Update: Ralhrang Ciitmi Mawtaw An Kah, An Dihlak In An Thi (VIDEO) He!

Ralhrang Ciitmi Mawtaw An Kah, An Dihlak In An Thi (VIDEO) He!
=====
Sagaing ramtthen Myothit pengchung ah rallam sialtu hna SAC ralhrang le an kuttang hna SNA le pyusawhti hna ciitmi mawtaw pakhat cu PDF fonh nih an kah hna caah a chung ummi ralhrang 7 an thidih hriamnam zong lakchih an si tiah PDF nih thawngthanhnak an tuah.

December 28 zing suimilam 9:00 tluk ah KNA (Burma), KCNDF le tualchung hriamtlai fonh hna nih an kahthah hna i 40MM hriamngan pakhat le Bomb kuan 14, M4-16 meithal 1, AK-47 meithal 1, M-92 meithal 1, 81 meithal 1, 9mm pistol meithal 1, 380 pistol meithal 1, Kuan bawm, phone pawl hna le meithal kuan tampi hna zong lakchih an si tiah PDF nih thanhca an chuah.

Tamu ah SAC ralhrang (7) thah an tong. Tamu peng Myotit khua ah SAC rengngei pakhat relchih in (7) ​thenh an si tiah KNA-Burma nih an thanh. December 28 zing Sml 9:00 hawng ah hmunram thenhhlimh nak ngeih mi ah pyusawhtee an hruai tu Win Aung le SAC ralbawi pahnih leng ah ralkap (4) nih an i citmi motor kahdoh an si tiah an tar langh.

SAC ralhrang hna sin in meithal zun-7 le kuanfang hna pin ah pehtlaihnak tuah nak seh thil hna zong fimtawl a si tiah KNA-Burma nih an thanh chih. Kahdohnak hi KNA-Burma phu / Tamu PDF B-1 le KCNDF phu hna i bawm in an tuah mi a si tiah theih chih a si.

Tamu Khuapi, Lakphak Dawr Ngeitu Nuva Cu Pyo Saw Hti Nih An Thah Hna! Sangaing ramṭhen, Tamu khuapi, Nanphalung ah Pyo Saw Hti nih sualnak ngeilo mipi nuva hna cu December 30 zaan ah an kah thah hna tiah theih a si. Hi thil a can hi December 30, zaan lei sml 6:00 hrawng ah lakphak dawr a tuahtu Ko Chit San Maung (Kum 29) le a nupi cu an dawr chung ah hriamtlai minung 6 nih an luh hnawh hna, aa sai lo mi pawl chuakdih uh tiah an ṭhawl hna hnu ah an nuva in bia an hal hna.

An nu va in an khuk an i bil i an nawl len hna lio ah an hnulei in meithal in an kah hna i a hmun ah an nunnak a liam beh tiah theih a si. Hi nuva hna nih hin fa pa 2 an roh tak hna. Ngakchia deuh hi ni 10 te lawng a si rih i a u deuh hi kum 6 a si tiah theih a si.

A u deuh te a ṭawk le a ban ah meithal hma a um caah Kalay Myo siizung ah an kal pi tiah theih a si. Ko Chit San Maung te nupa i an dawr chung tangka le cycle cu, cu Pyo Saw Hti phu nih cun an i laak tiah thawng theih a si.

Aung San Suu Kyi Thong Kum 33 Thlakding In Biachahnak An Tuah Piak Cang! Aung San Suu Kyi (Kum 78) cu sualphawtmi phun 5 ca ah kum 7 thong chapding in December 30, Nyapitaw thonginn biaceih zung in biachahnak an tuah piak i sualphawtnak phun 19 ca ah a dihlak fonh kum 33 thongtlak ding a si tiah theih a si.

Hi biachahnak hi Daw Aung San Suu Kyi lawng si lo in President U Win Myit (Kum 71) zong telh a si i kum 7 thong a si ve lai. A dang sualphawtnak phun 3 ca ah kum 5 thong a rak si cang i a dihlak fonh ah kum 12 thong tlakding a si ve tiah theih a si.

