Ralhrang palik sakhan cu Commando phu nih an phomh hna!
=========
SAC kuttang um palik sakhan cu Lion Battalion Commando phu nih Done in bomb an thlak. Mon ramkulh, Caihmayaw peng chung um SAC kuttang tuan Chaunghnakhuah palik sakhan cu Dec-21 ni ah khan Drone in bomb thlakhawh an si i palik (4) an thi tiah Lion Battalion Commando- byuha ralthluan nih an thanh.
Lion Battalion Commando – byuha ralthluan i, ANGRY BIRD drone phu nih an vadoh hna tiah theih cu a si. Palik tuanlio mi Pa(3) le Nu(1) an thi tiah vawleilei thawngpek nak in theih a si tiah Lion Battalion Commando – byuha ralthluan nih an langh ter. Dec- 22 ni zong ah drone in ralser tukdohnak neih a si i a thi mi le aihliam mi zat theih a si rih lo nak an langhter chih.
SAC nih zan khualtawng mi hriamngan in an kah tawn hna caah Kalay – Rih motor lampi ah zing Sml7:30 in zan lei Sml 5:30 kar tiang lawng Haimual khuathar cu palkhawh a si lai nak le Damlo zawtfah kong ah um kal nak a herh ah cun thawngthanh khawh an si nak MEDF nih an thanh.
SAC hriamngan tlak nak ruang ah kum (6) lawng a si mi ngakchia a nun nak a liam. Mague ramthem,Kyauhthuh hram bunh SAC miakpi tatyin nih khuachung cu i tinh in hrimngan in an kah ruang ah mipi thihliam an um leng ah inn ai rawk mi an um len tiah tualchung thawng lak nak hrampi a si mi Yaw A Lin Tan nih an langh ter.
Nizan Dec- 22 ni zan Sml 9 hrawng ah Kyauhthuh miakpi tat in Gongbo sang cu SAC nih hriamngan in voi-10 reng lo an kah nak ah kum (6)a si mi ngakchia nu te cu hriamngan kuan per khen nak in a nun nak a liam tiah theih a si. Ngakchia nu a nun nak a liam pin ah inn-9 hrawng ai rawk chih tiah theihchih a si.
Thailand Ah Myanmar Rammi (15) Tlaih An Tong. Kawthaung in Thailand ram Yanaung pengkomh ah a lutmi Myanmar rammi 11 le ngakchia 1 relchih in visa a dih cangmi Myanmar rammi 4 cu December 20 ah tlaih an tong, tiah No. 25 Thailand ralkap hna nih cathanh an chuah. Kawthaung in Yanaung pengkomh ah tilawng in Myanmar rammi an luhnak kong cu Thailand nawlngeitu hna nih an theih caah checkhlatnak an va tuah, tiah theih a si.
Checkhlatnak kan tuah lioah cycle pakhat le motor pakhat cu an zam i Duyin dum chung inn pakhat ah an dir. Motor khaltu pa cu a zam i kum 21 in kum 41 karlak Myanmar rammi Pa (le Nu (3) a tlik tak hna, tiah an langhter. Myanmar rammi hna cu Yangon in Kawthaung ah an kal i tilawng in ramri cu an tan hnuah Pickup motor in an kal. Khualtlawn kalnak man ah minung pakhat ah Baht 25,000 an dih, tiah theih a si.
December 20 hianhiam ah Karaburi-Chongphon bus a aihre mi cubgah visa a dih cangmi Myanmar rammi 4 zong Thailand nawlngeitu hna nih an tlaih chap hna, tiah theih a si. Tlaih a tongmi Myanmar rammi 15 le a bawmchantu hna cu upadi ning in dantat dingah Karaburi palik sakhan ah an kuat hna, tiah theih a si. Credit: Chin 24
Leave a Reply