lak ah kum no bik a rak si! Kumzabu 1900-2000 chung ah pumpululh chuihthiambik min thatnak an pek!

Number 10, pumpululh chuihthiam, hmaikal nih an uarkhunnak hi Pele nih a rak i benh ruang ah a si ti khawh si! Nupi pathum, fa pasarih a ngei! Rosemeri dos Reis Cholbi (m. 1966; div. 1982),
Assíria Lemos Seixas (m. 1994; div. 2008), Marcia Aoki (m. 2016) an si! 1940 October 23 ah Brazil ram ah a chuak i 2022 December 29 ah an chuahnak a ram ah a thi!

Be the first to comment

Leave a Reply

Your email address will not be published.


*