UN nih cun Daw Aung San Suu Kyi telh in ramkhel lei thongtla dihlak thlah ding le Myanmar ram chung ah hramhram uknak ngolding in forhfial biachahnak cu December 21 me peknak in bia an chah.

A tu bantuk in Daw Aung San Suu Kyi thong tlakding an chapmi kong ah US ramdang pehtlaihnak lei chimphuannak nawlngeitu nih an lung a tlin lo nak kong a langh ter. Cu bantuk ṭhiamṭhiam in Frence (ပြင်သစ်) zong nih Aung San Suu Kyi telh in ramkhel lei thongtla dihlak thlah dihding in a forhfial ve tiah theih a si.

2008 Phunghrampi Remh Ding Le Thimnak Tuah Dingin SAC Le Tlangcung Hriamtlaibu 5 Lungtlinnak An Ngei. Dec 26-29 tiang, ni 4 chung Naypyidaw ah tuahmi SAC le tlangcung hriamtlaibu 5 hna tonnak ah a tlangpi in lungtlinnak 4 an ngei kho i cu chungah 2008 phunghrampi remh ding le 2023 ah thimnak tuah ding ti an i tel.

Tonnak ah aa telmi tlangcung hriamtlaibu hna cu NCA ah min a thu i Peace Process Steering Team (PPST) chungtel a simi Arakan Liberation Party (ALP), Democratic Karen Budhist Army (DKBA), KNU/KNLA-Peace Council, Lahu Democratic Union (LDU) le Pa-O National Liberation Army (PNLO) hna an si.

2008 phunghrampi remh ding timi ah zei zawn dah a si timi bel fiangin theih a si rih lo. Tutan SAC he tonnak ah PPST chungtel a si ve mi Restoration Council of Shan State (RCSS) le New Mon State Party (NMSP) cu an i tel lo.

Kum 2023 thimnak ah SAC nih Proportional Representation (PR) thimning hman an timh. Asinain 2008 phunghrampi ah cun NLD chan lio i rak hmanmi thimning First-past-the-post (FPTP) lawng a um. PR hi 2008 phunghrampi he aa kalh caah 2008 phunghrampi remh ding an timi hi zeidang a si lai lo. FPTP le PR kong a si ko lai tiah ramkhel hlathlaitu hna nih an chim.

Ralhrang Nih An Thahmi Hna Ruakpawl Cu Hnawmbawm Chung Ah Hmuh An Si! December 29 nihin ah Magway ramtthen Htilin (ထီးလင်း) khuapi leng ummi hnawmbawm chungah SAC ralhrang nih an thahmi hna Chin pa pakhat le nu 2 hna ruak hlonhmi hmuh an si tiah theih a si. A luanciami ni zongah Magway ramtthen Pakokku khuapi ah Mindat khuami mino 2 hna cu SAC ralhrang nih an tlaih hna tiah theih a si.

Tlaihkhih a tongmi 2 hna cu Pakokku (ပခုက္ကူမြို့) khuapi ah an chungkhar hna thlopbul dingin an kal i khuapi chung an luh ah ralhrang nih an tlaih hna tiah Zalen nih a langhter.

Mindat Ah Mipi Minung 3 SAC Ralhrang Nih An Thah Hna! Chin ramkulh Mindat khuapi nitlak lei meng 5 hrawng hlatnak ‘University’ pawngah tualchungmi minung 3 hna cu SAC ralhrang 274 Battalion nih a ruang umlo in an thah hna tiah theih a si.

December 27 ah humhimnak latu SAC ralhrang pawl nih tlaih in an thahmi hna siko lai tiah tualchung thawnglatu nih a langhter. Mindat ramchung SAC ralhrang nih thazaang an chap hna i nifatin te lampi pawl ah hlathlainak le cheknak an tuah hna tiah theih a si. Tualchungmi minung 3 hna thah an tonnak konghe pehtlai in CDF-Mindat nih thawngfiang thanhnak an tuah rihlo tiah theihchih a si. Credit: Lungmili Post

Video zohnak link; https://fb.watch/hLXVD_PZl8/

Be the first to comment

Leave a Reply

Your email address will not be published.


*